تنصحوني اتخصص دراسات طفوله ؟؟!

[calm]

السلام عليكم ورحمة الله

كيفكم ان شاء الله تكونوا تمام

انا تحضيري ومررررة حايسه بالتخصص المشكله جبت معدل 4,11
ومع كدا احس المسار الاداري انساني مافي تخصص يرضيني او له مستقبل حلو
وسمعت عن دراسات طفوله وحابه اسالكم لان في ناس يقولوا مالو مستقبل وهيك بس برضوا يمدححوه ويقولوا ممتع وسهل

فحابه اسالكم
1- بالنسبة للمستقبل الوظيفي كيف حلو ولا لا؟
2- صعوبة المناهج والاستاذات والدكاترة كيف ؟

اتمنى تنصحوني وتردون باسسرع وقت لاني مرة تاخرت عالتسكين


وسوال اخير سمعت ان التعذيه مسار علمي صح او لا ؟

اما اذا كان مكان موضوعي خطآ فانا اسفة

[سووما.مي]

شوفي حياتي قسم دراسات الطفولة ممتع جدا بس موسهل زي ما كثير من البنات يفتكرو التخصص مو صعب كمان السهل الممتنع
اما تخصص التغذية لوتبغي تاخديه لازم تدرسي مادتين علمي ايش هيا ما ادري (زي ما سمعت بس لو تتاكدي من الكلية يكون احسن روحي مبنى 43 الدور الثاني واسالي المسؤولات عن القسم

[calm]

مررة شكرا قلبوو
واتمنى اسمع اراء كمان خاصه عن التوظيف لاني اخترته واقدر اغيره

[ساكنه في بيتنا]

و عليكم السلام و رحمه الله و بركاته

محا اتكلم عن التخصص حأتكلم عن المستقبل الوظيفي دام انه يهمك


اول شي شي حلو لما تكوني الوحيده انو من القله اللي يعرفوا يتعاملوا مع أحلى و الزز مخلوقات الله ..

تاني شي رياض الأطفال كم سنه كمان حتكون سنه الزاميه يعني اللي مادخل روضه ما يدخل ابتدائي .. و شي طبيعي حيكونوا محتاجين معلمات رياض أطفال

الشي التالت .. مجال ذوي الإحتياجات الخاصة جداً محتاج لناس متخصصين زينا :)

الشي الرابع .. لو عندك القدرة المالية تقدري تفتحي مكتب استشارات تربوية في حالة كنتي مؤهلة لذلك

الشي الخامس .. لو الأهل فري تقدري تشتغي في مجال التلفزيون .. اعرف وحده معده برامج و مقدمه في قناة أجيال السعودية

الشي السادس و الله لو تفكري بعقلك تلقي الف وظيفة ووظيفة و انتي جالسة في بيتك لو كنتي من النوع اللي يحب الشغل بيده لأنو تخصصنا في حاجات كتير تعمليها و لو قدرتي تفكري زي الناس تقدري تخترعي شغل لنفسك :)

سابع شي ,, استخيري ربنا و صدقيني محا تندمي بإذن الله .. ..

[قدوتي رسول الله]

السلام عليكم ورحمة الله وبركاته
لو سمحتو مقرقسم دراسات طفوله وين في الجامعة الاساسية او في الفيصلية اوفين

[Nothing]

في الجامعه الاساسيه وبالتحديد في كلية الاقتصاد المنزلي مبنى 42 و 43
الخنساء والبتول وكمان مبنى ثاني
بس كلها في جهةة وحده عند رابيس والملتقى الي عند غربية باصات ..

[نسمات]

شوفي انا كمان سنه تحضيري زيك
فقالولي انو التخصص مالو مستقبل وكلام فاضي كثير
بصراحه ايش عملت سيبت كلامهم ورحت ابحث بنفسي واسأل
وختمت مشواري باستخاره
ومن بعده على طول ارتحت وفتحت الاودس وحطيتها اول رغبه

[ساكنه في بيتنا]

من اللي قال مالو مستقبل !!!!!!!!!!!!!!!!!

حاليا حيخلوا رياض الأطفال مرحلة الزامية يعني انهم محتاجين معلمات يعني القسم له مستقبل

ولو مو حابه تكوني معلمة الف شغله و شغله بس اللهم انها مو حكوميه ..

احسن شي سويتيه انك استخرتي

الله يكتبلك الخير فين ما يكون يارب ..

[calm]

مرررة شكرا الله يسعدكم جد ريحتوني وانا حابه القسم لانه جديد وخفيف عالقلب
وممتع مو مقرر احفظه وانتهينا

[ساكنه في بيتنا]

الله يكتبلك الخير ..

قسمنا يعتمد على الحفظ بس برضو لازم تكوني فاهمه ايش بتحفظي ولا محا تقدري تطبقي