InstagramTwitterSnapChat


 
وصف

العودة   منتديات سكاو > الملتقيات الجامعية > ملتقى السنة التحضيرية > ملتقى التعليم عن بعد للسنة التحضيرية > منتدى الملخصات والمواضيع المميزة
التسجيل مشاركات اليوم البحث
   
   


منتدى الملخصات والمواضيع المميزة قسم خاص يتم نقل المواضيع المميزة و الملخصات والملفات المهمه الخاصة بملتقى التعليم عن بعد

اول يوم خطـة (أ) ملخص المحادثة +تقرير بسيط+شرح للسنترا +كتب ماديتن

منتدى الملخصات والمواضيع المميزة

 
 
أدوات الموضوع إبحث في الموضوع انواع عرض الموضوع
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
  #1  
قديم 17-09-2011, 10:01 PM
الصورة الرمزية حمودي اتصالات

حمودي اتصالات حمودي اتصالات غير متواجد حالياً

مشرف مُتألق سابق

 
تاريخ التسجيل: May 2011
التخصص: موارد بشـرية
نوع الدراسة: تعليم عن بعد
المستوى: الخامس
الجنس: ذكر
المشاركات: 1,662
افتراضي اول يوم خطـة (أ) ملخص المحادثة +تقرير بسيط+شرح للسنترا +كتب ماديتن


السـلام عليكم ورحمة الله وبركاتة


طبعا مثل ماوعدتكم ان ان شاء الله بنزل حاجة خفيفة كدا وإن شاء الله يارب تساعدكم في اموركم


طبعا اول يوم واول انطباع عن النظام صراحة كان عندي متقلب مابين معصب لمبسوط الى متنرفز وانتهت معايا بصداع من قبل المغرب لين الحين ><


بس صراحة عبجتني الحكاية وبديت امشي معاها

وخلونا ندخل في التفاصيل عل سريع





بالبداية احب اقولكم ان الخطط كلها مقسمة لشعب بحيث ان عندنا شعبتين الان وكل مادة حسب مافهمت من الاخوان لها دكتورين او مدرسين

لاكن الكتب والنظام تقريبا واحد لاكن في اختلاف بالمدرسين فقط


ونا بتكلم عن اللي عندي
وبالي حظرتو فقط




المحاضرة الاولـى انجلشـ الساعة 4




طبعا الدكتور او المدرس تاخر بشكل فضيع وقاعدين من الساعة اربعة ننتظر لين تقريبا خمس الا ربع حتى جا

وطبيعي لان اول مرة يستخدم النظام وتعب لين سلك امورو ^_*

والكلاس كان حلو بحيث ان كان في شباب بيتفاعلو مع المدرس بشكل مناسب وبالانجلش طبعا

ودا الشي اللي نرفزني بالبداية بحيث ان الكلاس من بدايتو لنهايتو انجلــــش صصوت وكتابة >< وعقدتي الكتابة انا لاكن الحمد لله سلكت واخدت المهم من المدرس

وسوالنا مثل تجربة مع البداية لامور بالدرس الاول كدا خفيفة




وكان المهم

اسم الدكتور ( نعيم امين محمد )


1- الكتاب فهو كتابين

1. New Headway Plus Beginners (special edition) [Green Cover]
2.New Headway Plus Elementary (special edition) [Red Cover]


وموجودة بمكتبة خوارزم للي من برا جدة وللي في جدة قال انها موجودة بمكتب الجامعة اتوقع او مكتبة خوارزم اللي داخل الجامعة

او مكتبة الشقري



وضروري يكون الاصدار الاخيـر للكتاب وهوا طبعة 2011

ورقم الكتاب لكتاب المبتدءين
ISBN NO. 978-0-19-471757-1

موجود خلف الكتاب

اما الكتاب الثاني ماعطانا رقمو لاكن قال الاصدار الاخيـر2011

(وبالاضافة الى انو ارسل اسماء الكتب عل بريد في السنترا لكل الطلاب )









2- طلب مننا نرسلو في السنترا الايميلات الخاصة فينا بالاضافة الى ارقام جوالاتنا

3- القواميس قال اي واحد من القواميس اللي بكتبها الحين وقال تكون قاوميس تعليمة على ماذكر بالاضافة الى ان الافضل يكون قاموس عربي انجلش

1-LONGGMAN
2-OXFORS
3- COMBRIDGE

4- الكويزات والمنتديات كمان اتكلم عنها وعن انو بينزل مشاركات في المنتدى ومطلوب مننا التفعال والمشاركة فيـها والمدة حقت الكويزات ماذكر جاب لها طاري

هاذا بالنسبة للانجلش




المحاضرة الثانية اللغة العربية الدكتور عبدالرحمن الساعة 6




المحاظرة من بدايتها كنت متنرفز لان كان في بلاهات فالشات واستعباط رفع ضغطي

بالاضافة الى ان الدكتور كمان اتاخر

وكمان كان الدكتور عندو مشكلة بجهازو وماقدر يوصلنا صوت

واضطر يكتب كتابي لاكن بنهاية المحاظرة واحد من الشباب الله يجزاه الخيـر اتصل علية وحط الفون عل مايك ووصلنا




