شباب المتعثرين بمادة الاحصاء هلمو بالدخول

[الوافي1407]

بسم الله الرحمن الرحيم

ياشباب تكفون دبرو لنا رقم دكتور الاحصاء او عميد للطلاب نبي نشتكي على مدرس المادة او يزيدون درجاتنا تكفوووون مانبي نرسب بالمدااادة قمة القهر انا من امس ماجاني نووووووم وقلق

[منتسب3]

بصراحه في ظلم شوي على الاسئلة المعقده ان شالله ماترسب ولا احنا نرسب بس صح كلامك لو سكتنا يعني احنا راضين على اللي صار

[ابو رعمه]

انا من شفت اسم الهلال غسلت يدي , اعوذ بالله حتى في ورقة الاسئله لاحقنا

[مجنون دراسة]

تراني كلمت دكتور الماده بعد الاختبار الدكتور عبدالرحمن وشرحتله عن مدى غموض الاسئله وقلت يا دكتور مقارنه بالاعوام السابقه ماهناش مقارنه صعبتوها علينا ذا السنه وقلت تكفى يادكتور لا تخلونا وقال إن شاء الله يصير خير وعلى كلامه الرجل طيب وكان متعاون معنا في اللجنه يوضح بس الوقت غير كافي والمسائل طويله خص نموذج بي اكفان الله شره والله يستر دعواتكم تكفون

[خيـآل]

والله حرام عليهم انا لي اسبوعين قبل الاختبارات وانا اذاكر الاحصاء

الاسئله اللي بااخر الكتاب كلها حليتها والحمد لله اخطائي كانت بسيطه

يوم جيت في الاختبار حليت بس 23 صح والباقي على الله

حرام عليهم ليه التعقيد الاسئله فيها غموض وصعوبه وتعقيد