ناوي أدخل طب ممكن مساعدة

[Naif 7]

السلام عليكم ورحمة الله وبركاته

أخباركم شباب


1- ناوي أدخل طب بس محتار بين الطب البشري وطب الأسنان ووش الفرق بينها ووش الأفضل وسمعت إن العيون والأسنان هي أكثر تخصصين مربحة ؟

2- وش الأفضل جامعة الملك سعود أو جامعة الدمام أو جامعة الملك سعود للعلوم الصحية ( التابعة للحرس الوطني أتوقع ) أو جامعة الملك عبد العزيز مع ذكر السبب وفيه جامعة أحسن منها ؟

3- بالنسبة للمكافئة هي ألف ريال يقولون صارت 2500 الكلام ذا صحيح ؟

4- كم سنة يبغالي بعد ما أصير طبيب مقيم عشان أصير أخصائي والأفضل آخذها من الخارج صح ؟

5- كم سنة يبغالي أصير استشاري والأفضل آخذها من الخارج وهل فيه شيء بعد الاستشاري ؟

6- سمعت إن راتب الطبيب المقيم يبدأ من 12 ألف والأخصائي 25 ألف والاستشاري 35 ألف الكلام هذا صحيح وكم متوسط الراتب للمقيم والأخصائي والاستشاري ؟

7- كيف طريقة العمل والمناوبات وأتعين في المكان اللي أبيه ؟

8- سمعت عن شيء اسمه MD وشيء اسمه Mbbs وش سالفتها ؟

9- كيف دراسة الطب وهل هي صعبة وكم متوسط معدل نسب اللي يتخرجون منه ؟

10- تنصحوني أدخل طب مع العلم أحب الأحياء وأكره الرياضيات والفيزياء ؟

11- كيف السنة التحضيرية ويقولون أصعب شيء هي وكم لازم أجيب نسبة عشان أدخل طب ؟

وقارنت بين الطب من ناحية المميزات والعيوب

بالنسبة للمميزات ( ممتع إنك تتعلم شيء في جسمك + مكانة اجتماعية + مغري ماديا )

عيوبه ( دراسته طويلة وصعبة + مدري عن طبيعة العمل ممكن تفيدوني )

وش رأيكم ؟

وشكرا لكم واعذروني إذا كانت الأسئلة مستهلكة أو مكررة وشكرا لكم

وأتمنى أكون حطيت الموضوع بالقسم المناسب

[the best doctor]

