ازا كان تخصصك تمريض اتفضل

[مكاوية قوية]

هاااااااااي قيرلز & قاايز
انا اليوم كتبت الموضوع لكي اجمع شمل التمريض وليس هناك مجال للتشتت
بنات يامزز ممكن تفيدونا باي معلومة او خلفية كل بنات التمريض المستجدين هادي السنة حابين يعرفوا ايش هيا مواد الحرة والمواد الاختيارية لهادا التخصص يلا يااخواتنا الكبار اللي بسنة ثانية او ثالثة او رابعه او متخرجة لاتبخلوا علينا قوولولنا اي شي تعرفوه بالعربي( اللي في كيسكم خرجوه) اممم وابىاعرف مسن افضل دكتورة لاي مادة في دا التخصص لاني مني عارفه ايش المواد اللي اختارها ومين الدكاترة اللي يعرفوا يشرحوا مزبوط فعشان كده اباكم تساعدووووووني

[● ά7Ļά şùģάя ●]

حبيبتي التخصصآت الطبية عمومآ نظآمهآ مختلف تمآمآ عن بآقي التخصصآت
جدولك رآح ينزل أول يوم من الكلية جآهز بالموآد
مو إختيآري تنزلي الموآد
ومآفي دكتورة وحدة تدرس المآدة تلقي لكل مآدة أكتر من دكتورة كل وحده تدرسك كورس معين
مو إنتي إللي تختآريهم

والموآد بالكلية تلآت أنوآع:-
- موآد عآمة وهي تكون مآدة مشتركة مع بآقي الكليآت الطبية زي : الأنآتومي
- موآد إجبآرية وهي متطلب جآمعي ومآدة مشتركة مع جميع كليآت الجآمعة زي: الثقآفة
- موآد التخصص وهي مآدة خآصة لطآلبآت التمريض زي: فآندمنتل أوف نيرسينق

وسنة تآنية إن شآء الله رآح تدرسي
الترم الأول:
بايوكيمستري - علم وظائف الأعضاء - مفآهيم التمريض - علم تشريح - علم أجنة - علم الخلية والأنسجة - علم نفس - مبآدئ تمريض 1 - ثقافة 1

الترم الثآني:
علم إجتماع - علم أمراض - تغذية - علم النمو والتطور - علم الحشرات - علم الأحياء الدقيقة - مبادئ تمريض 2 - ثقافة 2.

[Ms.Glamor]

أحلى شئ انهـ الموآد والجدول ينزل جآهز ، بلآ حذف وإضآفهـ بلآ وجع رآس

الموهيم ..

في الخطهـ الدرآسيهـ الموجودهـ بالـ ouds الموآد مو نفسهآ هذي

الموآد الي انتِ كآتبهآ حمآآآآس مرهـ =p

بس كيف الموآد سهلهـ ولآ صعبهـ والإختبآرآت إختيآري زي التحضيري ولآ كيف ؟

وإيش أكثر الصعوبآت إلي وآجهتوهآ في سنة ثآنيهـ ؟

[● ά7Ļά şùģάя ●]

إمممم
سنة تآنية مرآ ضغط لأنو موآدهآ كتيرهـ غير المعآمل
أصعب مآدتين ممكن توآجهيهآ علم الأمرآض والبآيوكيمستري

الإختبآرآت مرآ كتيره ولآ تعد ولآتحصى
أغلب الموآد عندهآ مرتين كويز وميد إكزآم وفآينل إكزآم

أسئلة الإختبآر
إزآ كآنت موآد إجبآرية والقليل من الموآد العآمة فالأسئلة إختآري
أمآ موآد التخصص والعآمة فجميع أنوآع الأسئلة مقآلي و إختاري و صلي وصح وخطأ

والله ييسرهآ عليكم
موفقين يآرب

[HANOoOF]

آمين يا رب ..

شوكراااا عالإفادة الله يعطيكِ العافيه ..

[Dr.candy]

دي سنة ثانية .....

o_o اللهم زد وبارك ايش دا كلو ف ترم واحد ام الحمااااااااااااااس ...
شكلو بنستلم كررررف مو طبيعي



مداخلة بسيطة وابغى جاوووب ...
بايوكيمستري
علم وظائف الأعضاء
علم تشريح
علم أجنة
علم الخلية والأنسجة
علم الامراض ... وغيرهم من العلوم الطبيه ...

راح ندرسهم زي دراسة الطب ... اقصد ندرسهم بالتفصيل الممل زي دراسة الطب .. ولا بس ناخد شوية منهم ...

وكمان الدكاترة بس دكاترة التمريض .. يعني ماراح يدرسونا دكاترة الي متخصصين في دي المواااد

[Ms.Glamor]

أهآآآ

والله من جد شكلنآ حننكرف :/

يلآ .. إن شآء الله تكون سسسنهـ حلوهـ علينآ يآرب ،،

ومشكووووورهـ والله أحلى شوووقر والله أفدتييييني ..

تسلمي ومآ قصرتِ ربي يقووويكـ ِ ،،

[ميمي الدلوعه]

ά7Ļά şùģάя غريبه انا عرفت من بنات الطب انو كل اختباراتهم اختياري

يعني نحنا غيررر عنهم مع انو تقريبا نص المواد زيهم الترم الاول

وياريت تحددي المواد الي كانت عندكم مقاليه وكدااا

وشكررررررررا يا عسل

[● ά7Ļά şùģάя ●]

HANOoOF
الله يعآفيك موفقه حبيبتي

Dr.candy
الموآد المشتركة مع الطب
نأخذ نفس الموضوعآت لكن بإختصآر شوي ونأخذ المفيد
دآ مآيعني إنو المآدة خفيفة حتلآقي برضو شيتآت المزآكرة لكل مآدة زي الجبآل
عشآن كدآ أنصح بجد بالمزآكرة أول بأول
ويب أكيد الدكآترة من قسم المآدة
دكآترة التمريض لموآد التمريض فقط

Ms.Glamor
الشكر لتوآجدك
وإن شآء الله تكون سنة حلوة عليكم

ميمي الدلوعه
الطب نظآمهم غير عننآ تمآمآ
سوآء في موآعيد الإختبآر وطريقة الإختبآر
الموآد إللي كآنت إختيآري:
بايوكيمستري - علم وظائف الأعضاء - ثقافة 1 و 2 - علم أمراض - تغذية
الموآد إللي كآنت الأسئلة فيهآ متنوعة:
مفآهيم التمريض - علم تشريح - علم أجنة - علم الخلية والأنسجة - علم نفس -
علم إجتماع - علم النمو والتطور - علم الحشرات - علم الأحياء الدقيقة - مبادئ تمريض
ولآ تخآفي من موضوع الكتآبة
ترى مرآ سهلة تكون عبآرة عند تعدآد ومقآرنآت أكتر شيء
وسآعآت تجي كدآ حآجآت غليظة لكن تتيسر إن شآء الله
وأي خدمة حآضرين يآعسل

=)

[Ma7a]

● ά7Ļά şùģάя ●
الله يديكي العافية أفدتينا =)

بس مستغربة من مادة علم الحشرات
عن ايش بالضبط ندرس فيها ؟؟
لأني اكره الحشرات