وتستمر المهزله يامعهد اللغات

[miss jojo]

السلام عليكم ورحمه الله وبركاته
كيف حالكم بنات...؟؟
سأطرح معاناتي لعل احد منكم يواسيني في مصيبتي ...
انا طالبه انتظام دفعه 2010 بدأت سنه تحضيريه مسار علمي ..ثم قدمت اعتذار لظروووف خاصه
بعد ذلك حولت من المسار العلمي للمسار الاداري ..ومع انطلاقه الترم الثاني لطالبات السنه التحضيريه بدات الترم الاول بالنسبه لي ..<<كل شي تمااام
المهم والحمد لله انتهى الترم الاول وحصلت على معدل عالي وخصوصا الانقليش كنت حاصله ع +a
بعد ذلك أفاجأ مع بدايه السنه الجديده بأن نظام الانقليزي قد تغير ولابد من اخد اربع مستويات كل 6 اسابيع مستوى يعني بالعربي ترمين يعني كاني مادرست انقليزي الترم الاول ..يعني ارجع من الصفر
ذهبت لمعهد اللغات لكي اتاكدا ان النظام سيطبق ع دفعه 2010 ,,سألتها انا سنه تحضيريه وووو .. الخ ..
الرد ..تاخدي اربع مستويات ويطبق عليكي النظام الجديد اقلها يعني لازم ترم ثاني يضيع للانقليش بس تقوول مو شغلنا قدمو شكوى ..
طبعااا الرد بكل بروود واستخفاف بالعقووول >والي يده في المويه مو زي الي يده في النار<..
يعني الخلاصه انا ضاع عليا ترم ..لمن اعتذرت ولاسباب خاصه بالاضافه انو للجامعه يد فيهاا بقراراتها السخيفه ..
وراح يضيع عليا ترم ثاني عشان الانقليزي يعني سنه كامله يعني الى متى المهزله هذي يعني يطبقو نظام بدوون اسثناءات .<.يعني انتو في حريقه>
انا الصراحه ماني عارفه ايش اسووي اكتب واحس شويا وابكي المشكله الاكبر انا بدخل محاسبه ودفعتنا فيها استثناء انو نقدر ندخل واحنا اداري وراح ترووح عليا الفرصه لو ضاع ترم ثاني
في النهاايه اسفه ع الاطاله بس حبيت اوريكم الجامعه الموقره كيف تتعامل مع طالباتها وتلعب في مستقبلهم ..
لكــــــــــــــــــــــــــــــــــــــــــــــم ودي

[اي شي !!]

ياعمرري حاسه فيكي :''(
مدري ايش اقولك بس خليكي قويه خليه دافع انك تصري عالشي الي انتي تبغيه
ولا تسكتي روحي قدمي شكوى في معهد اللغه يمكن يطنشوكي بس اهم شي سويتي الي عليكي
يمكن خيره الي يصير فيكي عشان يفتح عيونك على شي ثاني صح :)
الله يفتحها عليكي ويكتب لكي الخير وين ماكان :)

[سكرة جده]

يااقلبي والله حاسين فيكي شي يقهرر :(

بس من جد لا تسكتي واعملي العليكي والباقي على ربنا..واذا ما فاد شي خلاص اتوكلي على الله وارضي بنصيبك عاد واجتهدي..

الله يوفقك ^^

[..عـ أنثى ـذوبة..]

ما اقوووول الا حسبي الله ونعم الوكيل .. ذا المعهد ماترك احد بحااااااااااااااااله

[Esraa.MD]

والله انا من رايي ارسلي رسالة للمشاط وروحي العمادة اوقفي على راسهم لانه مستحييييييييييييييل كل الي كانو ترم ثاني حيعيدو صعب والله لا تسكتي على حقك وان شالله ربي مايضيعلك حقك

[احلى ما بالكون]

والله حرام عليهم انا اعرف بنات تركو الانقلش لانهم رسبو وقالو ندرس الترم الجاي
بس حرام تضيعو سنه عشان انقلش

[غـزل]

ياااقلبي لاتسكتي عن حقك ووكلي امرك لربك هواا يااخد حقك منهم
موفقه اختي

[أنثى وحيدة]

ارسلي رسالة للدكتور اسامة
حسبي الله ونعم الوكيل

[miss jojo]

الله يسعدكم ..شرفني مروركم الي نورلي صفحتي وخفف عليا شوياااااا ..
أنا طبعاا مستحيل اسكت راح اعمل المستحيل وربنا يكتبلي الي في الخير ..لكن اذا كان قرارات زي كدا توقف في طريقك ..يعني انا مو اول مرره يسر لي كدا حتى قرار تحولي من علمي لااداري اني كنت ابغى محاسبه والمشاط يقول المحاسبه في الاداري رحنا الاداري قال المحاسبه في العلمي >>قمه المهزله نلعب مع بعض ..
مااقول الا حسبي الله ونعم الوكيل عليهم ...لكم ودي حبايبي ..

[reem.z.a]

راسلي المشاط و اكيد حيساعدك