المشاركة الأصلية كتبت بواسطة naif 7 السلام عليكم ورحمة الله وبركاته أخباركم شباب 1- ناوي أدخل طب بس محتار بين الطب البشري وطب الأسنان ووش الفرق بينها ووش الأفضل وسمعت إن العيون والأسنان هي أكثر تخصصين مربحة ؟ ياحرام هذا همك؟الطب مهنة انسانية اكثر من انها وسيلة لتحصيل الماال..هذي مهنة شريفة وعظيمة... 2- وش الأفضل جامعة الملك سعود أو جامعة الدمام أو جامعة الملك سعود للعلوم الصحية ( التابعة للحرس الوطني أتوقع ) أو جامعة الملك عبد العزيز مع ذكر السبب وفيه جامعة أحسن منها ؟ الافضل جامعة الملك سعود بالرياض....وجامعة الملك عبدالعزيز >>>حالياً هي الافضل 3- بالنسبة للمكافئة هي ألف ريال يقولون صارت 2500 الكلام ذا صحيح ماادري ........ابي ادخل طب وبس 4- كم سنة يبغالي بعد ما أصير طبيب مقيم عشان أصير أخصائي والأفضل آخذها من الخارج صح ؟ <مقيم>اسمه البورد ...اذا كان جراحة مدته 6 سنوات.........اما طب عاادي 4 سنوات...عشان تصير اخصائي... ايوه الخارج افضل<كندا> 5- كم سنة يبغالي أصير استشاري والأفضل آخذها من الخارج وهل فيه شيء بعد الاستشاري ؟ لازم تاخذ الزمالة الطبية مدتها سنتين عشان تصير استشاري 6- سمعت إن راتب الطبيب المقيم يبدأ من 12 ألف والأخصائي 25 ألف والاستشاري 35 ألف الكلام هذا صحيح وكم متوسط الراتب للمقيم والأخصائي والاستشاري ؟ ماادري...... 7- كيف طريقة العمل والمناوبات وأتعين في المكان اللي أبيه ؟ لحظة اناعندي موضوع عن هذي الاشياء احاول انزلك اياه بس ان شاء الله القاه .. 8- سمعت عن شيء اسمه md وشيء اسمه mbbs وش سالفتها ؟ علمي علمك 9- كيف دراسة الطب وهل هي صعبة وكم متوسط معدل نسب اللي يتخرجون منه ؟ باقي مادرسته..... 10- تنصحوني أدخل طب مع العلم أحب الأحياء وأكره الرياضيات والفيزياء ؟ اولاً ..انك تشاور الناس نك تدخل هالتخصص اوغيره هذي الطريقة انا مااحبها ..صدقني بتضيع نفسك لو سمعت كلام الناس المهم انت وش تبي ؟؟وش هوالمكان اللي انت راح تبدع فيه ؟ تحب الاياء وتكره الفيزياء والرياضيات ؟؟ انا كمان نفس الحالة !!!!!لكن انا مررررررررره مقتنعة بالطب ومابغى اتخصص غير طب... 11- كيف السنة التحضيرية ويقولون أصعب شيء هي وكم لازم أجيب نسبة عشان أدخل طب ؟ بالنسبة لي.... المناهج سهلة<نفس دروس الثانوي لكن باللغة الانجليزية> لكن في الاختبارات يستهبلون يجيبون اسئلة تعجيزية ...روح لملتقى السنة التحضيرية المسار العلمي راح تلقى موضوع عن هالشي بالتفصيل ... النسبة الموزونة لازم 85 وقارنت بين الطب من ناحية المميزات والعيوب بالنسبة للمميزات ( ممتع إنك تتعلم شيء في جسمك + مكانة اجتماعية + مغري ماديا ) فعلاً انا معااااك انه ممتع ومفيد...بس الباقيات ماتهمني ...<لاتحطها ببالك ولا صدقني بتضيع مستقبلك> عيوبه ( دراسته طويلة وصعبة + مدري عن طبيعة العمل ممكن تفيدوني ) اذا دخلت الطب معناها دراسة طووول العمر وهذا شي تؤجر عليه من عند الله سبحانه.. وهذا ابدأ مو عيب في وجهة نظري ... ام العمل والله باقي مااشتغلت.... وش رأيكم ؟ وشكرا لكم واعذروني إذا كانت الأسئلة مستهلكة أو مكررة وشكرا لكم انت لازم تعذرني لاني داخلة عرض ورديت عليك <لقافة>....بس ان شاء الله بكون من اعضاء هالمنتدى السنة القادم بإذن الله.... وأتمنى أكون حطيت الموضوع بالقسم المناسب

للأسف معدلي 80 يعني مايساعد ادخل لكن الله كريم والمشكلة اني ماسويت تسكين

[د.هيما السلمي]

