استفسار بخصوص تصنيف الشهادة ..

[بوح الخاطر]

السلام عليكم ورحمة الله وبركاته :-
تم وبحمد الله التخرج من الجامعه قسم علم الاجتماع والخدمة الاجتماعية والآن محتار ماذا أفعل وأريد من لدية معلومه أن يفيدني فيها .
أنا موظف في احدى الدواير الحكومية وطلبو منا رفع الذين لديهم بكالريوس وأنا أريد تصنيف الشهادة والتقدم علي وظيفه آخصائي إجتماعي وخايف أرفعها في مقر عملي وبعدين يقولون لي الخدمه انك خلاص أستفدت منها لأني سمعت أنها مره واحدة فقط يتم الاستفادة من الشهادة .
ثانياً : وين أفضل هيئة صحيه تمشي الامور فيها ولا فيها تعقيد يعني اي مدينه ..
آسف علي الآطالة واجو من لدية معلومه لا يبخل بها ..

اتمنى لكم التوفيق ولكم جزيل الشكر ،،،

[Abrar Ibrahim]

وعليكم السلام ورحمه الله وبركاته
كون اني من سكان جده ما اعرف غير الهيئه لتخصصات الطبية الا عند برج دله
قدمنا والامور ميسره يتوقف على موافقه الجهه الا حابب تدرب فيها
وان شاء لله غيري يفيدك اكثر
بالتووووفيق

[مطيع ربه]

وعليكم السلام ورحمة الله وبركاته

أول خطوه تلزمك هو (( تدريب لمدة 3 اشهر في أحد المستفيات المعتمده في الهيئة السعودية للتخصصات الصحية ))

واذا أكملت هذي الخطوه ،، ترفع مسوغات تصنيفك للهيئة والمسوغات المطلوبة للتصنيف موضحه لديهم في الهيئة

وحاول من الان تحصل على شهادة ( cpr ) وتستفسر في الهيئة الي انت تابع لها اقرب مكان تعطي الشهادات هذي

وبالتوفيق ،،،

[بوح الخاطر]

الف شكر لتجاوبكم ...
تحياتي،،

[لقيت روحي]

المشاركة الأصلية كتبت بواسطة بوح الخاطر السلام عليكم ورحمة الله وبركاته :- تم وبحمد الله التخرج من الجامعه قسم علم الاجتماع والخدمة الاجتماعية والآن محتار ماذا أفعل وأريد من لدية معلومه أن يفيدني فيها . أنا موظف في احدى الدواير الحكومية وطلبو منا رفع الذين لديهم بكالريوس وأنا أريد تصنيف الشهادة والتقدم علي وظيفه آخصائي إجتماعي وخايف أرفعها في مقر عملي وبعدين يقولون لي الخدمه انك خلاص أستفدت منها لأني سمعت أنها مره واحدة فقط يتم الاستفادة من الشهادة . ثانياً : وين أفضل هيئة صحيه تمشي الامور فيها ولا فيها تعقيد يعني اي مدينه .. آسف علي الآطالة واجو من لدية معلومه لا يبخل بها .. اتمنى لكم التوفيق ولكم جزيل الشكر ،،،

نصيحة لك طالما انك موظف حكومي اصلا .. من الافضل انك ترفعها في مقر عملك ..
لو فرضنا انك اتدربت واتصنفت من الهيئة ونزل اسمك في التعيين حط ببالك
راح تتغرب ..
وتنتظر النقل سنوات عجاف على مايجي ..
وانت عارف كيف النقل في وزارة الصحة كله واسطات و رشاوي وتعقيدات
او ببساطة ممكن مدير المستشفى يرفض يوقع ورقة النقل بحجة انه العمل يحتاج ..؟؟
وطبعن محد يقدر يجبره ..

فكر مرة ومرتين وثلاث الغربة ابدن مو هينة
وكلامي من واقع تجربة مريرة

[الولهان المشتاق]

هلا شباب وياهلا اخوي صاحب الموضوع انا الحين اتدرب لي شهر وباقي علي شهرين
بانسبة لشهادة cpr لا تاخذها الحين خذها اثنى التدريب وهي سهله جداً بس خذها في مكان كويس عشان تستفيد من شهادة بشكل عملي
تصدق الهيئة اعتبرتني علم اجتماع مو خدمة اجتماعة مثل ما كنا نعتقد ...!
اي استفسار انا حاضر

[رفــيــع الـشـان]

خذ الشهادة الجامعية والسجل الأكاديمي وبطاقة الاحوال وروح لأقرب مكتب هيئة صحية في منطقتك
وقولهم ابغى اطبق في المستشفى
طبعا بيسألونك ايت مستشفى تبي تطبق فية .. انت اختار المستشفى الي يناسبك
وبعدين بيعطونك خطاب موجة للمستشفى تروح تودية لمكتب الأخصائييآ الأجتماعيين وراح يخلصونك الموضوع ويعطونك التعليمات
اذا خلصت التطبيق ثلاثة شهور بيعطونك نفس خطابك الي جبتة وبيعبونك لك الخانات الي تخصهم ويحطون الختم
بعدين تروح مرة ثانية لمكتب الهيئة الصحية وتعطيهم الخطاب حق التطبيق وتجيب معك الشهادة الجامعية والسجل الاكاديمي الاساسا وتصورها كم صورة وتجيب صورة لبطاقة الاحوال وصورة شخصية وتسدد الرسوم وتجيب وصل السداد او تحصل عندهم جهاز سحب وايضآ تجيب شهادة وبطاقة دورة الأنعاش القلبي والرئوي cpr
وبعدين اذا خلصت كل هذي الخطوات يعطونك خطاب موجة للمستشفى للأختبار بالتصنيف وتحصل على التصنيف أخصائي .. والله يوفقك... أن شاءالله الشرح واضح لك

[رفــيــع الـشـان]

يا أخوان وأخوات ..
انا أختباري حق التصنيف في تاريخ 9 / 11
الأسبوع القادم ان شاءالله
عند الدكتورة زينب باوزير في مستشفى الملك فهد الحكومي
هل احد يقدر يفيدنا عن الدكتورة كيف طريقة تعاملها في الأختبار ؟
هل الأختبار تحرير او شفوي ؟
وماهي الأسئلة التي تعتمد عليها الدكتورة

أتمنى احد يفيدنا ويساعدنا .. وجزاكم الله خير وبالتوفيق للجميع

[ع ابو ريوف]

المشاركة الأصلية كتبت بواسطة الولهان المشتاق هلا شباب وياهلا اخوي صاحب الموضوع انا الحين اتدرب لي شهر وباقي علي شهرين بانسبة لشهادة cpr لا تاخذها الحين خذها اثنى التدريب وهي سهله جداً بس خذها في مكان كويس عشان تستفيد من شهادة بشكل عملي تصدق الهيئة اعتبرتني علم اجتماع مو خدمة اجتماعة مثل ما كنا نعتقد ...! اي استفسار انا حاضر

اخوي الله يعافيك في فترة التدريب كم يوم تداوم في الأسبوع

[الولهان المشتاق]

المشاركة الأصلية كتبت بواسطة ع ابو ريوف اخوي الله يعافيك في فترة التدريب كم يوم تداوم في الأسبوع

هذي اخوي على حسب الي انت تبي تدرب عنده بالنسبة لي ثلاث ايام بالاسبوع ومره يومين بالاسبوع ثلاث ساعات مو دوام كامل بس قال لي في اخر شهر ممكن تداوم اليوم كلة



تحياتي