فرع جامعة الملك سعود للعلوم الطبية بجدة

[Bayan alsaud]

المشاركة الأصلية كتبت بواسطة ملاك الجامعية ايوا اسمها جامعة الملك سعود بن عبدالعزيز للعلوم الصحيه تابعة للحرس الوطني حاليا في تخصص تمريض للبنات والاولاد طب نظام الدراسه من اول يوم تنقبلي في تخصصك في سنتين تحضيرية لكن التحضيرية حقتها يعني هي مواد عامة لاول سنتين ومن ثالث ترم بدينا ندرس مواد تخصص تمريض وبعد اربع سنوات دراسه في سنة خامسه امتياز في مستفى الحرس هذا موقعهم عن طريقه التسجيل http://www.ksau-hs.edu.sa/arabic/pages/default.aspx لهم مساريين للتسجيل الاول لخريجين الثانويه وهذا يفتح نهاية السنه والمسار الثاني لخريجين كليات علوم لتكميل التمريض او الطب للاولاد وهذا يفتح بين الترمين انا من طلبة التمريض فاذا عندك اي سؤال انا بالخدمه بالتوفيق

بما انك تدرسي بسعود الصحيه عندي بعض الاستفسارات اذا ممكن =$

انا من جده خريجة ثانويه وقدمت فيها نسبتي تدخلني عزوز علمي ان شاء الله

وانا ابغى في عزوز اشعه اخاف ادرس تحضيري ومايقبلوني لاني ماني حاطه قسم ببالي يستاهل اكرف في النحضيري غير الاشعه

المهم قدمت كمان في سعود فبسال عن ( التمريض ) بجده :

*كم سنه الدراسه مع التحضيري وسنة الامتياز ؟

*مستوى الدراسه عندهم من ناحية الصعوبه ؟

*كم كانت نسبتك المركبه ؟

*اعطوكي خبر بموعد المقابله عن طريق مسج او اتصال ؟

انا الى الان ماوصلني شي بس تبدا المقابلات من يوم الاثنين للاربعاء

سمعت ان المسجات توصل الاحد هل صحيح وقت مايبلغوني عن الموعد قبل المقابله بيوم

ياريت تفيديني ولكِ مني دعوه بالغيب

[Bayan alsaud]

الحمدلله

اتصلو وقالو مقابلتي بكره ٩ الصباح

بنات انا محتاره

عزوز ضامنه ادخل فيها مسار علمي ١٠٠٪

بس خايفه بعد التحضيري ما يقبلوني اشعه

والتمريض للآن محد نصحني

كلهم يقولو خليكي بعزوز

ومقابلة سعود بكره ( للتمريض ) شارطين اجيب معايا شهادة الثانويه الاصل :(

الله يسعدكم النصيحه !!!!

[جيزان]

شوفي ياعسل انا مو تمريض ولااشعة
بس انا من دفعة 11 ودرست تحضيري السنة اللي فاتت


نصيحتي لكي ياأختي مدام انك ضامنة القبول في عزوز وتبغي أشعة خلاص ادخلي الجامعة وطنشي المقابلة
واهم حاجة في التحضيري تجيبي معدل عالي فوق 4.50
طبعا بالاجتهاد + الانتباه مع الدكاترة + المذاكرة باستمرار والمتابعة + المذاكرة من الملخصات ايضا وعدم الاكتفاء بالكتب + التوكل على الله والتفاؤل
بإذن الله تجيبي 4.80 لان التحضيري مجرد إعادة للثانوي بس بالانجليزي
وادرسي تحضيري هنا في عزوز وشدي حيلك وسوي اللي عليكي وشوفي
اذا دخلتي أشعة الف مبروك
واذا مادخلتي وقتها اسحبي وادخلي جامعة الملك سعود تمريض

وحكاية راحت عليكي سنة عادي
انتي مو اول ولا أخر وحدة تروح عليها سنة
اهم حاجة في الاخير تتخصصين تخصص انتي مرتاحة فيه

