بنات الغذاء والتغذية... أبغى مساعدة الله يوفقكم...

[عين القمر]

أنا بنت سنه تحضيرية علمي...
ممكن تساعدوني....؟
أبغى أعرف منكم:
1. كم المعدل المطلوب لدخول قسم الغذاء والتغذيه.
2.هل المواد اللي تدرسونها بالإنجليزي أم بالعربي.؟
3.يعني القسم سهل والا صعب...؟
وشكرا على كل اللي بيتعاونو معايا... الله يوفقكم يارب...
إن شاء الله اتسكن عندكم...
شكرا...

[متاخره واااايد]

اهلين ياعسل

بالتوفيق ان شااء الله تدخلي التخصص اللي تتمنيه

اولا بالنسبه للنسبه المطلوبه هي ويكون من 85 وفوق

تانيا اول سمستر المواد عربي وفي مواد اخرى بالانجلش <<< توها تدري

الدراسة فيها يكون بالعربي والانجليزي بس اغلب موادها تنعطى بالعربي وكمان في مصطلحات انجليزية تحفظيها
بس في مادتين سمعت ما تنعطى الا بالانجليزي وحدة مادة اختيارية "استشارات غذائية"
والمادة التانية الاجبارية " تقييم الحالة الغذائية" ودي المادة بتتاخد في اخر سمستر
حاخدها ان شاء الله الترم الجي يكون الشرح فيها اغلبو انجليزي وفي شوية عربي وكمان اسئلة الاختبار فيها بالانجليزي
وكمان في مواد فيها قسم نظري وقسم عملي لكل قسم في ليها واجبات
واغلب الواجبات و الشغل حيكون بالانجليزي وترجمي لانو ماتلاقي عربي الا قليل وكمان هما بيطلبو كدا
لانك لما تجي تبحثي بستخدمي مواقع معينة تكون .org و .edu و .gov وانها ما تكون منتديات
بس مو يعني لو ما عندك انجليزي ما حتمشي الحمد لله انا ماشية ومعدلي ممتاز
وبالنسبة للاختبارات تكون دورية وتختلف صياغة الاسئلة من استازة لاستازة

بالنسبة للشغل
العمل كمتخصصة في التغذية في المؤسسات التغذوية والصحية وخدمة المجتمع
العمل كمتخصصة في أعداد و تصنيع الأغذية في مؤسسات الإنتاج الغذائي و تغذية الجماعات.
العمل في مراكز الأبحاث العلمية .
العمل الخاص من خلال إقامة المشروعات الصغيرة و العمل من المنزل
مواصلة الدراسات العليا ومن ثم الانضمام إلى أعضاء هيئة التدريس بالجامعة .

تالتا التخصص مرآآآآ حلو ومفيد سواء كمجال عمل وكدراسه استفاده

وترى للامانه النسبه و طريقه الدراسه نقلتها من موضوع سنابون

ودا الرابط فيلو كل شي عن تخصصنا

http://www.skaau.com/vb/showthread.php?t=80596

وان شاء الله تشوفك عندنا السنه الجايه

[Mis$ lolo]

لانك لما تجي تبحثي بستخدمي مواقع معينة تكون .org و .edu و .gov وانها ما تكون منتديات


هاااي متاخر وايد حيبيتي ممكن تقوليلي كيف يعني

يعني عندك مواقع اقدر ابحث فيها

ياليت تقوليلي لان عندي بحث وماتبغاه من منتديات

انا بفرع البنات اصلاااا

استنى ردك

[عزة نفسي_تكفيني]

مس لولو هذي المواقع يالغلاااا

www.marefa.org
http://ar.wikipedia.org

وتعتمدي على الموااقع اللي تكون في آخر الراابط اللي ذكرته متأخرهـ << هذي تكون مصاادر موثوقه

مو تكوون .com ومنتديات

وأسفه متأخرهـ دخلت عرض ^_^

[متاخره واااايد]

معليه ياقلبو ع التاخير

بس كويس عزة نفسي جاوبتكي يعطيها العافيه

[عين القمر]

مشكورة أختي متأخره واااايد... الله يوفقك يارب ...
شكرا...

[Mis$ lolo]

تسلمي عزوووزه كنت رايحه اسالك ف موضوعك بس ماقصرتي

وشفت متاخره كاتبه عنها وسالتهاااا

مشكووورين كلكم ماتقصرون حبايبي

[عزة نفسي_تكفيني]

اسألي في أي مكان حتلاقيني موجودهـ << وراكم ورااكم ههههههههههههههههه

ومتأخرهـ فديتهاا مااتقصر مع أحد الله يجزاها خير ^_^

[cinnabon]

هلا خيتو امم اغلب الاسئلة جاوبوواا عليها البنات

والدراسة من الترم الجي ان شاء الله حتنقلب كووولها بالانجلش

ودا الكلام مو جايبتو من عندي كل الدكاترا قالولنا

وحتى وكيلة كليتنا عملت معاهم اجتماع في الاسبوع دا او الربوع وكانت طالبة منهم الكتب المقررة والتوصييف تبع المواد

[متاخره واااايد]

المشاركة الأصلية كتبت بواسطة عين القمر مشكورة أختي متأخره واااايد... الله يوفقك يارب ... شكرا...

تسلمي يالغلا ويوفق الجميع