سؤال لبنات ادارة سكن ومؤسسات :: استفسار

[lulu bajaber]

السلام عليكم ورحمة الله وبركاته



بنات حابة اسألكم عن بعض المواد وافضل استاذات لانو حابة اكمل في التخصص وابغى استفسر عنهم

مادة ادارة الموارد الاسرية + السكن وتأثيثه + الادوات والاجهزة المنزلية + نباتات الزينه وتنسيق الزهور

وبس ياليت تقولولي افضل الاستاذات فيها عشان لما اعمل الجدول للسمستر التاني

وشكرا

[الوردة الموفية]

الأستاذات ما يعطو نفس المواد كل سميستر ..

بقولك ع الأستاذات الي تعاملت معاهم

سلوى الغامدي .. مرة تمام وطيبة واسئلتها كمان سهلة

أستاذة إلهام سعيد .. عســل وطيبة كمان .. بس أظن بس تعطي مادة علاقات اسرية

استاذة تغريد كمان تمآآآم وطيووبة و اسئلتها حلوة

استاذة زينب حقي .. طيبة و تعطي اسئلة مراجعة قبل الاختبارات

استاذة سماح .. هي تعاملها تمآآم بس تموووت بالتكاليف تعشققهم واسئلتها كلها كتابة

في الزهور هم بس ثنتين يعطوها منال و سلوى .. أنا أخذت مع منال بس يقولو سلوى أفضل بكثيـــر

..

وانتبهي تاخذي مع استاذة زينب عبدالصمد .. لأنك مو بس بتكرهي القسم إلا بتكرهي الجامعة بكبرهآآ

[lulu bajaber]

المشاركة الأصلية كتبت بواسطة الوردة الموفية الأستاذات ما يعطو نفس المواد كل سميستر .. بقولك ع الأستاذات الي تعاملت معاهم سلوى الغامدي .. مرة تمام وطيبة واسئلتها كمان سهلة أستاذة إلهام سعيد .. عســل وطيبة كمان .. بس أظن بس تعطي مادة علاقات اسرية استاذة تغريد كمان تمآآآم وطيووبة و اسئلتها حلوة استاذة زينب حقي .. طيبة و تعطي اسئلة مراجعة قبل الاختبارات استاذة سماح .. هي تعاملها تمآآم بس تموووت بالتكاليف تعشققهم واسئلتها كلها كتابة في الزهور هم بس ثنتين يعطوها منال و سلوى .. أنا أخذت مع منال بس يقولو سلوى أفضل بكثيـــر .. وانتبهي تاخذي مع استاذة زينب عبدالصمد .. لأنك مو بس بتكرهي القسم إلا بتكرهي الجامعة بكبرهآآ

مررررا شكرا يعطيكي الف عافيه من جد افدتيني

[البسمة الدافئة]

لاتاخذي ادوات واجهزه مع أ/عيشششششه بارضوان نصييييحه

[lulu bajaber]

البسمة الدافئة شكرا ياقلبي ^^

[نيكييتا]

ادوات حتعطيها اظن السمستر الجاي استاذة اكرام انا مابعرف اسلوبها بس صحباتي معاها في ادارة حفلات بيبكو منها ...

ادوات المادة اساسا ثقيلة فماراح يفرق تاخذيها مع مين بس اهم شي انك تحفظي الكتاب كله ^^"
ادارة موارد خذيها مع استاذة موثوق فيها لأنها هي الي حتأسسك لباقي مواد القسم و الي حتعطيها السمستر الجاي هي دكتورة ألفت بس هذا من حظكم لأنها جدا جدا جيدة بس لازم تذاكرو معاها بذمة

سكن مايفرق لأنو المادة كلها عملي و اساسا سهلة جدا و ممتعة جدا

و نباتات العملي مع منال بس النظري يفرق بس مافي اي خوف من المادة لأنها تعتمد على العملي

بس وجهة نظري لا تاخذي نباتات و سكن سوا لأنو ميزانيتك حتضرب لأنو في سكن حتحتاجي تشتري أدوات الرسم و تقريبا تكون تقريبا ب500 او اكثر و نباتات انتي كل اسبوع حتشتري الورود و تقريبا ماراح تتجاوز الميتين

بس قلت لك لاتاخذيهم سوا عشان وقت تقديم المشاريع الفاينل حتتعبي مرررررة نفسيا و عقليا

و ربنا يوفقك و يوفقنا ^ ـ ^

[,RoOoNa]

ممكن سؤال استاذه زينب حقي اش المادة اللي تعطيها ؟؟

[فديتني يناسو عليا]

انا حاليا اخذ معاها اقتصاديات الاسرة وترشيد الاستهلاك

[نيكييتا]

المواد الي تعطيها دكتورة زينب حقي مواد اساسية و تأسسك في التخصص بس لو كان في احد غيرها يعطيها خذيها معاها لأنو اسلوب دكتورة زينب تعاملك انك طالبة تخصص خلاص يعني ماتشرح لك من الصفر .. بس فوق كذا تضمني درجاتك معها

موفقة ان شاء الله

[lulu bajaber]

مررررا شكرا للي ردو يعطيكم الف عافية

من جد افدتوني