كافتيريا رابيس.. ومستوى اللنظافة المتدني والخدمة المفقودة .

[نبـْض أخيـرْ]

السلام عليكم..,
الي موش فآضي يقرا الموضوع.. يقرا الخلاصـة الي باللون الاحمر
.
رابيـس وماادراكم مـارابيس..
ويستمر مسلسل كافتيريات الجامعه...
قرات كذا موضوع بمنتدى الحوار الجامعي.. عن قرف الكاقتيريات..
بس ماتبت من كلام البنات
اليوم كنت بموت جوع.. وباقي وقت على جيه الباص..
فأغواني الشيطان ورحت رابيس الي في الاقتصاد المنزلي
واشتريت بيتزا وبعد مااكلت نصها اكتشفت ان البيتزاء فيها ( شعره )..
طبعا عصبت وانا اتخيل كم ( شعرة ) ببطني ياترى
رحت عند الي باعتني البيتزاء.. قلت لها فيه شعر بالبيتزاء !!!!
قالت لي كلمي الي فيه الكاشير ( الفلبينية )
الفلبينية اخذت البيتزاء عشان تتاكد وبعدها تخيلوا وش قالت لي !!
( طبعا البنات الي كانوا ع الكاشير كلهم هربوا هاللحظه ومحد اشترى )
قالت لي خذي بيتزاء ثانيه <- ينقالهم تعويض الحين ؟؟
قلت لها سلامات تبغيني اتسمم مرة ثانيه ؟؟
وحاولت تتجاهلني.. سالتها من المسؤل عن رابيس ..
قالت لي عن وحده فلبينية برابيس العلوم.. وتقول ماجت اليوم !
طبعا طلعت من الكافتيريا.. والجريمه بيدي ..واطالع بالسآعه ولاخلاص ذا موعد البآص
جلست افكر.. ارميها وخلاص والحق الباص لايروح ويخلييني.. ولااروح اشتكي عليهم
فكرت ف ثواني وقررت اشتكي..
فكرت وين اروح ؟؟؟
ماجاء ببالي الا الشئون..رحت سالتهم من الجهه المسؤلة عن كافتيريات الجامعه !..
طبعا وبعد ماتنقلت بين اكثر من مكتب بالشؤون عشان بس يدلوني ع الجهه المسئؤلة عن الكافتيريات..قالت لي وحده روحي مبنى الادارة العامة !
وطبعا مشوار بين مبنى الادارة العامة وبين الشئون .. وانا مافيني حيل اضرب مشاوير
..فكرت اروح ولا ماروح اروح ولا ماروح..
قلت يلا روحي اشتكي ولا تسكتي عن حقك...
ورحت امشي وامشي وامشي.. لين وصلت للمبنى واول مرة ادخله.. سالت موظفه.. قالت لي روحي للمبنى السادس مكتب ( ادارة المتعهدين )..قلت ياليـل.. فيها مشوار ثالث ..
ورحت للسآدس..ووريتهم البيتزاء الي فيها الجريمة !
طبعا الموظفتين.. بعد ماسمعوا سالفتي.. طالعوا ببعض وقالوا.. وش المفروض نسوي الحين ؟
بعد تفكير لثواني.. طبعوا ورقه..فيها ابلاغ عن مخالفة... وكتبوا اسمي ورقمي الجامعي وتوقيعي ..
وقالت لي خلاص !
سالتها طيب وش راح يصير.. قالت خلاص احنا راح نرفع المخالفه لانو واضح ان القرف ذا من المصنع..
قلت لها كثير بنات يصير معاهم نفس الشيء وللحين ماتغير الوضع... قالت ليه محد يجي يشكتي و يقولنا ؟..احنا وش عرفنا عن المخالفات اذا محد يشتكي..
يعني يابنات من اليوم ورايح تكلمواا ولاماراح يتغير شيء..
.
.
طبعا وبعدها يادوب لحقت الباص..والحمدالله وصلت البيت وانا مكسرة من المشاوير..لكن ان شالله يكون فيه نتيجه للاهمال ذا ..

