ياأهل المحاسبه ممكن شويه ..

[M!sS chocolate]

ممكن تعطوني شرح بالضبط اش هو مفهوم قسم المحاسبه
سويت عنه سيرش في النت بس صراحه مافهمت شيء
فأعطوني كدا شرح بالكلام العامي ...
لأنو خلاص التخصصات حتقفل الربوع الجاي ..

[توووbearooيتي]

هلا منوره مس شووكليت ,,,,

والله مش فهمانه اش تبغي بالضبط ,,,,

بس ادا تبغي فكره عن اللي بندرسوا

تقدري تطلعي على بعض المقررات

النازله بقسم الملخصات ,,,, وتاخدي فكره

أفضل طريقه ممكن توصلك للي تبغيه ,,

وموووفقه يااارب ,,,

[سلطان747]

صراحتاً مااحبذ دراسة البنات ثانوية وتكفي

[M!sS chocolate]

أنا قصدي أنا أبغى مفهوم قسم الإداره والإقتصاد
يعني بالضبط اش تدرسوا ماابغاكي تقولي لي المواد
لأني قريتها ومافهمت شيء ..وقصدي بكلمة بالكلام العامي
يعني كدا تجي تتكلمي نفس طريقتي مو عربي فصحى وتقولي المواد
تسويق
ومدري ايش طب اش تسويق زي كدا ..

وكيف الفرص الوظيفيه يعني اول ماأتخرج لو نسبتكي حلوه ألاقي وظيفه
واللا اكتفوا من هالقسم لأني أحس قسم الإداره والإقتصاد قسم قديم
فمعقوله إلى الآن فيلو وظايف ...

[&كيمو&]

السلام عليكم ورحمة الله وبركاته



بسم الله الرحمن الرحيم


شوفي يا أختي


قسم المحاسبة

يتعلق بدراسة المعاملات المالية
والاقتصادية


في المنشأت الخدمية والتجارية والصناعية
والحكومية


والمتخرج من هذا القسم بأعلى المعدلات

بتتحدد وظيفته على مقدار فهمه وابداعه

فممكن أن يكون معيد ويتبع الطريق الأكيديمي

وممكن أن يتوظف محاسب مالي أو تكاليف

في الشركات العامة والخاصة على مقدار فهمه

وممكن أن يدعم شهاداته بالشهادات المهنية

التي تفيد المحاسب في الحياة المهنية

ويمكن أن يحصل على وظيفة في أحدى مكاتب المراجعة

ويمكن أن يفتح مكتب بعد الحصول على الزمالة

من الهيئة السعودية للمحاسبين القانونيين


ويمكن ويمكن ...

ولكن يعتمد على مستوى الشخص الفهمي والتعليمي




أما عن المواد التخصصية

مبادئ المحاسبة 101
مبادئ المحاسبة 102
المحاسبة الحكومي
محاسبة التكاليف 1
محاسبة التكاليف 2
محاسبة متوسطة 1
محاسبة متوسطة 2
محاسبة مالية متقدمة 1
محاسبة مالية متقدمة 2
محاسبة زكوية
محاسبة ضريبية
تطبيقات محاسبية على الحاسب
نظم المعلومات المحاسبية
محاسبة المنشأت المتخصصة
محاسبة إدارية
مراجعة 1
مراجعة 2


هذه مواد التخصص

ولكن في الخطة توجد مواد أخرى
من غير التخصص تعتبر عامة

والقسم يحتاج مجهود ومتابعة
ويعتمد على الفهم أكثر من الحفظ

وممكن أن تتطلعي على المواد المثبتة للشرح في القسم
أو على الملخصات الموجودة في قسم الملخصات
حتى تتكون لك فكرة عن محتوى المواد


وفي إحتمال السمستر الجاي يتم تحويل
المحاسبة 101 و 102 إلى اللغة الإنجليزية
إحتمال وليس أكيد

وفي النهاية إستخيري رب العالمين
وان شاء الله يوفقك إلى مافيه الخير


وبالتوفيق للجميع


كل الود
&كيمو&

[*(جونو)*]

