أفيدوني في مادة الأدب الجاهلي مع الدكتوره خيرية الشاطر " تعديل موضوع مخالف "

[الرفيعه]

بنات اللغة العربية المستوى الثالث نزلت مادة الادب الجاهلي مادة اختياريه،تدرسها الدكتورة خيرية الشاطر، والمادة دسمة جدا، واستاذتها دقيقة جداااااا، وسمعت العام الماضي عدد الرسوب في المادة كبيررررر ويش تنصحوني وتنصحوا اللي سجل فيها ، يقولوا الطالبات المجربات اخري هذه المادة ،وانا وزميلاتي محتارات ردوا علي الله يخليكم

[&& دمعة فرح &&]

ان شاءالله احد يفيدك

موفقه يا رب

[محبة العطاء]

ماعرف والله ياقلبي ماحبيت اخرج بدووون رد الله يوفقك

[شرووق]

شوفــي حبيبتي انتي شدي حيلك وركزي معاهــا...
وذاكري زين اول بأول ...
كوني معاها في المحااضرهـ هذا اهم شي
توكلي على الله ...
وان شاء الله تنجحي وداائما اسئلتها في النهاائي سهله
..ولا تسمعي كلااام البنااات
انا سمعت كلام البنااات والحين وربي ندمااانه اني حذفتها
والحين ابغى اضيفها ...


موفقه يـارب ..

[العشق ياباني]

حبيبتي مافي أستاذة اخرى ؟؟
...
نصيحتي لك الاستاذة خيرية استاذة رائعه في الشرح و في التعامل و ماعليها كلام
..
لكن عيوبها :
1 - منهجها دسم و كثير
2 - كل كلمة في الكتاب تحفظيها مافي شي محذوف الا نااااادرا
3 - تحسين مالها منهج محدد .. وتنطنط هنا و هنا يعني تحوسين معاها
4 - اسألتها في النصفي ( مقالي ) و في النهائي ( موضوعي )
بس يعني صدقيني النصفي اللي عليه ( 60 ) درجة .. هذا اذا جبتي 10 من 60 عندها .. تعالي قابليني وهذا وجهي ..
..
يعني ممكن تجيبي في النهائي 40 من 40 و أضمن لك لأن الموضوعي عندها سهل .. لكن في النصفي اتحدى اذا جمعتي منه 10 درجات على بعضها .
...
تخليك تحوسين في الكتاب و في النهاية و لاشي
..
انا درستني مرتين و تووبه خلاص
..
مع ان شرحهااا مرة حلو .. يبغالك تركييز مركز معاها
..
وتراها تعشق الشواهد .. يعني تجيب لك مثلا في الاختبار سؤال ( تكلمي عن مميزات النقد في العصر الجاهلي مع ذكر جميع الشواهد )
..
يعني ياريت تحدد لك شاهد واحد ... لا . لكل ميزة شاهد و كولها تنحفظ
..
الصراحة تمرمطنا معاها
..
درستي مكتبة .. وكثييير بنات شالوها
و درستني نقد قديم .. و كثييير بنات شالوهااا هذا اذا ماقلت كل البنات الا من رحم ربي
....
فعاد هذا ماعندي و القرار لك
..
و اسألي البنات و تأكدي

[شيطونه الكليه]

انا انصحك ماتخذينها معاها ابداً إلا اذا كنت دافوره وتذاكرين اول بأول درجات البنات زي الزفت في الدوري 20 من 60 وفي بنات اقل وتحسب البنات كمبيوتر تبغا الاجوبه زي ماتقولها في المحاضره لاتنقصين ولا كلمه
و المحاضره ما تلحقي تكتبي معها شئ ابداً وبالتوفيق

[روعة طموح]

استخيري والله يكتب لك الخير

[وتر]

أعتقد إنهم سيقسمون المنهج لنصفين

نصف معها ونصف آخر مع غيرها

مثل الترم الفائت بالنسبة لمادة النقد القديم كانت هي الموكلة بتدريسه

وكان اربع شعب ثم قسموا الشعب بينها وبين الاستاذ بسيوني

والادب الجاهلي كما هو واضح من قائمة الشعب أربع شعب

وإن شاء الله يكلفون غيرها بتدريسه ولكن لاتحذفي لأن تراكم مواد الأدب عليك صعب

بالتوفيق غاليتي

[الرفيعه]

بنات ترى المادة الادب الجاهلي مقسمة بين د.خيرية ،ود. ابتسام العنبري , وهذا الكلام جاي من الدكتورة خديجة بابيضان، وايش رأيكم ايهما ارحم للطالبة؟