استفسار عن التطبيق العملي في كليتنا الحبيبة ..

[ود القلب]

مساء الورد >> قصدك صباح يا فهيمة
كيفكم ياصبايا وشباب جامعتي الموقرة
حابة استفسر منكم عن التطبيق العملي للـــــ :
تقنية المختبرات ؟!؟!
الاشعة ؟!؟!
العلاج الطبيعي ؟!؟!
التغذية الإكلينيكية ؟!؟!
التمريض ؟!؟!
يعني يبدأ من سنة كم ؟؟؟
وشكرا ليكم يا حلويييين
:)) :)) :))

[do0ody-do]

تغذية من سنة رابعه ^^ .. بس برضو في محاضرات في الجامعة ..

[rory55]

تمريض يبدأ من سنة 2 الترم الثاني و برضوا حيكون في محاضرات في الجامعة.

[سكر الحياة]

بالنسبة للتمريض زي ما أفادتك الأخت rory5 حيكون في سنة ثانية اللي هي بعد التحضيري (يعني اول سنة في التخصص) بالترم الثاني
في سنتنا كنا ننزل المستشفى يومين بالأسبوع سبت و أحد من 8 الى 11 لكن السنة اللي قبلنا كان يوم واحد بس
و كمان كان عددنا كبير فقسمونا و صرنا 21 بنت في مستشفى الملك فهد العام و الباقين في المستشفى الجامعي >>> طبعا انتي تختاري تبغي اي مستشفى محد يجبرك
بس نصيحتي اذا خيروكي أختاري مستشفى الجامعة لأني جربت الملك فهد صح استفدت من اشياااء كثيرة بس الجامعي افضل بكثييير

[وعد عبدالعزيز]

المشاركة الأصلية كتبت بواسطة سكر الحياة بالنسبة للتمريض زي ما أفادتك الأخت rory5 حيكون في سنة ثانية اللي هي بعد التحضيري (يعني اول سنة في التخصص) بالترم الثاني في سنتنا كنا ننزل المستشفى يومين بالأسبوع سبت و أحد من 8 الى 11 لكن السنة اللي قبلنا كان يوم واحد بس و كمان كان عددنا كبير فقسمونا و صرنا 21 بنت في مستشفى الملك فهد العام و الباقين في المستشفى الجامعي >>> طبعا انتي تختاري تبغي اي مستشفى محد يجبرك بس نصيحتي اذا خيروكي أختاري مستشفى الجامعة لأني جربت الملك فهد صح استفدت من اشياااء كثيرة بس الجامعي افضل بكثييير

شكرا ياعسل انك فصلتي الموضوع
بس ابغا اسالك اش المناظر الصعبه اللي شفتيها ,,, لاتستغربي سوالي
بس من جد مرا خايفه احس بدري ع التدريب

[سكر الحياة]

شوفي كبداية أنا ما أبغى أخوفك اصلا مافي شي يستدعي الخوف >>> بالنسبة ليا الحمدلله ما كنت أخاف من المناظر هاذي لكن فيه بناات كثيير أعرفهم مرررة يخافوا بس مع الوقت اتعودوا
بالنسبة للتدريب ووقته أحسه جداا مناسب طبعا انتي حتنزلي المستشفى عشان تتعودي على أجواءها أكثر من انك تشتغلي لأنك حتكوني دارسة أشياء بسيطة يعني ما حتكوني فاهمة كل شي بس انتي حاولي تسألي عن أي شي تشوفيه جديد
في المستشفى تيجي أوقات تكوني مبسوووطة على موقف ولا على اي شي زي كذا و في اوقات تحسي بحزن و ضيق من مناظر تشوفيها

