جامعة الملك عبد العزيز تدخل ضمن قائمة افضل 500 جامعة على مستوى العالم لعام2010

[دروووب]

اجل آحسن جآمعه .. على وشو احسن جامعه
ع الانظمه والا الخطط الدراسيه اللي طفشونا كل شوي وهم مغيرينها
والا ع الموظفات اللي الوحده تتكلم معاها كاانها تشحت منها ماكانها تشتغل براتب
والا ع العميد اللي يقولوله السقف طاح فوق خلق الله يقوم يضحك ويقول بس محد مات
والا ع الوسطات اللي شغااااله فيها

اكيد مالفينا كل الجامعات اللي بالدنيا .. بس اكيد اكيد مافيه جامعات كثيره بهالمميزات
الدول اللي اقل مننا بستين الف مره المدينه الوحده فيها مدري كم جامعه .. مو احنا دولة بترول وخيير وجامعه ووحده والواحد مايدخلها الا بطلوع الروح والا بواسطه والا يدخل انتساب
والحين نكبو طلاب الانتساب بموضوع السنترا ذا

على وش احسن جامعه ؟!

عوآفي ع الخبر

[MNMN219]

المشاركة الأصلية كتبت بواسطة alza3eem اللي ينكرون هذا الشي شئتم ام ابيتم هي من افضل 500 جامعه محسسيني انكم دايرين كل جامعات العالم تعرفون الانظمه وتعرفون كل شي الى الامام ياجامعتنا

اجل شد حيلك يالشاطرترى مافي درجات على هذا الكلام
اذا مابكيت وطلعت عيونك من الجامعة ذي ماكون منمن

[احمد918]

الانظمة والمعايير المتبعة هي البحوث فقط

وليست المناهج التي تدرس في الجامعات وطرق التعامل مع الطلاب


والا لأحتلت المركز الأخير عن جدارة واستحقاق والدليل فضيحة كلية رابغ والتي يعاني طلابها من الغموض في المعلومات وتجاهل الطلاب واستغفالهم وخصوصا طلاب المستوى الثالث ( انتساب )

[جمــانه]

نفسي اعرف بس على ايش قدرت تدخل ضمن قائمه الـ 500 جامعه ؟؟؟؟

ماشاء الله في ايه في الرسوب اللي نحل ونذاكر ولاننجح ومتوقعين النجاح والا بالانظمه اللي كل شهر او سنه نظام
والله لو يريحونا يكون افضل :)

[مدااااااااااوي2010]

كبروك الف كبروك ففففففففففففففففرحه فرحه








أاولا



ابارك لكم علي تحقيق المرتبه لجميع الطلاب والطالبات علي الخبر المفرح


ثانيا

اشكر من حمل لنا هذا الخبر البدع توني انتبه له بس احسه قديم


ثالثا

500 جامعة والله قويه بس ممكن حكوميه فقط ولى كل الجامعات عموما مبروك القارة الامريكيه الشماليه والجنوبه فيها اكثر من مئة الف جامعه


رابعا

حنا وصلنا الي سطح القمر وصرنا من رواد الفضاء في العالم و فيه دول يوجد لها صناعات عاليه الجود والانتشار وما وصلت ولا حبة ان تكون من الفضائيين


خامسا

افريقيا يوجد فيه الفقر اكثر من الغناء وبدة تتغير وحنا الفقر يزيد عندن يطلعا فوق. طبيع تعاكس الحياة .


سادسا


عندنا في المنافسة 22 جامعه حكومية و7 جامعاة اهليه في المنافسة وعندنا طلاب ما قبلو في الجامعه من اربع سنوات

واليوم العدد يزيد ؟

حنا افضل الجامعات الي مساحتها تعادل مدن عربيه يسكن فيها ثلاثه مليون مواطن ؟

وعدد الطلاب المقبولين في جميع الجامعاة لا يعاد حجم البطاله الموجود في البلد يقول 500 الف ممكمن الرقم هذا هو السبب في الحصول علي الترتيب وحطوه ممكن .


سابعا

نتمنا إن شاء الله السنة القادمة ناخذ المرتبه الخامسة عن القارة الأسويه (( اسيا )) .



ثامنا

اسلام عليكم ورحمة الله وبركاتة


تاسعا


وعليكم السلام ورحمة الله وبركاته



عاشرا


حبيت اوصلها الي عشره حسب الاصابع الي في الايد الواحده لئنه خمسه تضيف 00 في 2 تصير جامعتين 10 مشاركات



ودمتم بخير

مداوي

[read candl]

بقول مبرووك حقت العشره بس والا غير كذا من جنبهــا سؤال واحد بس على ايه اخذت ذا المركز عليه ايــــــــــــــــــــــــــــــــــــــــــــــه

مالووم كل اللي ردووا من اللي شافووه والله

[سمران]

مبروك التخرج اما الجامعة ؟

[حنااااااان بنت ابوها]

شكلناااااااااااااااااااا المركز اخرر من الاخيرررر


ههههههههههههههههههههههههه

اخص جااااااااامعه مع احتررامي

[alza3eem]

من افضل 500 جامعه يعني من افضل 500 جامعه

واللي تقول دوله بترول وماادري ايش

مافيها الا جامعه وحده بالمدينه

وش دخل هذي بترتيب الجامعه

العتب يصير على الدوله مو الجامعه

انا قرنها بالجامعات اللي شفتها

مثلا جامعة الملك سعود جامعة الملك فيصل القصيم يعني اللي بالسعوديه
كنظام جامعتنا احسن منهمها كلها

وشفت بعض الجامعات اللي بالاردن المتميزه بقوة الجامعات وشفت المعامله كيف اذا تقصدين المعامله وبعض اللي اعرفهم بامريكا وكندا

صح معاملتهم زفت عندنا وبكل جامعات المملكه بس الحين كشهاده بينحسب انها من افضل الجامعات

والمفروض تفرحو لهالشي

مو تقولو الاشياء اللي تقولوها عشان ينزل مستوى الجامعه

وحنا اللي نروح بخبر كان في شهاده مالها داعي

وبرا حتى الجامعات الحكوميه بفلوس ولا بسعر غالي

اذا على كذا اجل ادخل جامعه اهليه بكل سهوله بس افلس


لازم الواحد يحمد ربه على الشي اللي عنده

حنا كشعب سعودي مايعجبنا اي شي

والله لو يحطو ايش مايحطو مابيعجبنا

مااقول انه كل شي عندنا موجود بس لازم الواحد يحمد ربه ويشوف الدول الثانيه كيف عايشه

طلعت برا الواحد شوي ويبكي على الاشياء اللي يشوفها

الواحد يدفع آلاف عشان جامعه حكوميه ليش ؟؟

[عبدالعزيز29]

أخــوي الغالــي الزعيـــم
معليش ممكن فيه بعض الردود غير منطقية ومعك حق
ولكن انت بعد ترى جامعتك مو كاملة عشان تدخل ضمن قائمة افضل 500 جامعة
مع احترامي لك وللجامعه انا من الطلاب اللي تبهذلوا في الجامعه
من كلية الاعمال برابغ المفروض اللي بيقمون الجامعه بعد ما يخلصوا من الدراسة داخل الجامعة
يرحون لطلاب الجامعة ويسألونهم عن الجامعة وكيف تعاملها معهم كطلاب بعيدين يقيمو الجامعه
بعدين اجاباتهم غامضة في ردودهم على الايميل اذا ارسلت لهم
والله يــوفق الجــمــيــع