بالله مو شيء يقهر ايش رأيكم

[triples]

السلام عليكم ورحمه الله وبركاته

شباب انا طالب في هندسه الانتاج

طبعا انتوا عارفين انه في ماده علينا ناخذها من كلية الاداره والاقتصاد

اوكيه انا اخذت اقتصاد 101 ومادتين من الانتاج meng 434 meng 470

يعني 9 ساعات وزي مانتوا شايفين انه مواد الهندسه تبدا ب 4 يعني مواد كبيره وقلت اخذ ماده سهله معاهم زي الاقتصاد


لاكن للاسف اخذت ماده الاقتصاد عند دكتور اسمه اسامه فلالي (( نصيحه لاتاخذوها عنده ))

وهذا الدكتور انننننننننننننسى تاخذ عنده فوق 75 لو تموووووت ماتاخذها

على العموم النتائج نزلت اخذت في مواد الهندسه A وماده الاقتصاد C+

المفروض اني اخذ كل مواد الصيف امتياز بالله مو شيء يقهر

على العموم روحت اقدم شكوى لاداره الهندسه عارفين ايش قالوا لي قالوا لي اكتب موضوعك واحنا بنهتم بالموضوع سألتهم كيف بتهتموا قالوا ماحنخلي طلابنا يدرسوا عنده بعد كده طيب وانااااااااااااا

لاحول ولا قوه الا بالله

مع تحياتي

[rakan]

هلا أخوي سلطان


أفاااا كدا تفشلنا في كلية الاقتصاد والادارة؟؟؟ <<< أمزح لاتصدقه

الصراحة...في واحد في كلية الاقتصاد والادارة يقول انه أصلا في دكاترة جدا سيئين ومعقدين...حتى اللي داخل طب لو درس عنده برضه ماراح يجيب أعلى من C+

وترى المادة اللي ذكرتها من المواد السهلة...ولكن للأسف الدكاترة دايما يصعبوها

يعني كيف لو شفت مواد المحاسبة عندهم؟؟؟ والمادة دي نسبة الرسوب عندهم كبيرة...لأنها صعبة أولا وثانيا الدكاترة يصعبوها بزيادة ... وعشان كدا ياعزيزي لاتزعل من الدرجة ودا كان مقدر ومكتوب عند الله

أهم شي انك جبت أعلى الدرجات في الهندسة لأنها هي اللي حتفيدك في مستقبلك الهندسي...والمواد الثانية مجرد أشياء زيادة يزيدوا بها ثقافتك وبس

بالمناسبة...أنا أخذت مادة اسمها علم نفس مهني الترم الفات وترى أنصح الجميع بيها...الدكاترة حقتها جدا طيبيين والمادة نفسها حلوة وتحسها مادة استراحة بين المواد...أخذت فيها A وأنا ماشديت حيلي وجدا حتفيدكم لأنها تتكلم عن ضغوط العمل والمشاكل التي تواجهها في العمل ودا يتضمن الطلاب نفسهم في بيئة عملهم (دراستهم) وكيف يتخلصوا من الضغوط وكيف يزيدوا حافزيتهم...الخ الخ


المهم نرجع لسلطان ... ها بشر ارتفع معدلك أخيرا ولا فضل متجمد زي العادة؟ ... لا أكيد ان شاء الله بيرتفع طالما جبت درجات عالية في الهندسة وان شاء الله هي اللي حتنسيك المادة دي...وأحمد ربك انها ماكانت أقل من كدا..ترى في دكاترة عندهم ولايطالعوا..يحطوا الدرجات من راسهم

[AbO FahaD]

اعانك الله اخوي
من ناحية ان درجتك تتعدل لاعاد تفكر
بس الله يوفقك في القادم
خلاص انساها لاعاد تفكر فيها
وزي ماقال الاخ راكان
المهم مواد التخصص
ومشكور على التحذير من هالدكتور

[KING OF BIO]

ياشيخ اصلا متطلبات الجامعه دي بيييض انا زييك اخذت ما ده في قسم الاحياء اربع ساعات ونزلت فلك كذه عشان ارف المعدل اشبي ما اكل الهوى في الفلك التخصص ده الي مالو داعي غير تصميم التقاويم