استفسار مهم ياصيادلة

[Miss Bero]

سلام ياحلوين
طبعا بعد ماباركنا لبعض بقبولنا بهدا التخصص الظريف
طبعا جا وقت نفتح الاودس ونشوف المواد الي علينا لقيت حاجات غريبة
طبعا لانو اول مرة اتخصص
الطبيعي انو السمستر الاول والتاني تبع مواد التحضيري وندخل دوغري بالتالت
بس لقيييت اشياء غريبة مرة مو فاهمتها السمستر الاول حاطين مواد ما اخدتها اصلا والتاني زيو وبعضو اخدتو
مدري حسيت بغرابة بالموضوع وخفت اكون انا بس
بس بليز طمنوني وبديت اتشائم من كترة المواد وال 429 ساعة دي

[ميعاد]

الخطه منجد تفجع لا تطالعي فيها لانو انتو اخذتوا تحضيري فاشياء اتغيرت , اللي اخذتوه من اول اتصال ورياضيات ماحتاخذوها ثاااني ..

بس الاشياء الجديده ..

شوفي ذا الموضوووع , كتبته سميه الله يسعدها , فيله المواد اللي بتاخذوها سنه ثااني ..

http://www.skaau.com/vb/showthread.php?t=225413

ونبذه عن كل مااده..

[Qotaiba HBK]

^^

يعني من جد فوق الـ 400 ساعه &&

[ما ينكسر صابر]

الله يسعدكم كم معدل اللي انقبلو في الصيدله راح ادعي لكم من كل قلبي

ضروري بلييز

[pharm.d .s]

223ساعه هيا الي لما نزلت ليا بالاودس بعد 6 سنوات في كلية الصيدله يعني الانترن محسوب معاهاااا
لا تنفجعوا بي 400
كمان اي شيء بالاودس انسوة من اليوم وجاي الشيء الوحيد الي يهمكم فية الدرجات والمعدل فقط لاغير باقي الاشياء كليتنا تغرد خارج السرب

[Miss Bero]

على قولك وطمنتني الله يطمنك ومعد اشوف الجدول >>>مو مرة يعني
ومررررررة ميرسي ياحلوين

[بسمة تشرين]

هي 400 بس محسوب معها سنة الامتياز لو تشوفي الجدول حيكون الين المستوى 12 يعني ال6 سنوات كلها
انتي حتاخذي مواد بس 5 سنوات السنة الاخيرة الي هي 11 و12 حيكون شغل
انا كذا فهمتها ^_^ ان شاء الله صح

[Miss Bero]

يسلمو ياحلوووين ماقصرتو ودحين اطمنت اول مدري فين كنت

[pharm.d .s]

المشاركة الأصلية كتبت بواسطة بسمة تشرين هي 400 بس محسوب معها سنة الامتياز لو تشوفي الجدول حيكون الين المستوى 12 يعني ال6 سنوات كلها انتي حتاخذي مواد بس 5 سنوات السنة الاخيرة الي هي 11 و12 حيكون شغل انا كذا فهمتها ^_^ ان شاء الله صح

223 ساعه محسوب فيها الامتياز انا طالبة خلصت الامتياز من شهر يعني الاودس حقي خلاص متزبط على الاخر باقي اخد الوثيقه وبس

[ميعاد]

المشاركة الأصلية كتبت بواسطة pharm.d .s 223 ساعه محسوب فيها الامتياز انا طالبة خلصت الامتياز من شهر يعني الاودس حقي خلاص متزبط على الاخر باقي اخد الوثيقه وبس

الف الف مبروووك ياااعسل , من زماان نفسي ارسلك رساله اباركلك <<< بس ماايجي ..

تستاااهلي كل خيييير , وموفقه , عقبال الوظيييفه ..