طالبات الجغرافيا المواد اللي نزلت للترم التاني..نقاش نفيد ونستفيد ادخلو

[رورا الامورا]

السلام عليكم ورحمة الله وبركاته
كيف حالكم ياجغرافيات المستقبل ان شاء الله بخير
أنا حبيت أنزل دا الموضوع بعد ماشفت في الاودس انه قسمنا نزل مواد الترم التاني لكل طالبات قسم الجغرافيا في قائمة الشعب الدراسية مع بعض أسماء أستاذات المواد وقلت خلينا نشوف ايش راح ننزل ونشوف افضل الاستاذات ونفيد بعضنا ونستفيد..
دحين راح احط المواد اللي نزلت في الاؤدس للترم الثاني بالترتيب من المستوى الرابع من الخطة الدراسية بالصور

مواد من المستوى الرابع اللي نزلوها

والمواد اللي نزلت من المستوى الرابع هيا




والمواد اللي نزلت من المستوى الخامس هيا




والمواد اللي نزلت من المستوى السادس هيا
[/]


بس دي المواد اللي نزلت ماادري اذا راح يغيرو شي ولا لا وماادري اذا نسيت شي بس اذا نسيت شي راح ارجع اكتبه

المطلوب من البنات اللي اخدو دي المواد او درسو مع الاستاذات يقولولنا كيف شرحهم وأسئلتهم وينصحونا فيهم ولا لا؟؟
وكمان يتكلمونا عن المواد اذا اخذوها ؟؟
يلا يابنات نفيد ونستفيد

دعواتكم ومشاركاتكم ترى تعبت في تنزيل الصور والموضوع
الله يوفقنا اجمعيييييييييييين يارب
محبتكم وأختكم
رورا

[رورا الامورا]

البنات اللي راح يسئلو من فين جبت دا الكلام ادخلو عن طريق الاؤدس من قائمة الشعب الدراسيه
2010
رمز المادهGEOG
الفصل التاني
زي في الصورة هنا

راح تلاقو دي المواد والشعب اللي فوق بس لسا ماحطو الغرف ولا بعض اسماء الاستاذات







تـــــــــــــــــــــــــــــــــــــــــــــــــ ـــــــــم بحمد الله
يلا أستناكم

[ناعمة العود]

اهليــــــــــن رورا..
وعليـــكم الســلام ورحمـــة الله وبـــركاته..

بخـــــير الحمــدالله...
موضوع مرره فوقتــه ومن جد كويس انك فكرتــي تسويه
...وان شاء الله نستفــيد وكمـــان نســاعد بعــض..

لــــي بآآك

[ناعمة العود]

امممممممممممممممممم

بالنسبــه لنجــوى اصيل...شرحها حلو بس محاضرتها ممله...
اسئلتها سهــله وواضحـــه ..ويكــون موضوعي...ماتطلب واجبات كثير..
كل ماتخلص وحده تقريبا وبطريقه مو اسبوعيه يوم الاربعاء
تسوي اختبار بوحده ويكون سؤال او اثنيــن ..وعليه درجتيــن..
بالنسبــه لخيرية شهابي...
تعاملها صعب شويه..عصبيه..ماتعطي وجه ..شرحها حلو وتخرجي فاهمه ..
تطلب واجبات وعليها درجات طبعا..بكل محاضره تقريبا واجب ...
تحسـي انك متوتره بمحاضرتها واحيانا تحسي انك رح ترسبـي..بس هي تساعد
وتعطـي درجات..واسئلتها حلــوه..وواضحـــه ..

ابتســام الغــامدي..
مرره عسسسسسسسسسوله..وطيبه واسئــلتها حلوه وواضحــه جدا...وتشرح بنص ساعه وتفهمي كل شي..

يعنــي تعطيكي المفييـــــــد..
هذي كل المعلومات الي اعرفها ...ان شاء الله اكون افدتكم..

[نينا..]

السلام عليكم ..

كيفكم

الله يوفق الجميع ياااارب
انا اعرف الاستاذه سلوى مررره عسوله
بس انتبهي لا تسويلها حركات مالها داعلي لان لو حطتك في راسها الله يستر عليكي

الاستاذه ابتسام عواري مرره كويييييسه بس لازم تكوني منتبهه معاها وتساااااعد كثير في الدرجات وتنجح..

