للي حولوا من كلية الى كلية ايش صار معاكم؟؟

[بكرا احلى]

بنات اللي حولوا وانقبلوا احد صار لو مثلي
مرررررة مزنوقة ومتحطمة!!!
حولنا وانقبلنا ولله الحمد والمنة بس يافرحة ماتمت !!!
لما جيت اضيف مواد للصيفي مو راضي يضيفلي بس يطلع لي مواد انا اصلا حاذفتها زي رياضيات وانقلش2 هيه اللي تطلع لي وانا مابغاها ابغى مواد تخصص وربي قهر وتحطيم يطلع لي اني مستجد اقتصاد ولازم تحدد التخصص عن يمين دورت يمين يسار مافي خانة تحديد تخصص ايش التخلف دا او سوي تحديد تخصص من الكلية؟؟ماكفاهم تحويل وحوسة وقلنا بنعوض التأخير بالصيفي بس شي يقهر في جامعتنا الموقرة حتى لو انا مستجد يعني مالي احقية ادرس صيفي حالي زي غيري ولا بس تعقيد وروتين ع الفاضي وربي تفشت خصوصا اني خلاص حطيت الصيفي ببالي
بنات ساعدوني ربي يسعدكم اروح للجامعة ممكن يضيفوا شي ولا مشوار ع الفاضي وكيف الطريقة؟

[بكرا احلى]

وهذا الي يطلع عندي

إذا كان جدولك ناقص (عدد الساعات المسجلة لك اقل من الحد الآقصى المبين أدناه ) فقد يكون لأحد الأسباب التالية:

إذا كنت غير متخصص , فانك تحتاج تحديد التخصص من خلال الرابط الموضح فى الجانب الأيمن من هذه الصفحة.

إذا كنت متخصص إدارة أعمال أو إدارة عامة, ربما تحتاج الى تحديد المسار,وذلك بمراسلة كلية الإقتصاد والإدارة.

راجع خطتك الدراسية للتاكد من المواد المتبقية عليك او راجع كليتك.

يجب الإنتظار على الأقل (24) ساعة بعد تحديد التخصص أو المسار ,لكى يتم تحديث البيانات ,ثم ادخل على الحذف ولإضافة لتسجيل المواد؟



تنبيهات وتعليمات هامة جداً
على جميع الطلبة مراعاة عدد الساعات الحرة والاختيارية وعدم تسجيل أكثر من المعتمد لديهم ويتحمل الطالب المسئولية لتسجيله مقررات خارجة عن الخطة المعتمدة له من الكلية




Enroll Section Units Days Time Reg للتنفيذ
ACTV. RGST. HRS. ========>
0





قائمة المواد المتاحة للطالب قائمة الشعب للمادة المختارة
( المتاحة وغير متعارضة مع الجدول الحالي )
COURSES (UNITS) ELCA 102 ( 3 ) MATH 111


الحد الاقصى لعدد ساعات جدولك هو ساعة

[الياقوت]

وعليكم السلام

أهلا أختي

أنا أبغى أقول لك أيش صار معي بس أتوقع أنه نفس الشي للطالبات

أنا حولت من العلوم للادارة والاقتصاد
وأنا كنت عارف انه ما تنزل مواد الا لما أتخصص لانه فيه واحد أعرفه حول وحصل له نفس الشي

طيب أيش سويت..؟
ركبت السيارة ورحت للكلية صباح الثلاثاء وقدمت طلب تخصص والحمدلله ما جاء المغرب الا وانا متخصص(أحتمال يأخذ 24 ساعة بعد تقديم طلب التخصص عشان تتحدث البيانات في الموقع)

وأنا الان أنتظر تحديث البيانات عشان أقدر أضيف المواد مع أنه طلع لي التخصص وكل شي بس أتوقع لازم أنتظر 24 ساعة عشان أنزل المواد من الحذف والاضافة

طيب أيش تنصحني أســوي..؟

أنصحك بكرة تروحي للكلية وتقدمي طلب تخصص(لا تأجليها للسبت راح يكون زحمة وممكن مزاجهم ما يكون صافي عشان يتساهلو معكي )

وأن شاء الله الخميس تقدري تضيفي المواد

أدعي لي بالتوفيق..

[بكرا احلى]

مشكور اخوي ربي يسعدك ويوفقك ماقصرت
بس إن شاء الله يكونوا زي قسم الاولاد ويمشونا بسرعة

[بكرا احلى]

طيب اخوي معليش بسأل لازم عدد معين من الساعات عشان اقدر اضيف مواد ولا مو شرط ياريييت ترد قبل الصباح !!

[الياقوت]

لا مو لازم عدد معين

الترم الصيفي 9 ساعات للجميع

[بكرا احلى]

لا مو قصدي عدد ساعات الصيفي.. قصدي يكون دارسة كم ساعة عشان اضيف صيفي ولا مو شرط؟؟

[الياقوت]

وعليكم السلام



أهلين لا عـادي كل شي بأجره ^_^



شوفي التخصص ما فيه عدد ساعات لازم تخلصيها



بس لو مثلا تخصصتي أحدى التخصصات الي فيها مسارات مثل



أدارة عامة أو أدارة أعمال فاول شي تتخصصي وبعدين على حسب



النظام ما تقدري تختاري المسار الا بعد ما تخلصي 40 ساعة



بس ترى متساهلين بالشي دا مو مرره مشددين



أما التخصص على طول مو لازم عدد ساعات معين



أنتي كم عدد ساعاتك..؟

(ما أقدر أستخدم الرسائل الخاصة لان مشاركاتي أقل من 100)

[الفتاة الطموحة]

اخوي الياقوت دحين انا كمان محولة من العلوم للاقتصاد وادارة

كيف رحت عملت معادلة ساعات وكدا وطلب تخصص

هل اعمل الاجراءات دي قبل الترم الجاي لانه انا كنت ابغا صيفي بس قلت لازم انه اعرف الساعات اللي حسوبولي هيا عشان اعرف ايش اخد

[بكرا احلى]

مشكور اخوي ماقصرت
انا ساعاتي قليل يمكن 24 عشا اخذت مواد عامة ع اساس احول