com360

[قمررر14]

لتأكيد يا اخوان اختبار اسس العلاقات العامه بكره الصباح الساعه 8 صووح
لأني يوم الخميس ضربت مشوار عالفاضي ووصلت القاعه وجلست الا وجاني ماده مدري شسمها
ويا ليت اذا فيه دافور ذاكر كويس يعلمني اي قاعه بيروح عشان اجلس جنبه اختبر

[admin009]

طخيت بشكر عشان المشوار للجامعه

[ذياب العتيبي]

اخوي بكرة اختبار مادة العلاقات العامة الدولية وليس اسس العلاقات العامة

والاختبار الساعة ١٠:٣٠ صباحا

[قمررر14]

عفوا عفوا قصدي العلاقات العامه الدوليه
وشكرا عالتوضيح لوقت الاختبار

[القايدي]

اخوي بكرة اختبار مادة العلاقات العامة الدولية وليس اسس العلاقات العامة

والاختبار الساعة ١٠:٣٠ صباحا

[somey911]

الله يهديك فقعت قلبي ياقمر ١٤ احسبني قاعد اذاكر ماده ثانيه

ياحبيلك يالقايدي على التصحيح والله اني قاعد اذاكر من ملخصك وادعيلك عاد امس جاي بالطياره من الرياض
وجنبي واحد واضح انه جاي يختبر مثل حالاتنا واقول بقلبي تخيل يطلع ذا القايدي والله لاحب راسه. الله يجزاك خير يالقايدي وييسر لك كل امر عسر

[somey911]

ياشباب بالنسبه للباب السادس من صفحة 167 الى اخر كتاب العلاقات العامه الدوليه فيه شي ضروري ولا لا لاني ماعندي الكتاب وبملخص القايدي مكتوب للقراءة فقط ياليت اذا فيه شي ضروري توضوحونه هنا ولو رؤوس اقلام جزاكم الله خير

[حربي]

الزملاء الكرام
اين تقع قاعة اختبار المادة فحسب جدول الاماكن انها81؟

[القايدي]

المشاركة الأصلية كتبت بواسطة somey911 ياشباب بالنسبه للباب السادس من صفحة 167 الى اخر كتاب العلاقات العامه الدوليه فيه شي ضروري ولا لا لاني ماعندي الكتاب وبملخص القايدي مكتوب للقراءة فقط ياليت اذا فيه شي ضروري توضوحونه هنا ولو رؤوس اقلام جزاكم الله خير

الباب السادس عبارة عن ماتم ذكره في الابواب السلبقة من تعاريف واهداف وسمات وغيرها للعلاقات العامة ولا تنسى ركز على التواريخ وايضا الباب الرابع مهم حسب ماقيل

انا سعيد باطراءك ويكفيني دعوة منك بظهر الغيب لاحبة راس ولا حبة خشم سعادتي بخدمتكم
وكلامك نابع من طيبك اخي الفاضل

تمنياتي لك بالنجاح

[somey911]

المشاركة الأصلية كتبت بواسطة القايدي الباب السادس عبارة عن ماتم ذكره في الابواب السلبقة من تعاريف واهداف وسمات وغيرها للعلاقات العامة ولا تنسى ركز على التواريخ وايضا الباب الرابع مهم حسب ماقيل انا سعيد باطراءك ويكفيني دعوة منك بظهر الغيب لاحبة راس ولا حبة خشم سعادتي بخدمتكم وكلامك نابع من طيبك اخي الفاضل تمنياتي لك بالنجاح

شكرا جزيلا على التوضيح السريييع جزاك الله خير والله تستاهل كل خير الله يوفقك ويحفظك يالغالي