جامعة عفت

[ليموونه]

حبايبي حابه اسالكم عن جامعة عفت وعن طبيعة العمل فيها
سواء اداريه او استاذه بدرجة بكالريوس



وكم رواتبهم

الله يسعدكم اللي عنده خبر يردلي

[Nonaya221]

والله حتى أنا حابه أعرف كيف التقديم لوظيفة استاذ بدرجة ماجستير في جامعة عفت قسم اللغات والترجمة مين يقدر يفيدنا؟ و

[ummazen]

موفقين ان شاء الله

[أحـب الفله]

مره رحت ابغى اقدم فيها وظيفة اداريه
طبعا موظفة الامن من عند الباب تقولي ايش تبغي
وقالت لها تقديم قالت اديني السي في حقك و احنا ندخلوه محد يدخل اذا ما تبغي شي
ثاني قلت طيب و اديتها اياه وجلست تقولي ايش تخصصك وكذا
جات اللي معاها قالت لي ليا اذا ما معاكي حرف الواو ما راح تلاقي وظيفه
من جد شي محزن اذا حالنا كذا ..

[قطر الردى]

أنا قدمت بالطريقة اللي قالت عنها أحب فلة وبنفس الآلية ، أخذتها الأمن وسألتني مجموعة من الأسئلة

وفعلا بعد فترة اتصلوا علي وطلبوا مني أرسل السي في تاني على الاميل التالي :
jobs@effatuniversity.edu.sa

فممكن تختصري على نفسك وتبعتي سيرتك الذاتية على دا الاميل

وبالنسبة للمحاضرة فالوزارة مطلعة قرار انه لازم تكون شهادتك في الكليات والجامعات الأهلية ماتقل عن الماجستيــر، لكن هذا مايمنع من المحاولة.

طبعا في حالة استدعوك، راح يطلبو منك تقدمي درس قدامهم ، وانت وشطارتك ، لأن الجامعة تهتم بالكفااءة وقدرتك على إيصال المعلومة
وبشكل عام كانت الأجواء بالنسبة لي مريحة جدا ، وكانت أخلاقهم عالية في التعامل معي
واشتغلت عندهم كورس صيفي لأنه لسة ماخلصت الماجستير، عشان كذا أقولك هذا مايمنع من المحاولة، ممكن ياخذوك مؤقتا وتاخذي منهم شهادة خبرة تفيدك مستقبلا، لكن المهم تعطي لنفسك سمعة كويسة حتى لو كانت شهادتك غير مطلوبة وتثبتي وجودك في المكان ، ممكن مستقبلا ترجعيلهم بشهادتك المطلوبة
والله يوفقكم

[ummazen]

قطر الندى جزاك الله خير على ذكر تجربتك
والله يوفقك