انصحوني بأفضل الدكتورات

[soso139]

مساء الفل على جميع أخواتي فقسم الاقتصاد
مبروك لإلي امتحونوا و نزلت درجاتهم
و الله يعين إلي باقي بيمتحنوا
أبغاكم يا بنات تنصحوني بالدكتورات الأفضل
مو بس من ناحية الشرح
أنا حريصة على تعاون الأستاذة أكثر
أنا بإذن الله بأنزل
تحليل كمي 2
محاسبة 2
إقتصاد كلي
عربي 2
نقود و بنوك
مالية عامة
و بعدين كمان أدوني رأيكم هذي المواد مع بعضها تمام
و ألا أبدل حاجة
كل وحدة تديني رأيها
بالتوفيق جميعًا

[احلاهم واتحداهم]

محاسبه 2

سارا بكر او رغداء الرملي

تحليل كمي 2
لاتنزلين مع سوزان ابو العنين صح تشرح بس تاكل الدرجات
ولبنى لئيمه
يمدحون عفاف عايد

اقتصاد كلي
معرف افضل مين بس ايمان يمدحونها

ماليه عامه ونقود وبنوك
ماتقدرين تنزلينها لان اقتصاد كلي متطلب لها

عربي 2
هدى بطاطي شرحها حلو تعطي بونس

[Fufroora]

اقتصاد كلي .. الدكتورة إيمان شرحها مو مرة بيرفيكت

بس إلي حلو فيها انها توزع على البنات ورق مراجعة قبل كل اختبار ، ومنها تجيب اسئلة الاختبار مع تغير بنسبة 5%

يعني في البداية حتحوسي في الشرح معاها .. بس حتنبسطي بالدرجات

الله يختار لك مافيه الخير

[soso139]

واو ماانتبهت إن الكلي متطلب
كمان أعطونا آراء
تسلمون

[احلاهم واتحداهم]

ماتقدرين تضيفين اي ماده الا لما تاخذي اقتصادكلي لان باقي المواد متطلب لها

نزلي ثقافه ومواد حر واختياري

[soso139]

طيب إذا حطيت بدالهم تحليل إحصائي 2
و تحليل إقتصاد جزئي
كذا حيصير الجدول دمه ثقيييييييييييييل صح؟
أنا بأخلي الحرة و الاختياري و الثقافة محلها عشان الخطة تنوزن
لأن أنا مشكلتي كنت إدارة أعمال
فاتلخبطت الخطة شوية لمن جيت أنزل المواد من الشؤون كانت الخطة عندها مو مطابقة
و شوية لخبطة
بس طبعا بعد فوات الأوان

[miss honey11]

تحليل كمي د / حاجه الامام شرحها مررة كويس واسئلتها مباشرة
اقتصاد كلي أبعدي عن لبنى شرحها مو تمام

[soso139]

حلو أفدتوني
مشكورين
إلي عندها أي ممعلومة أو فكرة تتفضل تضيف

[محاسِبة كيوت]

عندي سؤال عن مادة التحليل الكمي
درسنا تحليل كمي 1 بالتحضيري والحين حذفوها وصارت تحليل كمي ( تحليل كمي 2 ) المادة تتعادل والا يحسبونها مادة حرة ولا اختياري وش وضعها بالضبط ؟

[احلاهم واتحداهم]

لا تحليل كم 2 غير تحليل كمي 1

احنا درسنا تحليل كمي 1 وتحليل كمي 2


سوسو يزبط ومو ثقيل لو نزلتي تحليل اقتصاد جزئي وتحليل احصائي 2

لان تحليل اقتصاد جزئي نفس اقتصاد الجزئي بس اشياء بسيطه الي زياده

وتحليل احصائي 2 اسهل بكثيررر من الاحصاء قانون وعوضي