طلاب خطـة ب .. فزعتكم

[محب السلام]

السلام عليكم و رحمة الله و بركاته

كل عام و إنتم بخيــر


ندخل في الموضوع ،، طلاب خطة ب
أخوكم طالب في خطة أ .. و بغيت منكم تدلوني ايش ذاكرتم في الدوري الأول
و هل الأشياء إللي ذاكرتوها ساعدتكم في الإختبار و جاكم منهاا
يعني مثلا .. ملخص فلان .. أوراق من فلان و هكذا

و إللي عنده نماذج الإختبارات أو يعرف أحد عنده النماذج يصورها و يحطها هنا .. فضلا لا أمرا



و أي حاقه تحتاجونها في خطة أ .. إحنا في الخدمـــة

انطلقوووووا مع الشكر مقدما

[DOCTOR.]

إيه نعم
نريد معرفة طرق الخطة بتاعتكم
وحنا بين يديكم أي حاجة حاضرين

[Lama Nabil]

بالنسبة ليا

الاحياء : زاكرته اول باول و الحمد لله الاختبار كان سهل عليا لأني ما راكمتو عليا طبعا المزاكرة من السلايدات و ترى ما يتختم مرة وحدة لازم خمسة مرات او على الاقل تلاتة مراات عشان المعلومات بالانجليزي و كتييرة

الكيمياء : كان أصعب شي عليا عشان اكرهوووو ... بس زاكرت من ملخص سيد و كان الاختبار تقريبا نفس أفكار الملخص فالحمد لله حليت فالاختبار

الإحصاء : أحلى مادة بينهم لازم تحضرو جسد و عقل اهم شي هههه و زاكرو من الكتاب اول بعدين زاكرو من ملخص جماااال السعدي مرة كويسسة

و بس و شدو حيلكممم ولا تراكموو الدروس عليكم عشان لا تتعبد ليله الاختبار



دعواتكم

[Lama Nabil]

نسيت اقلكم نماذج الاختبارات للكيمياء و الإحصاء مرة مهمة عشان تعودو يدكم على الحل

[قروشـ]

المشاركة الأصلية كتبت بواسطة lama nabil بالنسبة ليا الاحياء : زاكرته اول باول و الحمد لله الاختبار كان سهل عليا لأني ما راكمتو عليا طبعا المزاكرة من السلايدات و ترى ما يتختم مرة وحدة لازم خمسة مرات او على الاقل تلاتة مراات عشان المعلومات بالانجليزي و كتييرة الكيمياء : كان أصعب شي عليا عشان اكرهوووو ... بس زاكرت من ملخص سيد و كان الاختبار تقريبا نفس أفكار الملخص فالحمد لله حليت فالاختبار الإحصاء : أحلى مادة بينهم لازم تحضرو جسد و عقل اهم شي هههه و زاكرو من الكتاب اول بعدين زاكرو من ملخص جماااال السعدي مرة كويسسة و بس و شدو حيلكممم ولا تراكموو الدروس عليكم عشان لا تتعبد ليله الاختبار دعواتكم

هل يوجد كتاب لمادة الاحياء ؟ ولا الجامعة معتمدة على السلايدات , او السلايدات تعتبر كأنها ملخصات , لان الي يفكر بالطب , يحتاج الكتاب الاصلي لهذه المادة , مستحيل بعدين يرجع لأوراق بيضة *_*

[محب السلام]

حياكم الله


شكرا لكـِ أخت لما
و الله يوفقِكـ

بس ما عندِكـ نماذج لاختباراتِكـ الدوريـة !؟


..


إذا تبغون نماذج إختباراتنا الدوريهـ
أنا عندي فيزياء نموذج b
و رياضيات نموذج a

[Soul Evil]

خلي الترم يخلص على خير وي سير خير : )

[Lama Nabil]

المشاركة الأصلية كتبت بواسطة قروشـ هل يوجد كتاب لمادة الاحياء ؟ ولا الجامعة معتمدة على السلايدات , او السلايدات تعتبر كأنها ملخصات , لان الي يفكر بالطب , يحتاج الكتاب الاصلي لهذه المادة , مستحيل بعدين يرجع لأوراق بيضة *_*

لا مافي .. السلايدات هيا اللي بندرس عليها :) و هيا اللي نذاكر منها


محب السلام : نماذج الأسئلة أنا حملتها من نفس المنتدى دا

[Bashaier.y]

وعليكم السلام والرحمه

بالنسبه ليه :
الأحياء : من السلايدات بس

الإحصاء : من الكتاب + النوتات إلي أكتبها في الكلاس + السكشن " أنا أحس حضووور السكشن مره مهم , لازم تحضرو وماتفوتو ع نفسك وفي الإختبار جاني سؤال منو " السكشن يعني يحلو الأسئله إلي ورا التشابتر .. مهمه الأسئله دي

الكيمياء : من سلايدات ليلي الحربي + التست بانك + اقرأ الكتاب والنوتات إلي أكتبها

* بالنسبه لي الكيمياء أسوء وحده في المذاكره لأن أستازتي سيئه !

فـ نصحيتي

كل ماترجع البيت أقرأ المحاضرات والله راح تفيديك القراءه بشكل كبير
بالزات في الأحياء .

الإحصاء لازم تفهم درس بدرسو لأنو متصل مع بعض إزا مافهمت إلي قبلو ماراح تفهم إلي بعدو

الكيمياء إزا الله حطك في أستاز سيء " زي حالتي " أحضر إكسترا عند أساتزه تانين
* انا كنت أقرأ مرات من ملخصات يوسف زويل مرا جيده ومرتبه
لو مافهمت درس ممكن تقرأ منو

والله يوفقك ويوفقنا جميعا

أي سؤال في خطه ب أنا موجوده ^^

[محب السلام]

شكرا لكــم جميعاا

و ما زلنا بانتظار نماذج أكثر إن أمكن
و محتاجينها هذي الأيام
ما فينا صبر إنتظار إلى نهاية الترم >> آدمي دوووغري ، دمه حاار