أكثر المناظر الصعبة تلاقيها في مرضى السكر و المرضى المصابين بحروق الله يعافينا و يعافيهم يــارب
حتلاقي مرضى السكر أغلبهم يكون فاقد لأصباع من اصابيعه أو أكثر و ممكن تكون كلها بسبب الغرغرينة الله يكون في عونهم و في بعضهم يعملولهم بتر للجزء المصاب الله يشفيهم و يخفف عنهم و انتي حاولي قد ما تقدري تخففي على المريض اللي قدامك اتكلمي معاه فهميه انو هذا قضاء و قدر و كله بأجره و زي كذا
بالنسبة للمصابين بالحروق زي منتي عارفة الحروق درجات يعني حرق عن حرق يختلف
أغلب المناظر اللي زي كذا تكون في قسم تغيير الجروح Dressing الضماد
و حتشتغلي انتي بنفسك و تنظفي الجرح بنفسك بس ترى الممرضة المسئولة عنك ما تجبرك على أي شي تسويه يعني أنا أعرف بنات طبقوا في القسم هذا بس ما سووا ولا حاجة بس مكتفين بالمشاهدة و طبعا الشي هذا مو في صالحك حاولي تتغلبي على مشاعرك و تقوي قلبك و تستحملي المناظر و صدقيني مع الوقت حيكوون عاادي بالنسبة لكي و انتبهي تبيني للمريض اشمئزازك أو تحسسك من الشي اللي شفتيه لأنهم بيفهموا من نظرااتك
و ربنا يوفقك ان شاء الله لكل خير

[وعد عبدالعزيز]

المشاركة الأصلية كتبت بواسطة سكر الحياة شوفي كبداية أنا ما أبغى أخوفك اصلا مافي شي يستدعي الخوف >>> بالنسبة ليا الحمدلله ما كنت أخاف من المناظر هاذي لكن فيه بناات كثيير أعرفهم مرررة يخافوا بس مع الوقت اتعودوا بالنسبة للتدريب ووقته أحسه جداا مناسب طبعا انتي حتنزلي المستشفى عشان تتعودي على أجواءها أكثر من انك تشتغلي لأنك حتكوني دارسة أشياء بسيطة يعني ما حتكوني فاهمة كل شي بس انتي حاولي تسألي عن أي شي تشوفيه جديد في المستشفى تيجي أوقات تكوني مبسوووطة على موقف ولا على اي شي زي كذا و في اوقات تحسي بحزن و ضيق من مناظر تشوفيها أكثر المناظر الصعبة تلاقيها في مرضى السكر و المرضى المصابين بحروق الله يعافينا و يعافيهم يــارب حتلاقي مرضى السكر أغلبهم يكون فاقد لأصباع من اصابيعه أو أكثر و ممكن تكون كلها بسبب الغرغرينة الله يكون في عونهم و في بعضهم يعملولهم بتر للجزء المصاب الله يشفيهم و يخفف عنهم و انتي حاولي قد ما تقدري تخففي على المريض اللي قدامك اتكلمي معاه فهميه انو هذا قضاء و قدر و كله بأجره و زي كذا بالنسبة للمصابين بالحروق زي منتي عارفة الحروق درجات يعني حرق عن حرق يختلف أغلب المناظر اللي زي كذا تكون في قسم تغيير الجروح dressing الضماد و حتشتغلي انتي بنفسك و تنظفي الجرح بنفسك بس ترى الممرضة المسئولة عنك ما تجبرك على أي شي تسويه يعني أنا أعرف بنات طبقوا في القسم هذا بس ما سووا ولا حاجة بس مكتفين بالمشاهدة و طبعا الشي هذا مو في صالحك حاولي تتغلبي على مشاعرك و تقوي قلبك و تستحملي المناظر و صدقيني مع الوقت حيكوون عاادي بالنسبة لكي و انتبهي تبيني للمريض اشمئزازك أو تحسسك من الشي اللي شفتيه لأنهم بيفهموا من نظرااتك و ربنا يوفقك ان شاء الله لكل خير

شكرا ياعسل و الله انك حمستيني كثير
وربي يسعدك دنيا و اخره

[عذيب]

قسم مختبرات متى يبدأو ينزلو المستشفى
وشكرا

[Dr.candy]

المشاركة الأصلية كتبت بواسطة عذيب قسم مختبرات متى يبدأو ينزلو المستشفى وشكرا

ينزلو من سنة رابــــــــــــعة :d

[Radiology]

في قسم الأشعة فيه زيارات خفيفة تكون في الترم الثاني من سنة ثانية .. لكن التطبيق الفعلي يكون من سنة ثالثة