انا محتار لو تخش تساعدني اكون شاكر و مقدر .. حركتات العنوان

[عبدالله الفزي]

السلام عليكم ورحمة الله و بركاته


اولا :: اشكرك انك خشيت و اكيد تبي تساعدني



انا وش مشكلتي :: ابغى ادرس

طيب عادي حلو ما فيها شي

بس بدرس قسم لغات اوروبية انجلش

جميل جدا و بعدين


المهم :: هالتخصص كان في راسي من سنة امكن بس من نحاستي تاخرت و هالسنة صار تعليم عن بعد

مشكلتي و سوالي : انا موظف في ارامكو و دوامي مرات ليل مرات نهار يعني شفتات ( ورديات ) ..

متخوف من التعليم عن بعد .. اخاف ما احظر اون لاين و ما يعطوني الدرجات حقت المشاركة لان دوامي لازم ما يوافق كل المحاظرات اكيد ..

يعني تنصحوني اسجل و اخشش و لا انسى الفكرة .. انا و الله حاب ادرس مره مره مره ..




بس ..

[حمودي اتصالات]

واحد من الشباب نفس الشي دوام شفتات

^_^ للافس ماقدر يكمل حتى الترم الاول واعتذر بسبب قلة الحضور للمحاضرات

وشوف لو في انتساب ادخل افضلك

او حاول تنسق امورك بالتعليم عن بعد لو اي احد عندك فالبيت يسجلك دخول للمحاضرات بالاوقات اللي ماتكون موجود فيها

[طيف }..]

وعليكم السلام ورحمة الله وبركاته

إذا أعدت تشغيل المحاضرات قبل ماينتهي الأسبوع
ينحسب لك حضور تلقائيا ..
بس إذا ماحضرت المحاضرات ولااعدت تشغيلها قبل ماينتهي الأسبوع
حينحسب غياب..واذا تكرر هالشي 4 مرات ينزل حرمان ..
............
أنصحك تسجل أغلب اللي مسجلين في نظام التعليم عن بعد موظفين
واعرف كثير بنات معانا ظروفهم ماكانت تسمحلهم يسجلو حضور بوقت المحاضره
بس الحمدلله نجحو وامورهم ماشيه تمام التمام :)

بس للمعلوميه التعليم عن بعد فيه واجبات واختبارات دوريه ومنتديات لازم ترد عليها
الواجب والاختبار يكون له موعد مثلا يومين او اكثر وينشال..تقدر في الوقت اللي يناسبك تجاوب عليها طبعا على حسب الايام المحدده لك..
يعني إذا وقتك يسمح لك أنصحك فيه لانو مثله مثل الانتظام تقريبا ..
وإذا مايمديك فالإنتساب أفضل..


موفق

[الموعد اليتيم]

يــــــآ عيني اللي ما ذاقت النوم وووشش ذآآ.. لا شكلي توهقت .. طيب ومن وين اعرف هالمنتديات وهالخرابيط .. بعد ما يقبلوني طبعآ.. :| !!

[ريم ريم ريم]

ايش هوه المنتدى الي لزم نرد عليه

[عبدالله الفزي]

حمودي .. طيف ..

مشكورين على الرد .. بس يبدو لي اروح ادارة و اقتصاد فالمدينة انتساب و الشكوى على الله مع اني احب الانجليزي و خاطري فيه ..

مو مشكلة الواجبات و المنتديات المشكلة فالحظور خصوصا ان عليه 30 درجة و انا ابغى معدلي يكون عالي ..

الموعد .. ريم

اعتقد المنتدى له ويب سايت لوحده و اكيد مشروح و الشباب هنا و البنات ما يقصرون بشرح كل شي .. بس المشكلة فالتواجد خصوصا زي المشغلوين زي دوام 12 ساعة مرات النهار كامل و مرات الليل كله .. يالله الحمد لله ..

مشكورين كلكم و نورتم ..

[ريم ريم ريم]

الله يخلي الايبـــــاد ... ادخل عليهم منه

[الموعد اليتيم]

آآآخ وش نسوي بس ربي حدنآ ع ذي الدراسة وإلا سلمولي ع الإنتظــآم ..

[محمد1251]

المحاضرات انا أساعدكم فيها وبالواجب كمان المهم تدرسون

[WLD KSA]

المشاركة الأصلية كتبت بواسطة محمد1251 المحاضرات انا أساعدكم فيها وبالواجب كمان المهم تدرسون

كفو جيب السيف يا محمد وتعال ههههه
محمد هذا دوامه 12 ساعة يعني تساعده اول ترم ؟ ثاني ترم ؟ بعدين !


ولي يقول ادخل من الايباد ابشرك ما يشتغل من الايباد ولا الجلكسي حتى الاركسون