بسم الله

المشاركة الأصلية كتبت بواسطة naif 7 السلام عليكم ورحمة الله وبركاته أخباركم شباب 1- ناوي أدخل طب بس محتار بين الطب البشري وطب الأسنان ووش الفرق بينها ووش الأفضل وسمعت إن العيون والأسنان هي أكثر تخصصين مربحة ؟ ج > طب العيون من ضمن تخصصات الطب البشري 2- وش الأفضل جامعة الملك سعود أو جامعة الدمام أو جامعة الملك سعود للعلوم الصحية ( التابعة للحرس الوطني أتوقع ) أو جامعة الملك عبد العزيز مع ذكر السبب وفيه جامعة أحسن منها ؟ كليتنا معتمدة كنديا 3- بالنسبة للمكافئة هي ألف ريال يقولون صارت 2500 الكلام ذا صحيح ؟ المكافاة 990 4- كم سنة يبغالي بعد ما أصير طبيب مقيم عشان أصير أخصائي والأفضل آخذها من الخارج صح ؟ حسب شطارتك 5- كم سنة يبغالي أصير استشاري والأفضل آخذها من الخارج وهل فيه شيء بعد الاستشاري ؟ كمان حسب شطارتك 6- سمعت إن راتب الطبيب المقيم يبدأ من 12 ألف والأخصائي 25 ألف والاستشاري 35 ألف الكلام هذا صحيح وكم متوسط الراتب للمقيم والأخصائي والاستشاري ؟ المقيم يبدا (15) 7- كيف طريقة العمل والمناوبات وأتعين في المكان اللي أبيه ؟ 8- سمعت عن شيء اسمه md وشيء اسمه mbbs وش سالفتها ؟ md = medicine doctor 9- كيف دراسة الطب وهل هي صعبة وكم متوسط معدل نسب اللي يتخرجون منه ؟ 10- تنصحوني أدخل طب مع العلم أحب الأحياء وأكره الرياضيات والفيزياء ؟ للمعلومية الطب فيها مواد كثيرة جدا مو بس تشريح > فيها كيمياء و ... 11- كيف السنة التحضيرية ويقولون أصعب شيء هي وكم لازم أجيب نسبة عشان أدخل طب ؟ حرام عليك التحضيري اصعب من الطب ؟؟؟؟!!!!! الفصل الاول في الطب 26 ساعة = السنة التحضيرية كاملة وقارنت بين الطب من ناحية المميزات والعيوب بالنسبة للمميزات ( ممتع إنك تتعلم شيء في جسمك + مكانة اجتماعية + مغري ماديا ) + عيوبه ( دراسته طويلة وصعبة + مدري عن طبيعة العمل ممكن تفيدوني ) وش رأيكم ؟ وشكرا لكم واعذروني إذا كانت الأسئلة مستهلكة أو مكررة وشكرا لكم وأتمنى أكون حطيت الموضوع بالقسم المناسب

هذا اللي قدرت علية
من ناحية انك تبغا تعرف طبيعة الوظيفة و عدد الساعات يفيدونك ان شاء الله

[Naif 7]

المشاركة الأصلية كتبت بواسطة the best doctor للأسف معدلي 80 يعني مايساعد ادخل لكن الله كريم والمشكلة اني ماسويت تسكين

يعطيك العافية وما قصرت

وأنا سألت عن كل جوانب الطب مو بس الفلوس وأدري الطب هام وفيه أرواح ناس مو بس فلوس !

والواحد مو عيب يسأل لأن الطب معروف أصعب شيء وأفضل شيء وأكيد راتبه بيكون أعلى لأن فيه ناس يقولون هندسة وفلوس أو عسكرية وكذا وأنا مصر على الطب بس أبي أقهرهم أقول الطبيب يستلم أكثر منكم

وإن شاء الله نشوفك دكتورة يا رب

[Naif 7]

المشاركة الأصلية كتبت بواسطة د.هيما السلمي بسم الله هذا اللي قدرت علية من ناحية انك تبغا تعرف طبيعة الوظيفة و عدد الساعات يفيدونك ان شاء الله

مشكورة يا الغالية ما قصرت

إلا وش الفصل الأول 26 ساعة ما فهمت

[د.هيما السلمي]

المشاركة الأصلية كتبت بواسطة naif 7 مشكورة يا الغالية ما قصرت إلا وش الفصل الأول 26 ساعة ما فهمت

يبو طالع في "الجنس"
في السنة التحضيرية كم كان مجموع الساعات في السنة كاملة ؟؟!! > 27

