فيــــــــزياء 202

[M7mmd.Y]

السلام عليكم ورحمة الله وبركاته

اولاً اتحدد مكان الأختبار وهو في مبنى 125 بإذن الله

ثاني شي... في احد فاهم شي؟؟

خصوصاً آخر شابترين الدكتور علي مو منزلها سلايدات فـ الوضع حوسة

والدكتور تبعي في الغالب جالس يشرح فيزياء 31604 مو الكورس حقنا لأني كاتب كل شي معاه

لكن الشرح في وادي وكورس 202 في وادي ثاني

كل اللي كتبه قوانين ورموز ورسمات, حتى القوانين بعد ما ذاكرت لقيتها متكررة مع الشباتر اللي قبل

فـ كان الحل الأخير اني ارجع لملخصات اشرف بركات.. وهي كَم كبيير جداً وقوانين كثيرة

وجزئيات اكيد مو معانا .. فـ تعبت نفسياً ومني قادر اذاكر.. وكل اعتمادي على الله ثم على السلايدات

يعني لو جات مسائل كثير فيها افكار واصعب من اللي فيها...

المشكلة اني ما ابغا اجلس اقارن مع اشرف واللي كتبتو واعتمد القوانين المتشابهه

وبعدين الاقي حاجات جديدة في الاختبار زي ما صار المرة اللي راحت ( قانون ما ذكره الدكتور وجا سؤال عليه )

المصيبة ان الدكتور يشرح من جهة والسلايدات من جهة واشرف بركات من جهة والاختبار من جهة

في احد جالس يعاني زيي ولا انا الوحيد؟؟

*دكتور علي اعطينا وجه اتأخرت علينا.. قلنا ايش معانا وايش مو معانا وسلايدات آخر شابترين

الله يسهل لكم اموركم يارب

[sultanooh]

مالك حق تحس بالحوسه فمعروف المنهج اللي معكم من كتاب الفيزياء المقرر

النهائي الترم الثاني جانا صعب والاصعب النظري يحتاج لغة قويه جدا حتى تفهم السؤال فقط فما بالك بالاجابه

ما اقصد اخوفك لكن ابعد عن اشرف ماجا منه يمكن غير فقرتين في الفاينل

بالتوفيق والله يعين

[mohammed kh]

و الله الحال من بعضه , الواحد ما يعرف من فين يذاكر, بس حبيت استفسر الاختبار الفاينل داه عليه كم درجة

[M7mmd.Y]

ما عندي غير اشرف بركات, من فين راح اذاكر آخر شباتر وهي مالها سلايدات ولا شي

المشاركة الأصلية كتبت بواسطة mohammed kh و الله الحال من بعضه , الواحد ما يعرف من فين يذاكر, بس حبيت استفسر الاختبار الفاينل داه عليه كم درجة

عليه 40 درجة, منتظرين الدكتور علي يقلنا كيف توزيعها

بالتوفيق

[المطموح]

نصيحتي لك انا اخذت المادة وجبت فيها a الشباتر الاخيرة زيك اتعقدت لمن دكتور علي ما نزلها . أهم شي فيها بس احفظ القوانين كلها اللي في اشرف ولا العربي حقت دي الشباتر لانو حيجيك فيها تعويض ووبس وإذا تبغا نظري لهذي الشباتر الدكتور علي منزل اسئلة قديمة للعملي اقراها تراها مفيدة . واي استفسار حاضرييين