المهم في المحاضرة

1-الكتاب ( مهارات لغوية ) المكتبة (دار الحافظ ) وموجود على موقع الخوارزم
الطبعة (31) تاليف ( سالم الخماش ) بس اتاكد اخبركم

2- المحاضرات المسجلة بالايميس هي للمادة ولنفس الكتاب ومطلوب مننا نراجعها بشكل دايم وانحضر للمحاضرة اذا حبينا

3-الاسبوع هاذا بعد كم يوم بيرسل لنا اكيد (تكليف ) او (تدريبات ) عليها درجتين
واختبار بسيط ( كويز ) عل درس الاول صحـ وخطـا من القاعدة ( طبعا تذاكروها قبل ماتفتحو الاختبار ) وقبل الاختبار بيعطينا عشر دقايق للمراجعة حسب ماقال لان التايم بالاختبار محدود جدا بمجرد ماتحل ترسل الاجابة على طول
والكويز الجي بموضوع (اهمية تعلم العربية ) الدرس الاول اتوقع

3- التكليف ( طبعا بتسمعوها كثير ) هوا تقريبا زي البحث المبسط يعني بيعطينا موضوع معين ويطلب مننا نكتب عنو بعد مانقرا كتاب او نسوي علية سيرش بالنت
ونكتب المادة العامة اللي انطلبت مننا في ملف وورد ونرسلو للدك عل ايميس

4- طبعا القواعد مهمة جدا وحسب مافهمت ان كل قاعدة عليها كويز او شي زي كدا ( يعني ركزو عليها من بدري بدري )

5- التكليفات اللي بيرسلنا هيا ضروري نسويها لان عليها درجات والاختبارات الدورية نفس الشي

6- طريقة الاسئلة بالاختبارات الدورية ( كويز ) مابتكون معقدة لان اغلبها من التعريف والقواعد

7- بيرسل لنا نماذج لاختبارات سابقة لجل نستفيد منها إن شاء الله بس ممكن الحين او قبل الفاينس

8- عدد الاختبارات الدورية تقريبا خمس اختبارات مجموعها 10 درجات
والرسائل عليــها 5
التكليف عليـة 10
وخمس درجات للمشاركة بالكلاس اتوقع لانو ماوزعها

9- ضروري جدا مراجعة البريد في الايميس بين الفترة والثانية لان بيرسل اشياء مهمة عليها بالاضافة الى مراجعة المادة والمحاظرات المسجلة عل ايميس لين نشتري الكتب وحتى بعدها
والتواصل مع الدكتور بيكون عن طريق الايميس وبالاضافة الى انو وضع رقم جوالو للتواصل معاه بس مدري اذا مسموح انزلو او لا





عموما بالاخيـر بس حبيت اعتذر منكم عل قصور لاكن حبيت اسوي برفيو بسيط لاول يوم مثل ماوعدت وإن شاء الله في من يستفيد من الموضوع ويعطينا دعوة صادقة ترد الروح

وادري ملخبط شوية ولا نسقت الموضوع كويس لان نعسان ومني شايف قدامي وظهري معد احس فية من الجلسة من العصـر
><





وهاذا فيديو للسنترا من الداخل وشرح امور بسيطة فية إن شاء الله تفيديكم





(( اللي شاف شي غلط بالفيديو ولا حاجة يخبرني لان ماشفت الفيديو من كثر مابا اخلص وانام))


وانوة لسالفة ماوضحتها بالفيديو واللي هي النت وورك الموجودة اسفل عل يمين
ضروري تتاكدو منها لجل تعرفو قوة الاتصال عندكم والافضل تكون اربع اشارات تقريبا

تاكدو منها وإن شاء الله تكون اموركم تمام







ومحاضرتين اليوم مسجلة بالسنترا اما المحاضرة الثالثة الدكتور لطعنا وماجا


وربي يكتبلكم التوفيق جميعا واعذروني عل قصور واي استفسار انا موجود بكرة الصبح إن شاء الله بالخدمة وبس توصل الكتب الباقية بخبركم إن شاء الله
والسبت الجي مافي محاضرات على فكرة

 


الف شكر ^_^




رجاء حار اللي محتاج مساعدة او حاجة يكلمني برايفت لان
تواجدي هل فترا ضعيف بسبب ظروف العمل والرسائل الخاصة
بتوصلني عل فون ^_^

 


التعديل الأخير تم بواسطة حمودي اتصالات ; 17-09-2011 الساعة 10:28 PM. سبب التعديل: قسم اني مضيع هههههههه
رد مع اقتباس

 

 


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 06:20 AM


Powered by vBulletin® Version 3.8.9 Beta 3
Copyright ©2000 - 2024, vBulletin Solutions, Inc.
Ads Organizer 3.0.3 by Analytics - Distance Education

أن كل ما ينشر في المنتدى لا يمثل رأي الإدارة وانما يمثل رأي أصحابها

جميع الحقوق محفوظة لشبكة سكاو

2003-2023