احنا في ترم واحد فقط 26 ساعة

[بشائر الفرح =)]

المشاركة الأصلية كتبت بواسطة naif 7 السلام عليكم ورحمة الله وبركاته أخباركم شباب 1- ناوي أدخل طب بس محتار بين الطب البشري وطب الأسنان ووش الفرق بينها ووش الأفضل وسمعت إن العيون والأسنان هي أكثر تخصصين مربحة ؟ الطب البشري شامل أكثر من الأسنان .. يعني الأسنان إذا تحبه إدخله لإنك بتسير طبيب أسنان ف النهايه وحاجه تحبها أهم شي أما البشري فالتخصصات أوسع من ضمنها العيون بعد 7 سنوات تختار تخصصك الدقيق سواء عيون أو غيره من التخصصات .. القسمين حلوه بس البشري دوامه وجهده أكبر مقارنه بالإسنان .. أهم شيء حاجه تحبها ولا تشغل بالك بالباقي ^^ 2- وش الأفضل جامعة الملك سعود أو جامعة الدمام أو جامعة الملك سعود للعلوم الصحية ( التابعة للحرس الوطني أتوقع ) أو جامعة الملك عبد العزيز مع ذكر السبب وفيه جامعة أحسن منها ؟ اممم جامعتنا معتمده كندياً بس الأولى سعود وبعدها عبد العزيز وكلها قويه ف التخصصات الصحيه 3- بالنسبة للمكافئة هي ألف ريال يقولون صارت 2500 الكلام ذا صحيح ؟ امم أعتقد زي ماهي 990 , اللي زادت رواتب طلاب وطالبات الإمتياز السنه هذي مكرمه من خادم الحرمين 4- كم سنة يبغالي بعد ما أصير طبيب مقيم عشان أصير أخصائي والأفضل آخذها من الخارج صح ؟ والله ماعندي علم كم سنه بالضبط , لما أتخرج أجاوبك ^^ 5- كم سنة يبغالي أصير استشاري والأفضل آخذها من الخارج وهل فيه شيء بعد الاستشاري ؟ حتوضح لك الأمور هذي أكثر لما تتخرج .. وحيكون قدامك فرص كثيره بإذن الله 6- سمعت إن راتب الطبيب المقيم يبدأ من 12 ألف والأخصائي 25 ألف والاستشاري 35 ألف الكلام هذا صحيح وكم متوسط الراتب للمقيم والأخصائي والاستشاري ؟ برضوا ما أدري عن حكاية الرواتب لسا بدري ^^ 7- كيف طريقة العمل والمناوبات وأتعين في المكان اللي أبيه ؟ المناوبات على حسب التخصص والإحتياج وأكيد المستشفى حتستدعيك لو في حاله تحتاج تواجدك أما المكان اللي تبيه فمو دايماً سهل .. حتسير دكتور إن شاء الله يعني ماحتفرق معاك إن شاء الله ^^ 8- سمعت عن شيء اسمه md وشيء اسمه mbbs وش سالفتها ؟ ما أدري والله 9- كيف دراسة الطب وهل هي صعبة وكم متوسط معدل نسب اللي يتخرجون منه ؟ الصراحه الدراسه صعبه ويحتاج لها جهد وتنظيم للوقت بشكل كبير بس دائما أقول صعوبه مقدور عليها يعني مو عشان أحبط أحد أو شيء لا والله بس أبغاكم تكونوا في الصوره وماتنصدموا ف بداية السنه .. واإلا الدراسه ممتعه جداً حتفضل طول الوقت تحس بنعم الله عليك .. وإنك إنسان صاحب رساله عظيمه الله يجعلنا من أهلها ومن يخلص العمل لوجهه الكريم 10- تنصحوني أدخل طب مع العلم أحب الأحياء وأكره الرياضيات والفيزياء ؟ الإحياء مو تقييم لمناسبتك لقسم الطب - كما كنا نعتقد - المقياس الحقيقي هو محبة القسم والجمع بين الحفظ والفهم وتنظيم الوقت فالطب أغلبه فهم قبل الحفظ , أكيد كونك ماتحب الفيزياء والرياضيات ماحتدخل هندسه بس برضو مو معناته إن الطب هو الإنسب .. فكر في كل التخصصات القريبه لمويلك ثم اختار الأنسب لك دائماً , فكر كثير لإن تخصصك هو حياتك ومع ذلك إذا شعرت أن الطب هو الإنسب لك بعد الإستخاره والإستشاره فنصيحتي تمسك به لآخر قطره 11- كيف السنة التحضيرية ويقولون أصعب شيء هي وكم لازم أجيب نسبة عشان أدخل طب ؟ والله إن السنه التحضيريه سهله جداً , وكل المتخصصين يوافقوني الرأي , بس صعوبتها تعرف تكمن فين ؟ في البدايه وفي القلق النفسي والضغط ما تعرف إنك حتنقبل في القسم اللي تبغاه وإلا لا ؟ وإلا هيا سهالات لا تشغل بالك وقارنت بين الطب من ناحية المميزات والعيوب بالنسبة للمميزات ( ممتع إنك تتعلم شيء في جسمك + مكانة اجتماعية + مغري ماديا ) كل اللي قلته صحيح , بس ركز على إنك بتكون مسؤول عن معالجةة الناس .. والناس حتثق فيك لأبعد الحدود .. لذلك راقب الله فيهم دائما واسأله أن يسددك ويعينك ويسخرك لخلقه . أذكر إحدى صديقاتي أمها طبيبه عيون وتقول لي دائماً أمي لما يكون عندها عمليه لإحد مرضاها قبل العمليه بيوم أو يومين تصلي ركعتين وتدعي ربنا يوفقها ويسدد يديها وتخرج من البيت وكلنا ندعي لها " الله يحميها من الدكتورات الناجحات ف عملهن .. والباقي ربنا بيسهلك إياه بشكل ما تتخيله صدقني , عيوبه ( دراسته طويلة وصعبة + مدري عن طبيعة العمل ممكن تفيدوني ) امم والله من ناحية طول الدراسه فهي طويله وصعبه زي ما قلت وتحتاج صبر من حديد عشان توصل وتحقق كل اللي تطمح له كطبيب .. بس برضو أرجع وأكرر لما تحب قسمك حتضحي عشانه كثير وكل النقاط اللي ذكرتها الآن حتنساها ف يوم من الأيام وتحب وضعك ونظام دراستك .. حتتأقلم وتتعلم وكل سنه تخرج منها بفوائد عظيمه وعلم غزير , وش رأيكم ؟ وشكرا لكم واعذروني إذا كانت الأسئلة مستهلكة أو مكررة وشكرا لكم أهلاَ بك في كل وقت , والله يوفقك ويختار لك الأفضل ونشوفك من أكبر الأطباء ! > إسال عن كل شيء ولا تعتذر لإن هذا واجبنا

المشاركة الأصلية كتبت بواسطة naif 7 وأتمنى أكون حطيت الموضوع بالقسم المناسب حياك * ربنا معاك

[د.هيما السلمي]

المشاركة الأصلية كتبت بواسطة بشائر الفرح =) والله إن السنه التحضيريه سهله جداً , وكل المتخصصين يوافقوني الرأي

و الله لو ارجع للتحضيري ما يقل معدلي عن 98 او 99 باذن الله

[د.هيما السلمي]

المشاركة الأصلية كتبت بواسطة naif 7 8- سمعت عن شيء اسمه md وشيء اسمه mbbs وش سالفتها ؟

اقرأ هذا الموضوع *

[د.هيما السلمي]

الخلاصة انو MBBS زي البكالوريوس "طب و جراحة"
Bachelor of Medicine, Bachelor of Surgery

و MD هذي درجة متقدمة ( اكيد تتابع د هاوس > اسمو House MD )