بس حبيت اسالكم عن ا\دليل العيسى تعطي مادة جغرافيه سياسيه.. بلييييز ردولي كيف هيا.؟

[ميـــرندا]

اول شي تسلم الايادي يارورا عالموضوع الحلو والله يعطيكي العافية عاللي تسوينه..
طيب بالنسبة للدكتورات والاستاذات اللي في الجدول انا درست عند

د. ابتسام عواري...طرق بحث
اول شي بجد انسانة راااائعة ومتواضعة يعني في الاخلاق توب ماشاء الله عليها
ثاني شي بالنسبة للمحاضرة..محاضرتها حلوة تفتح النفس و في الشرح تفهم وشرحها كان يعتمد على الباور بويند يعني عرض وتتناقش معانا وطلبتنا نشاط وتهتم بالمشاركة
ثالث شي بالنسبة لاختباراتها بصراحة اسالتها وسط يعني فيها الصعب وفيها السهل وفي اللي بالفهم
بس تسااااااااااعد في الدرجات بقدر اللي تستحقينه..

وأ.ابتسام الغامدي..اخذت معاها طبيعية
طيوبة وهاديه ..في البداية حسيتها تسرع في الشرح بس حلو شرحها
محاضرتها خفيفة وحلوة اسالتها في الدوري حسيتها واضحة بس في النهائي شوية صعبت بس بشكل عام حلوه اسالتها مافيها لف ودوران كثير..تطلب نشاط..

طبعا هاذي وجهة نظر وانا مااعرف ممكن يتغير اسلوبهم وشرحهم حسب المادة
والله يوفق الجميع وييسر لنا اللي فيه خير

[Mo0oNE]

يسلموو رورا موضوعكـ جدآ مفييد

آبتسام الغامدي ,,
لاتفوتيها عليكي وتروحي لغيرها
استاذه مرره عسولها واختباراتها معقوله مو صعبه غير كدا بتعطي تكليف واحد ويكون بسيط
وتعطي عليه الدرجه الكامله ,, يعني في مرره سالتها كم اخدت ع التكليف قالت الكل علآمه كامله

د:عائشه ,,
ماعرف ليه يارورا احسك مرره تحوبيها حتى في محاضرتها اشوفك نشيطه ماشاءالله خخخ
انا ماتعجبني وبصراحه ماتعطي الدرجه يعني انا مسويه بحث وكامل في النهايه تعطيني 16من20
وباقي القروب نص الدرجه عشان ماحضرو,,دآ ظلم بعينو

آمآآ خيريه الشهابي,,
في البدايه تعقدت منها وقلت اكييد ماراح انجح في الماده وفحط كثير عشان احذفها بس ماصار معايا
بس في نهاية الترم سوت مراجعه واعطتنا الدرجه كامله ع التكلييف غير كدا الاختبار النهائي ماقابلت ولا وحده الا ومبسووطه من الاختبار ,,
شرحها جدا رائع وتعييد لومافهمتي معاها اهم شي تكون الطالبه فاهمه عندها<<وربي انها فللله

وبث دآ الي اعرفو عن الاستاذات بالتوفيق ياعسووله,,
آحنا كمان استفدنا كثيير من موضوعك يسلمك ربي ,,

[رورا الامورا]

هلا ناعمه.. حبيبة قلبي..أكيد افدتينا ياعسسسسل بس ماقلتيلنا ايش ناويه تنزلي مواد للترم التاني؟ جزاكي الله كل خير ووفقك يارب

نينا يااحلا قمر منوره كويس في احد درستو دكتوره جديده بس ماقلتيلنا كيف أسئلتها؟ وماقلتيلنا ايش راح تنزلي للترم التاني؟
وان شاء الله يجو بنات يقولولنا عن ا\دليل العيسى لاني افكر انزل السياسية جزاكي الله كل خير ووفقك يارب

اهلين والله بميرندا نورتي المنتدى كله يااحلا الحلوين..من طول الغيبات جاب الغنايم *_^
ابتسام عواري منزلين لها مادة جغرافيا حيوية اممممم وافكر انزلها بس لسا بستخير وببحث في النت عن المواد لاني بأذن الله ناوية انزل 5 مواد وحده عامة والباقيه تخصص..
اللهم امين ياحياتي الله يسعدك جزاكي الله كل خير ووفقك يارب

