*تجمع المستجدين [ استفسارات + ترتيب الجداول ]

[Small Lawyer]

السلام عليكم ورحمة الله وبركاته

اول شي الحمدلله انقبلنا قانون ومبرووووك للكل والله يوفق الجميع يارب

وتاني شي حبيت افتح موضوع موحد للاستفسارات عشان الكل يستفيد

رجاء من الاخوة في القسم توجيه النصائح للمستجدين سواء عن الجدول او الاستاذة

وهل افضل نمشي على الخطة او لا؟

[جوجو الأهلاوية]

كيييييييف نرتب الجدول وربي مو عارفه ولا فاهمه شي وللأسف محد يساعدنا

[Small Lawyer]

المشاركة الأصلية كتبت بواسطة جوجو الأهلاوية كيييييييف نرتب الجدول وربي مو عارفه ولا فاهمه شي وللأسف محد يساعدنا

حبيبتي على حسب علمي بكرا يفتح الحذف والاضافة ووقتها ترتبي جدولك على حسب مواد اول سمستر والوقت اللي يناسبك

[جوجو الأهلاوية]

المشكله اني مو عارفه كيف حرتب الجدول من الأودس أحس اني مره ملخبطه

[Abdu Bereira]

حيآكم الله في كلية الحقوق ,

شباب , هذا رابط الخطة الدراسية ,,

http://law.kau.edu.sa/content.aspx?Site_ID=152&lng=AR&cid=37895

نصيحتي نزلوا المواد حسب خطتكم الدراسية قدر الإمكان ,

الحذف و الإضافه راح يفتح بإذن الله غدًا الثلثاء ,

تقولي كيف أحذف و أضيف ؟
بكل بساطة يا حلوين ,,
لما يجي بكره إن شاء الله ,
تخشون على هذا الرابط
http://odusplus-ss.kau.edu.sa/PROD/twbkwbis.P_ValLogin

تحطون رقمكم الجامعي ثم رقمكم السري و تسوون دخول ,

بتلقون الخيار الثاني و الي هو : الطالب
تخشون عليه , راح تلقون خيار هو : التسجيل
تخشون عليه , تلقون خيار : الحذف و الإضافة
تخشون عليه , بتلقون اختر الفصل الدراسي , و أضغطوا على زر تنفيذ ,
بعدين , تروحون لخيار بحث الشعب الدراسية ,
طبعا لما تطلع لكم الشعب الي اخترتوها ,
بيكون جنب كل شعبه عاليمين , مربع فاضي تحطو عليه صح ,
ثم تنزلو تحت و تسوو تسجيل ,,
لكن حاليا ما فك الحذف و الإضافه فراح تلقوه مكان المربع " غير متاح للتسجيل "

طبعًا لمواد القانون و الي بالخطة الدراسية اختصارها " نظم "
بالإنجليزي إختصارها BL ,
و اما مادة العربي 2 , أو تحرير كتابي ,, فـ راح تلقونها لما تروحون لإختصار ARAB ,
و اما مادة أصول الفقه أو الأحوال الشخصية , فتلقونها لما تروحون لإختصار ISLS ,


---
شباب و شبابات , ترا الهرجة مو معقدة لهالدرجة ,
و تقدروا تستغلو الفرصة الآن بما إنو الحذف و الإضافة ما فك ,
و تطقطقو شوية على الموقع , و تشوفو الشعب الي راح تختاروها ,
عشان أول ما يفك الحذف و الإضافه تحددوها و يا دار ما دخلك شر ,,



و دمتم سآلمين ^_^

[خالد~]

وهذا الموضوع راح يفيدكم بخصوص الدكاتره

http://www.skaau.com/vb/showthread.p...wpost&t=449856

بالتوفيق

[sara alsalh]

الله يجزاكم خير
انا للحين مانزل الجدول ومكتوب غير متاح التسجيل
اتمنى احد يفيدني

[Abdu Bereira]

المشاركة الأصلية كتبت بواسطة sara alsalh الله يجزاكم خير انا للحين مانزل الجدول ومكتوب غير متاح التسجيل اتمنى احد يفيدني

يا آنسة ساره , لو قريتي ردي راح يبان لك كل شيء ,
أقري ردي و شوفي إش كتبت لما يجي " غير متاح للتسجيل "

و دمتي سآلمه ^_^

[هاشميّة]

جزاكم الله خيرًا ^__^

سؤال/ مادة أحوال شخصيَة 333 لا توجد سوى أ/ فاطمة الجلسى و أ/ مي ناقرو.. أيهما أفضل؟! أم هل من الممكن نزول أسماء أخرى غدًا؟!

و نفس الحالة مع مادة أصول فقه لا توجد سوى أستاذة نسرين حمادى! :/

---

المادة الحرة بحثت في الـ com لم أجد سوى المدخل إلى وسائل الإعلام لـ أ/ راكان حبيب
و الرأي العام لـ أ/ ماريا حمدان.. هل أستقر على أحدهما أم أبحث عن مادة أخرى؟

عذرًا على الإطالة $:

[•♥fŗŌồtą]

و نفس الحالة مع مادة أصول فقه لا توجد سوى أستاذة نسرين حمادى! :/

نسرين حمادي اخذت معاها الاصول
انسانه امينه ما شاءالله
تشرح من قلبها وما تغيب الا نادرا وتبدا محاضرات من اول يوم
افتكر حسبت لنا غياب الاسبوع الاول كلو
تضحك معاك بالمحاضره
،،
اختباراتها اختياري بس فيها شوي صعوبه
الحمدالله جبت درجه حلوه
بس مستحيل اخذ معاها مره ثانيه