ايش الفرق بين الخطة الجديدة والقديمة في كلية الطب

[الراقية]

دكاترة اشبكم محتارين هدي الخطة جديدة لانها تغيرت عن كل السنوات الفائتة حيث ان السنة التي سندرسها سنة تاني وسنة تالت حتكون سريرية٠
تحياتي

[الراقية]

دكاترة اشبكم محتارين هدي الخطة جديدة لانها تغيرت عن كل السنوات الفائتة حيث ان السنة التي سندرسها إن شاء الله سنة تاني وانه سنة تالت حتكون سريرية في الهوسبتال 
تحياتي

[A N G E L]

عندي سؤال ايضا
ابا اعرف طريقة دراسة المواد..؟!
حتكون بلووكات..؟!
يعني المادة كاملة تندرس ترم كامل ولا تتقسم..؟!

[N!cE G!rL]

اووو كيكم زيي << بالله
واعتقد التلاتة سنين دي المرحلة الاولى وبعدين احنا درسنا الانجليش 101
وانجليش102 ف اعتقد الخطة بتتغير <<اتوقع ومو متأكده

[A N G E L]

امممممم والله الواحد مو داري
سهالة ان شاء الله
وسمعت انو اللي انقبلو في الطب ما شاء الله فوق 200 طالب غير البنات..؟!
صح الكلام..مع اني ما شاء الله شايف النتايج للطب اكترها بنات ما شاء الله
فين الشباااااااااااب...؟!

[روروريتا]

والله يا Angel انا ما عندي فكرة ...
بس انا سألت دكتورة دوبها متخرجة قالتلي انه الخطة الجديدة من زمان بيتكلموا عنها واخيرا طبقوها .. قالتلي من اول هما كانوا مثلا يدرسوا باطنية في سنة رابعة ياخدوا الاعراض خامسة ياخدوا علاج وهكذا ... ودحين اذا حندرس الجهاز العصبي حندرس كل شي فيله اعراض وعلاج وكله ... وقالتلي اذا من جد غيروا الخطة احسن انه تخلصه بسرعة بس اكرف واصعب والله يستر D: ويا ريت اذا في احد يعرف كلام غير كدة يفيدنا

[نقطه]

^
^
بالزبط هوا دا النظام دحين ..
بس الله يعيننا كل سبت حيكون في اختبار =( ..

أنا أخوي طب بس مالحق على دا النظام بس بيقولي إلي يزاكر مزبوط وكل محاضرة في يومها يمشي الوضع معاه ومايتعب مع دا النظام ..!
بس طبعا دا النظام تبعاتو أصعب ..

[Lujee]

لا أنا أختي تانية

و ماشاء الله مبسوطة في دا النظام

عشان مافي نهائي

و كل سبت تبدأي من جديد

و تختبري حق القديم

أحس كدا كثير أحسن

و الله أعلم ..

[صــمـود الأقصى]

اممم يعني نفس ماكنا نختبر في الثانوية كل سبت اختبار وأحيانا يدخل معانا القديم ؟

والله اذا كذا مررررة أحسن لأني أحب أذاااكر خخخ ... بس أختي نقطة مافهمت اش قصدك تبعاتو أصعب ... يمكن مافهمتك صح ..

[روروريتا]

يعني حتكرفي فيله اكتر