نداء لطلاب وطالبات الطب محتاجين مساعدة

[PPOOPP405]

السلام عليكم ورحمة الله وبركاته
معليش على الازعاج بس كنت ابغى اسال عن المواد الي حندرسها إن شاء الله في السنة التانية


اش
المواد الي نركز عليها ؟
اش المراجع ؟
كيف حيكون النضام؟
هل الكلام الي ينقال انوا مطب الطب انتقل من السنة الثالثة وجا في سنة تانية؟




مليش بس اخوكم قلقان


للمعلومية يمكن اسمي جديد عليكم يعني ليا سنة في الجامة ودوبي اشترك في المنتدى

بس ماعلينا كل تاخيرة فيها خيرة

[/mark]

[evil girl]

والله انا من حقون النظام القديم وما اعرف كتير عن النظام الجديد بس الي اسمعه انه يحتاج مذاكره اول باول وبعدين انتم تعتبروا محظوظين اكتر من الي قبلكم لانه ان شاءالله يكونوا لقوا حل للمشاكل الي واجهت الطلاب في السنة دي ...

ان شاءالله يجي احد يفيدك وبالتوفيق :)

[PPOOPP405]

شكرا على الرد D.EVIL

بلمناسبة بما انك متقدمة اش رايك في النظام حقنا الجديد

لانو اكثر من شخص من المتقدمين يفضل النظام القديم

وياريت تبيني الفرق بينهم

[evil girl]

صراحة احنا في الاول كنا زعلانين انه النظام ما لحقنا


بس دحين اشوف نظامنا اريح واحسن وخصوصا انهم بدأوا النظام وما بيطبق صح والطلاب بيعانوا ...


الفرق بينهم كبير ..

انا بصراحه ما اعرف النظام الجديد مررره بس بقولك على نظامنا وشوف الفرق

يعني سنة اولى احنا درسنا فيزياء وكيمياء واحياء وانجلش واهم شي في سنه اولى اننا اتعودنا على الضغط ودخلنا جو دراسة الجامعة وما بدأنا مواد تعتبر جديده علينا واتعودنا على نظام الاختبار انه كل شي معانا ترم اول وتاني في الفاينل وخرجنا منها مستعدين للمواد الاساسية الي بدأنا ناخد فيها في تانيه وثالث يعني في ثانيه بدأنا اناتومي وبايوكمستري وفيسيولوجي وكملناهم ثالث مع الباثولوجي والبارا والمايكرو المهم خرجنا من ال3 سنين الاولى بالاساسيات وجينا رابع كملنا بعض المواد وبدأنا ندخل جو الطب ميدسين وسيرجيري وطبعا فارما ودحين خامس وسادس حنكمل مدسين وسيرجري بالاضافة للبدياتريك والنساء وولادة ...

يعني نظامنا احس انه ارتب المعلومات تنبني فوق بعضها ..

اما على حد علمي بالنظام الجديد انه تاخدوا سيستيم سيستيم من الالف للياء وجيتوا اولى ودخلولكم من كل شي شويه احس فيه تشتيت وسنة تانيه بتاخدوا كم سيستيم بالاناتومي والفيسيولوجي والباثولوجي حقه وتكملوا باقي السيستيمز سنه ثالث واختبارات طوال السنه يعني ضغط ما تلحقوا تستوعبوا على حسب كلام وحده جلست معاها سنه تانيه وقالت انهم اشتكوا على اشياء كثير وقالولهم حيغيروها على سنتكم وفي النظام الجديد المفروض تنزلوا المستشفى من سنة تانيه بس ماراحوا ولا شافوا شي في المستشفى ....

اهم شي في نظامكم المذاكره اول باول حتى لو تسبق الدكتور مو مشكله واسأل عن اي شي مو فاهمه لانهم في الاختبارات يجيبوا كل شي حتى لو ما انقال اهم شي تقرأ الاشياء الي نازله في المنهج من نفس المصدر الي يقولوه والله يوفقكم يارب :)

[PPOOPP405]

شكرا جازاك الله الف خير

معليش على الازعاج وما قصرتي


بس في نقطة وحدة حكاية انو مانختبر في مادة في الفصلين شي اجابي ولاسلبي
هل حيكون في مصلحتنا

لا تخافي من حكاية خارج المنهج اتعلمنا عليها في البيولوجي وتلدعنا مزبووووووووووووووووووووووووووووط

[evil girl]

اصلا ما يمديكم تختبروا في فصلين مو انتم قسمولك المواد شي الترم الاول وشي الترم التاني ..


يعني افتكر البنات اخدوا في ترم كيمياء وانجلش وترم فيزياء واحياء او العكس


لكن احنا طوال السنة بندرس كله بس في مدة تدخل المعلومة وتركز ما تتكروت في المزاكره ولمن نجي نختبر نهاية السنة ونرجع نذاكر الي درسناه الترم الاول تاني حيثبت اكتر فاعتبر دا الشي مفيد مع انه مرررررررررره متعب توصل لمرحلة تبدأ تستخير تذاكر ايش وتسيب ايش

يلاا الله يوفقكم يارب واذا عندك اي سؤال في اي شي لا تستحي :)

[PPOOPP405]

ومرة تانية جازاكي الله خير وتعبناكي واشاء الله تعدي كلها سهالة وزي مانبغى

[*عسل أبيض*]

ماشاء الله عليكم ربي يوفقكم

[evil girl]

الجميع يارب و عقبال مانشوفك معانا :)

[Enrique Iglesias]

مشكووورة ايفل جيرل عالمعلومات الحلوة

وحبيت اسال سنة الطب الثانية هذي هي اول سنة بالكلية بعد السنة التحضيرية


أو انها السنة الثانية بالطب الثالثة بالنسبة للطالب بعد السنة التحضيرية ؟؟؟؟