كيف نعرف نتايج الاختبار الدوري الاول ؟

[memoo2009]

سلام عليكم

والله اني احسها درجات ثنويه عامه واشد بعد

[لولوجدهـ]

نحنا الاستاذات اعطونا بعض الدرجات ..

بس في بنات انظلموا في التصحيح الالي .. وراح يعيدوا التصحيح يدوي عشان محد ينظلم ..

[غرآم]

احنا اخذنا درجة التحليل الاحصااائي والحمد الله كانت الدرجات مرا حلووه ..

بس زي ما قالت لولو بنات كتير انظلموا بالتصحيح الالي ولما كلمو الدكتوره عادة معهم التصحيح الله يجزيها الف خير ..

وحده كانت درجتها 8 صارت 26 .. التانيهـ 18 صارت 26 .. فلي متاكده انها جاووبت صووح ونقصت كتير تحاول تراجع اختبارها مع الدكتورهـ ..

وبنات كتير كانو ما يظللو رقم النموذج فراحو فيها ولا يظللو رقم النموذج خطا فانتبهو الدوري الثاني والفاينل ..

والدرجات زي ما قالو الاغلبيه راح تنزل على الاوديس ..

بالتوفيق لنا ياااارب ..

[do0ode]

المشاركة الأصلية كتبت بواسطة lol0o الي تقول نزل في الاوديس النتائج الفصليه وين رحتي علمينا

لولو عزيزتي
تدخلي على الاوديس وتدخلي على ملفك الشخصي
وبعدين تلقين على اليمين تقارير استعلامات
مكتوب تحتها كشف الدرجات والجدول الدراسي راح تلقين النتائج الفصليه في الصف نفسه ..

[memoo2009]

المشاركة الأصلية كتبت بواسطة do0ode لولو عزيزتي تدخلي على الاوديس وتدخلي على ملفك الشخصي وبعدين تلقين على اليمين تقارير استعلامات مكتوب تحتها كشف الدرجات والجدول الدراسي راح تلقين النتائج الفصليه في الصف نفسه ..

عارفه اني دخلت فجأه

بس انا ماعندي وكل شوي ادخل بس ماالقى هذي الخاصيه

[i!i! إيقـاع المطر i!i!]

حتى انا ماظهرتلي لسع

بس انتي تقولي نظلل لون النموذج انا افتكر انو دايما يكون مضلل بالطباعه ؟؟

[do0ode]

غريبه مو ظاهر عندك ياميمو
على العموم انتوا اسئلوا الاستاذات واكيد يقولون وين راح تنزل ومتى ..
لان الدكتورة حبيبه الي تعطينا رياضيات الله يسامحها تقول بعد العيد

والله يوفقنا اجمعين يااارب وتكون درجاتنا حلووة ويكون عندهم ضمير .

[غرآم]

لا اختبار واحد الي جانا لون النموذج مظلل الباقي احنا كونا نظللو ...

والخااصيه الي تتكلمو عليها حتى انا ما عندي :(

[حصه بنت عبدالعزيز]

والله صراحة كل أستاذة تفتي من راسها على موعد
طلوع النتايج وإلي رايح فيها إحنا وأتنكبنا بسببهم ..
ودرجات غلط وشي ما تصحح خربانة المشين
ويظلمو البنات وفي النهاية يبغونا نفلح ولا
ندرس ولا نتطور ونتقدم ويقولو ليه شبابنا
يكرهو الدراسة وربي من عمايلهم السودة ..
بس ع العموم إحنا خطة ب ما نزلنا إلا
درجة التحليل الإحصائي بس ..

[%الزعيمه%]

سمعت انه فيه بنات من خطة ب نزلت لهم درجات الانقلش صح والا لا