المشاركة الأصلية كتبت بواسطة سلطان747 صراحتاً مااحبذ دراسة البنات ثانوية وتكفي

البنت ماسالتك عن رايك في الدراسه بعد الثانوي
واذا ماعندك رد عن الموضوع نفسو لاترد احسن لك

[M!sS chocolate]

جونو
ياقلبي أنا مارديت عليه لأنو الناس اللي بالتفكير
هذا مدري صراحه اش أعطيهم من لقب
غير الله يعين أخواته أكيد كلهم مخليهم شهادات ثانوي وأجلسوا في البيت
ماعندنا بنات تشتغل ماعندنا بنات يخرجوا ومن دا الكلام ..

فخليكي ريلااااااااااااااااااااااااكس للناس اللي زي كدا (شيء اتعلمته من الحياه)

[محمد الجحدلي]

والله الصرااحة انا مني عارف ايش اقولك انا الي عندي حقولو
وطبعا ما حيكون شي كامل واذا زيادات من بعض الي في المنتدى اهلا وسهلا


طيب المحاسبة بوجه عام هي عملية تسجل وتحليلي وتبويب البيانات والمعلومات واصالها لمتخذي القرار لاتخاذ القرار المناسب


طيب ايش يعني الكلام المكتوب:

اولا :عملية تسجيل

كيف يعني تسجيل البيانات والمعلومات انت لما تبيع تشتري تقووم بتسجيل الاشياء الي سارت في المنشاءة سوا كان بعتها نقدا ولا بالاجل "على الحساب" او اشتريت بضاعة


ثانيا :تحليل هذه البيانات والمعلومات

يعني احنا بعد ما سجلنا البيانات والمعلومات كيف حنستفيد منها

حنستفيد منها باشياء منها ناحية رقابية على المبيعات كم بااع

ورقابة على المخزوون كم بقي

ومن ناحية تحليلية وهي لتحليل عمل المنشاءة من ربح او خسارة كيف كان الشغل ماشي
وكم تحتاج المنشاءة السنة الجاية عشان تحسن من مستواها وهي القوائم المالية اهمها

قائمة الدخل: تعطيك هذه القائمة نتيجة اعمال المنشاة في السنة من ربح او خسارة وربحية السهم لو كانت شركة مساهمة

قائمة المركز المالي"اهم قائمة": هاذي القائمة تعطيك موجودات المنشاة ومطلوبات المنشاة وحقوق المساهمين "ألملاك" يعني ما للمنشاة وما عليها من ارصدة نقدية واستثمارت وقوة المنشاة في السووق من حيث السيولة وقوتها في تسديد القرووض التي عليها وتبين ما على المنشاة من التزامات كالقروض و هناك حقوق المالكين الي هما الشركاء او المساهمين"اذا كانت شركة مساهمة"

وفيه كمان قائمة التدفق النقدي

وكذا قائمة الارباح المبقاة

وفي قوائم اخرى كمان



ثالثا تبويب البيانات والمعلومات

وهي وضع هاذي البيانات والمعلومات بعد تحليلها في قوائم ليسهل قراءتها

من قبل متخذي القرار لاتخذا القرار المناسب



والنقطة الثانية من ناحية المستقبل الوضيفي


طبعا مستقبلها مضموووون اكثر من باقي الاقساام

بس برضو لازم تشدي حيلك مو تجيبي معدل 2 وتقولي محد قبلني

يعني في منشاة لايقل عن 3 او 4 محاسبين غير مدير الحسابات هاذي بمنشاة صغيرة

وعمرو الطلب على المحاسبين ما يوقف ما دام فيه بيع وشرا وفيه شركات يعني فيه محاسبين


وان شاء الله اكون افدتك وما قصرت معاك وان شاء الله تكون وصلت المعلومة




اخوك محمد الجحدلي

[M!sS chocolate]

الله يجزاككم كل خير ومشكووووره لكل اللي ردوا وبينوا لي كل شيء
أنا حستخير وحفكر بالموضوع كدا بروقان .. وبعد مااقرر حيبان كل شيء
بجنب اسمي حيبان تخصصي .^_^