وربي يوفقك

[Bayan alsaud]

المشاركة الأصلية كتبت بواسطة جيزان شوفي ياعسل انا مو تمريض ولااشعة بس انا من دفعة 11 ودرست تحضيري السنة اللي فاتت نصيحتي لكي ياأختي مدام انك ضامنة القبول في عزوز وتبغي أشعة خلاص ادخلي الجامعة وطنشي المقابلة واهم حاجة في التحضيري تجيبي معدل عالي فوق 4.50 طبعا بالاجتهاد + الانتباه مع الدكاترة + المذاكرة باستمرار والمتابعة + المذاكرة من الملخصات ايضا وعدم الاكتفاء بالكتب + التوكل على الله والتفاؤل بإذن الله تجيبي 4.80 لان التحضيري مجرد إعادة للثانوي بس بالانجليزي وادرسي تحضيري هنا في عزوز وشدي حيلك وسوي اللي عليكي وشوفي اذا دخلتي أشعة الف مبروك واذا مادخلتي وقتها اسحبي وادخلي جامعة الملك سعود تمريض وحكاية راحت عليكي سنة عادي انتي مو اول ولا أخر وحدة تروح عليها سنة اهم حاجة في الاخير تتخصصين تخصص انتي مرتاحة فيه وربي يوفقك

الله يسعدك دنيا وآخره

وصح كلامك اهم شي اكون مرتاحه بالتخصص =)

وسحبت على المقابله

املي بالله كبير

بشد حيلي وان شاء الله يقبلوني اشعه

مرره تسلمي ياقلبي

[mama nona]

السلام عليكم

لو سمحتو ابغى عنوانها ضروري

يعني فين بالضبط جمب مجمع الشرق ؟؟؟؟وواضحه والا جوا الحاره

[Fadooz]

السلام عليكم

تيب مافتحوا قسسم الطب للبنــات ؟؟
يعني ماقالوا أي حاجه عن دآ الموضوع ؟؟

[hanan 510]

برينسس بيانا
انتي تبغين اشعة صح
طيب دامك انقبلتي في جامعة سعود وحددو لك وقت المقابلة ليش مارحتي ؟؟؟؟؟؟
كذا اتعبي نفسك على الفاضي في عزوز تحضيري بعدين تسكين وحاااالة
شوفي انا ماراح احبطك لكن كنت مكانك وندمت اني مادخلت سعود
ماقبلني التمريض هنا مع اني جايبة معدل عالي 4 وربع
في النهاية دخلت علوم
حبيت اقولك ان الفرصة كانت في يدك وضيعتيها ::::

[Dr.Shaikhah]

المشاركة الأصلية كتبت بواسطة princeess bayana وانا ابغى في عزوز اشعه اخاف ادرس تحضيري ومايقبلوني لاني ماني حاطه قسم ببالي يستاهل اكرف في التحضيري غير الاشعه

ان شاء الله مايضيع كررفك , ويستاهل الأشعة ^_* نعم الإختيار

شدي حيلك ونورينا السنة الجاية

[fajer al-shehri]

السلام عليكم
انا دخلت سنة تحضيرية في جامعة الملك عبد العزيز و حاطه في راسي اشعه او تمريض
و سمعت عن جامعة الملك سعود اللي هنا في جده وبصراحة نفسي ادخلها و اسحب ع جامعة عزوز
بس كيف في تقديم الترم الثاني و كم الموزونة اللي يقبلوها وكيف دراسة التمريض سهل ولا صعب
لاني كارهه السنة التحضيرية مرررا ابغى اتخصص ع طول
اتمنى تفيدووني و شكرا

[أ.د رشا (بأذن الله )]

السلام عليكم اتمنى لكم التوفيق و النجاح اذا يقبلو طلاب و طالبات الحاصلين علي البكالوريوس علوم هل ممكن يقبلو الحاصل علي ماستر احياء وانا تخصصي في الماستر هيستولوجي