خلاصة الموضوع :
1) من اليوم ورايح بالجامعه ارفع شعار.. اموت جوع ولا اموت تسمم
2) اذا فيه اي شكوى على الكافتيريات.. روحي للمبنى السآدس.. اخر مكتب.. مكتوب عليه ( ادارة المتعهدين )
3) اجازه سعيده وبدون تسمم..

وان شالله اصحى من النوم وانا مافيني شيء..
فمآن الله..~

[angel heart]

يعني انهم بيسمعونا اذا اشتكينا

والله يروح الصوت ولاسوو شي هع

عظم الله اجرك في البيتزا

وانا اقول ناخد لنا لوزين وبيبسي من البقاله احسن هههههههههههههههه

[فراشه الجامعه]

ههههههههههههههههههههههه الله يحفظكم يابناات

بس انا زيك مااتعب نفسي وبالاخر تكون ورقه

ارمي البيتزا وخلااص ارتاح ولو خسرت فيها

والله احسن تجيبوا اكلكم من البيت على الاقل تضمني انه مافيها شي لانك انتي سويتها

وتوفروا فلووس >>>بخيله

الحمدلله تخرجت بدون مايصير فيني شي هههههه

[الإمبراطورة]

برآفوآ عليكِ..
المفروض مآ نسكت
لآزم نقدّم شكوى على كُل مُخآلفة..,,


وربنآ يستر ع الجميع :)



دُمتم سآلمينْ..

[bint aboha]

السلام عليكم ورحمه الله وبركاته


أنا كنت أجيب أكل من البيت بس بعدين صرت أنسى وأشتري من الكافتريا بيتزا بس

من بعد ماسمعت توووووبه الله يسامحهم


تقبلي مروري

[شكولا]

وععععععععععععع
مره قرف.. وانا كلللل يوم لازم افطر من كفتريات الجامعه وانا وصحباتي

الحمدلله للحين ماصار فينا شي..

بس بالنسبه للشكاوي صح كلامك لازم نشتكي عن اي شي مايعجبنا..

مثلا موقف صار ليا.. أمس اشتكيت ع وحده من المعيدات عند رئيسة القسم..طبعا من بداية السنه واحنا ساكتين عليها ونقول يمكن تتغير..الين امس طفح الكيل ورحت انا وصحباتي ..
في البداية كنا متخوفين من ردة فعلهم..بس بصراحه كانت رئيسة القسم قمة في الاخلاق وشكرتنا وقدمتلنا حلاوه كمااان..
يهني اي شي مايعجبكم اشتكوا من البداية..

[القمر الحلوه]

من جد مرا يعني ترا حتى في العصيرات الطازجه
برضو مرا اخدت كوكتيل ولقيتو مرا الله لايوريكم مرااا مو كوويس حتى كنت ابغى اشتكي بس مين حيسمعني

بس والله انك شطووره وروحتي اشتكيتي عليهم
وبعد كده باأجيب العصير واكلي من بيتي افضل
يلا شكرا يآآمر
بالتووفيق

[كونتيسه]

حلووووووووووووووووووووو انك اشتكيتي يستاهلون


انا السنه الاولى كنت اكل منهم وبعديييييييييييييين خلاص وخصوصا انه بعيد عني

وكمان لاحظت اني سمنت كم كيلو منهم وبطلته

الله يخلي الي تبيع ههههههههه بــ 420

اصلا انا افطر بالبيت ونااااااادر اكل بالجامعه

[توت البنات]

وع وانا كمان الكفتريا الي عند شماليه مو بيت الدونات لا الثانيه
يالله مليانه بالذباب وكمان يجي على الاكل
انا كنت الهبلا اشتري من عندهم وبعدين بس شفت الذباب على كل شي وععععععععععععععع
خلاص ماراح اشتري والله لوزين افضل

[wallo]

من جد يابنااات المفرووووض مانسكت عن اي شي ولا كييف حيعرفو اذا ماشتكيينا ؟؟

يعني لو كل وحده تشووف حااجهـ ترووح تقوولهم كاان من جد حسوو بسووية ضغط ويعلموو حاجهـ..

يعني بصراااحه خووفت وحده شافت صرصااار وكماان شعر !!!

وربي قرررررف الله يصيييبهم ...

بس الحمدالله من بدات الجاامعهـ ما اكلت ابدا منهاا لأنو الريدي ماعندي بريكاات ..