انا وجدووولي المصوون مفكره ابطل من الجامعه بسببو

pink11shadows · #1 29-09-2010, 02:15 PM

بسم الله الرحمن الرحيــ/ــم

السلام عليكم ورحمة الله وبركاته
كيفكم يا امورين وامورات نقرتين لعرض الصورة في صفحة مستقلة

الموضوع مبين من عنوانو انا سنة تحضيريه اداري وانساني انتضام خطه أ<< نقرتين لعرض الصورة في صفحة مستقلة

ابغا احد يكون جدولو زي جدولي عشان حاسه ان جدولي فيه اخطاء انو الانجليزي عندي بس 3 حصص في الاسبوع ومدة المحاضرة ساعة الا عشرة دقايق والمحاضرات حقت الانجليزي 3 ساعات بينها بريكات غير كدا انو انا تخلص محاضراتي 11 و50 دقيقه واعرف بنات نفس خطتي يطلعون 3 الا ربع ويوم الاحد والثلوث ماعندي غير محاضرة وحدة اللي هيا رياضيات تبدا الساعة 1 وتخلص 2 وعشرين دقيقة احس جدولي مررره غريب وملخبط ومو مرتاحه عليه ابدن مع العلم اني الاسبوع دا ماحضرت ولا محاضرة ولما رحت العمادة جلست تنافخ عليا اللي في غرفة 16 وتقول جدولك صح الله يخليكم انا مره مكركبه وشايله هم ومررره خايفه من جدولي حتا مو قادره انام يكفي طارت عليا محاضرات اول اسبوع ياااااااااااارب ان الي يرد عليا ربي يفتحها في وجهو ويحققلو كل اللي يتمناه ياااارب ويرزقو كل خيروادا بنوته يزوجهاا نقرتين لعرض الصورة في صفحة مستقلة

TURKI ALharbi · 29-09-2010, 02:18 PM

جدولك مكركب بس اول اسبوع بدراسه الفعليه حيتغير

غـزل · 29-09-2010, 02:24 PM

ياقلبي جدولك صح وعاااااااااااااادي انتي غير وصحباااتك غير مو شرط كلكم زي بعض
ممكن هما عندهم الرياضيات السبت والاثنين والاربعااء وانتي الاحد والثلاثاء
لا تخاااااااااااااااافي هما الي ينزلوه واذا فيه غلط راح يغير السبت واذا ماتغير يعني صح
والله مو انتو الي المفروض تخاافو احنا الي نخاااف احنا الي ننزل جدولنا وماندري صح ولا غلط
ياااقلبي لاتشيلي هم موفقه اختي

•♥fŗŌồtą · 29-09-2010, 02:25 PM

طيب لو تحطي جدولك في المنتدى عشان نشوف امكن انتي منتي فاهمتو كويس ^^

pink11shadows · 29-09-2010, 02:29 PM

انا كنت ماخده الوض

pink11shadows · 29-09-2010, 02:32 PM

انا كنت ماخده الوضع عادي بس اليوم البنات الي خوفوني قالولي لازم الانجليزي يوميا و3 ساعات ولما رحت محاضرتي الي مكتوب عندي تبدا 11 لقيتها بدأت من 10 ووقت محاضرتي كان بريك يلا إن شاء الله يكون صح كلامكم واذا كان خطا يتعدل الجدول قبل يوم السبت بنزلكم الجدول ادا فتح السيد اودس وانتو احكمو