للي يعرف شي عن الأنسحاب يتفضل ؛؛؛

[لون الخجل ؛؛؛]

سلااااام عليكم ورحمة الله وبركاتووو ؛؛؛
كيفكم .. ايش عاملين مع الحر .. اكيييد مبسطييين ؛؛؛
ما ابغى اكثر بس كنت بسأل اذا الواحد مثلا يبغى يسحب ملفو من جامعتنا الحبيبة بعد ما تكرمو عليه بالقبول .. ايش اول شي يعملو ؟؟
لانو الله يسلمكم صحبتي بعد ما انقبلت صارت لهم ظرووف الله لايرويكم .. فأ ضطرت انها تقرر تسحب ملفها وترجع تقدم السنة الجاية في حال تحسنت الظروف ان شاء الله .. رغم انهااا واللهي فرحت كثير بقبولها و ما صدقت عالله بس احد عطاها وجة < خخخخخخخخخخخخخخخخ ؛؛؛
عااااااد .. بعد ما قررت الأنسحاب قعدنا انا وهيا نتسأل كيف كيف < امووت عالفصحى .. المهم تسااالنا كثييير و في النهاية قررنا اننا نتصل على رقم العمادة 6952222 .. بس القهر انهم ما ردو علينا < اشك اذا الموظف مداوم اصلا ؛؛؛
فصرفنا النظر عن هاذا الرقم وقالنا مالنا غير المنتدى العزيز .. وانا احط هاذا الموضوع وكلي امل اني الاقي جواااب شافي ؛؛؛
مالآخر يعني كل اللي نبغى نعرفو ::
1 - ايش اول خطوة تعملها يعني تروح على طول عند العمادة وتقولهم الله يخليك رجعولي ملفي ولا في اجراءات قبلها ؟؟
مع ملاحظة ( حنا من ثول و مو من جدة ) يعني ما نبغى نضرب مشوااار عالفاضي لانو والله بنتعب لحد ما نلاقي سيارة تودينا جدة رغم انها قريبة مننا ؛؛

2 - اذا ما في تعب عليكم ممكن تعطوننا رقم ثاني للعمادة بس يكون الموظف حقو مداوم ...

وووبس يسلمووو و الففف شكر مقدما ً

ملاحظة :: ترا اللي بيرد علينا رد كويس بندعيلو احنا الأثنين بصلاة التراويح بكرة مرااا كل الـ 13 ركعة ههههههههههه

[يلدرم]

اعرف عضو في المنتدى

سالني

قلتله روح عمادة القبول ومن هناك تسحب الملف

بالفعل راح وسحب ملفه

[لون الخجل ؛؛؛]

يسلمووووو يلدرم عالرد < اسمك غريب .. بس لا تفجعني وتقول انو اسمك الحقيقي ؛؛؛
المهم قصدك انو اروح طوالي عالعمادة من غير ولا شي ..؟؟
طيب عندي شوية اسئلة ... مممم يعني اين تقع بالزبط العمادة حقت القبول و التسجيل لانو زي منتا عارف اسم الله الجامعة كبيرة والواحد يتوه فيها .. طيب وكمان في بنايةخاصة للطالبات و لا كلو في بناية وحدة ؟؟؟
اعرف اني زدوتها بس سؤال اخير .. اقدر اسحب ملفي اللحين ولا زم استنى لمن تبدى الدراسة .. يعني عادي اروح لهم في رمضان ولا استنى بعد العيد ؟؟؟
وووبس مع خالص شكري ^_^

[لون الخجل ؛؛؛]

طب لو سمحتووو ممكن ارقام عمادة القبول مهم مرا الله يخليكم

[انا حبيبتي نوركل السعوديه]

تروح عمادة القبول وتسحب ملفاها او توكل احد يأخذ ملفه وهذا هو النظام المتبع بالجامعه وكلام 100%

[ثريا]

روحي الجامعة عمادة القبول والتسجيل بعد العيد عشان هما موجودين اكيد بس مو اول يوم الدراسة خليها بعد يومين

[ام-حمودي]

موفقه يارب

[space]

تروحي عمادة القبول والتسجيل وتاخذي ورقة إنسحاب من الجامعه فيها عدة خانات فيه منها خانه توقع من الشؤون التعليمية في الكلية إلي تدرسي فيها وفيه خانه لو كانت فيه مكتبة في كليتكم وخانه لتوقيع المكتبة المركزية علشان إذا كنتي مستعيرة كتب وما رجعتيها والأهم من هذا كله إنك طالبة جديدة وما درستي أي شي إن شاء الله ما يطلبوا منك كل هذي التواقيع عموماُ الموظفات إلي عندكم في عمادة القبول والتسجيل يدلوكي على كل شي إلى أن تسحبي ملفك وتخلصي وآسف على الإطاله

[Me to you]

القبول صار صعب في الزمن دا ..............يعني فرصة انك انقبلتي رغم الظروف
انا اشوف انك تأجلي ترمين احسن
تحياتي للك بالتوفيق اختي الكريمة