موني يسلممممك ربي ياقمر هذا من واجبي حبيبتي..سمعت عن ابتسام كثير ياقمر بس للاسف منزليلها الطبيعية الترم الجاي وانا اخدت الطبيعيه خلاص ونجحت فيها الحمدلله..
ههههههههه والدكتوره عائشة الغالية فعلا من الدكتورات اللي احبهم من قلبي لانها مخلصه في تعليمها للبنات وتساعد وماتقصر مع احد وطيبه ولو راح اتكلم من هنا لبكرا ماراح اوفي حقها او حق اي معلم ومعلمه بيدرسو طلابهم وطالباتهم بأخلاص زيها..وصدقيني مانقصتك الا انها شايفه شي مو كامل بالبحث وانا كمان نقصتني لاني ماحطيت خرايط واذا شايفه انو بحثك كان موضوعه من الموضوعات المهمه وكامل كل المواضيع ومو ناقص خرايط والبنات حضرو وناقشو واهتمو روحيلها وناقشيها فالموضوع وصديقني ماراح تضلمك..
وبجد اتمنى لو انها تدرس ماده دا الترم عشان اخدها معاها لاني استفدت منها كثير واتعلمت اشياء كثيره تنمي شخصيتي هيا وباقي الدكتورات الفاضلات..
على فكره انا ماعرفتك مين؟؟ممكن اعرف؟
وجزاكي الله كل خير ووفقك يارب

لي رجعه عشان اقلكم ايش افكر انزل مواد واتمنى انتو كمان تقولولي ايش راح تنزلو ومع مين؟؟
الله يسعدكم كلكم يارب ويوفقكم ويكتبلنا كلنا مافيه الخير
سامحوني عالتقصير

[رورا الامورا]

بنات وانا ابحث عن المواد لقيت دي المعلومات وحبيت احطها لكم عشان تخدو فكره عن المواد

تطور الفكر الجغرافي
http://www.skaau.com/vb/showthread.php?t=54507

مادة مبادئ مساحة و دراسات حقلية
http://art.kau.edu.sa/content.aspx?S...www.kau.edu.sa


http://art.kau.edu.sa/content.aspx?S...www.kau.edu.sa

وانا ادور عن مادة نصوص جغرافية باللغة الانجليزية مالقيت شي بس لقيت دا الموضوع فالمنتدى يشمل اكتر من ماده
http://www.skaau.com/vb/showthread.php?t=44041

الجغرافيا الاقتصادية
للاسف مالقيت لها شي ابدا غير معلومات عامة من ويكيبيديا على دا الرابط

http://ar.wikipedia.org/wiki/%D8%AC%...AF%D9%8A%D8%A9

ومادة نظم المعلومات الجغرافية دوررررت فالنت ولقيت اشياء كتيره بس برضو ماتخص الماده بس لقيت انو فيها اهتمام كبير واتوقع لو اتخرجنا من التخصص دا راح نلاقي وظايف كتيره والله اعلم عالعموم اللي تحب تكتب في قوقل نظم المعلومات الجغرافية وتشوف
ودا رابط لملخص لها بس مااتوقع يخص جامعتنا

http://www.agreng-iq.com/showthread.php?1-(gis)-!!

أشكال سطح الأرض

http://sabdulghaffar.kau.edu.sa/cont...www.kau.edu.sa

ومادة الجغرافية الحيوية
لقيت عنها دا الكلام في الرابط

http://www.qalqilia.edu.ps/hayawee1.htm

ومادة الجغرافية السياسية

http://www.mrsa4.com/vb/t5469.html

ومادة جغرافية السكان

http://www.moqatel.com/openshare/Beh...37.doc_cvt.htm

ومادة جغرافية المدن

http://www.adabwafan.com/display/product.asp?id=502

وبسسسسسسسسس كدا انتهينا اتمنى تكونو استفدتو
والله تعبت
على فكره انا افكر اخد اشكال سطح الارض وتطور الفكر الجغرافي و(( الجغرافية السياسية او جغرافية السكان)) والجغرافيا الاقتصادية وحده منهم وثقافة اسلامية
وانتو؟؟ ايش راح تاخدو؟؟
دعوووواتكم الله يكتبلنا الخير في كل امورنا وفي الجدول

[جغرافية 2010]

و الله ما اعرف ,, لاني انتساب

موضوع مرآ جونان منك جزاك الله خيرا يا عسولة

بس انا افكران شاء الله اخذ تطور الفكر الجغرافي

و اسس علم الخرائط

و طرق البحث الجغرافي

و الثقافة الاسلامية 2

و هو بالاخير الي تسوية لية المرشدة الاكادمية ما ادري ايش حتحطلي الترم الجاي :(