ممكن مساعده

[لوكيؤس]

السلام عليكم ورحمة الله وبركاته
ياجماعه انا طالبه طب بشري تالثه والحين رايحه رابعه ان شاء الله السنه الجايه بس محوله من جامعة 6 اكتوبر في مصر االصراحه انا ابغى اعرف كيف النطام في الكليه عندكم وكيف الدكاتره ولو ممكن اسامي الكتب اللى تداكرو منها وتكسبوا في اجر وادعي لكم ان ربي يوفقكم لان انا الصراحه خايفه من السنه الجايه وماني عارفه كيف امشي اموري بعدين فا قلت استعد من الحين ادا امكن وهدا راح يكون بفضلكم اخواني في المنتدى
ومعليش طولت عليكم وكترت اسالتي سامحوني

[المتفائلة]

وعليكم السلام ورحمة الله وبركاته

يااااهلا بدكتورتنا
نورتي

انا مااعرف شي عن القسم
سوى انكم تنزلوا مستشفى في دي السنه

هذا لينك للكلية
ن شاء الله تجدي مايفيدك
http://medicine.kau.edu.sa/Default.a..._ID=140&Lng=AR[/]


وبالتوفيق

[لوكيؤس]

شكرا اختى متفائله دائما انت تردي على اول وحده ما شاء الله عليكي الله يسعدكي ويوفقكي وتكوني دائما منوره المنتدى
انا دخلت الموقع حقهم بس احس معلوماته مو قد كدا بس ان شاء الله احد من رابعه يرد على

[evil girl]

النظام سنة رابع

كله في المستشفى في الصبح سيشنات على حسب الروتيشن الي تاخديه والظهر محاضرات ..

المواد الي عندك :

pharmacology

لها محاضرات ومعامل واختباراتها كتيرووالكتب يا لبين كوت او كاتزون


clinical pathology

4 في 1

اول ترم حتاخدي باثولوجي بيوربمعامله وتختبري فيه

وتاخدي haematology بس تختبري فيه نهاية السنة مع المادتين التانيتين

وعالترم التاني تاخدي

molecular medicine

clinical biochemistry

وفي دي المواد كلها في شيتات بس الهيماتولوجي لها كتاب essential haematology بس اعتقد انه ممكن ينزلوا شيتات

بعدين ايوا فيه medical ethics
تكمله لحق سنة تانيه بس كم اسبوع في الترم الاول وتختبريه نهاية السنة


نجي للمواد الكبيرة الاساسية

كل 9 اسابيع روتيشن تاخدي سيشناته في الصبح

فيه روتيشن :

medicine
الباطنة
اهم شي في دا الروتيشن تتعلمي كيف تاخدي الحاله وتعرفي تسوي فحص لكل سيستم
والكتاب المقترح taelly for clinical (مره مره مره مهم )

book : davidson's or kummar

بس الكل بيذاكر من danish

بعدين عندك ال surgery الجراحة

الكتب المقترحة

براوز للكلينيكال ( مهم )

كرنت او بيللي اند لوف او كوشيري كمرجع

والكل بيذاكر من شيتات العمدة

وبعدين فيه community medicine طب المجتمع

روتيشن فللله شعاره تعرف على بلدك تروحي اماكن مختلفة وتشوفي العجب مع دا القسم وشغلهم مرررررررررررررررره كتير وزحمتهم زحمه

المهم مافي كتاب كله شيتات

وطبعا محاضرات المواد دي ماشية في الظهر وماله علاقة بالروتيشن

محاضرات الكومينيتي والميدسين تستمر لنهاية السنة والسيرجيري اول ترم بس


في كل مادة جيبي بنك الاسئلة حقتها لانه يجي منها كتييييير :)


يارب ما كنت نسيت شي واذا فيه اي سؤال او استفسار انا مستعده ...

[لوكيؤس]

السلام عليكم ورحمة الله وبركاته
شكرا لك اختى على مجهودك بس في كلمه مافهمتها ايش يعني سيشناته
وبعدين اللى يسو الروتيشن بيكون مجموعه كبيره مع الدكتور ولا ايش
اها معليش شي اخير الكتب والشتات احصلها وين معليش تقولي لي مكتبه معينه وايش تنصحيني اشتري الكتب من الحين ولا اشوف لما ابتدي الدراسه
ارجو ان اكون ماتقلت عليكي و شكرا مره تانيه

[لوكيؤس]

المشاركة الأصلية كتبت بواسطة لوكيؤس شكرا اختى متفائله دائما انت تردي على اول وحده ما شاء الله عليكي الله يسعدكي ويوفقكي وتكوني دائما منوره المنتدى انا دخلت الموقع حقهم بس احس معلوماته مو قد كدا بس ان شاء الله احد من رابعه يرد على

ياجماعه انا اسحب كلامي الموقع اكتر من رائع بس انا ماادري اش كان فيني ومادورت زي الناس

[evil girl]

المشاركة الأصلية كتبت بواسطة لوكيؤس السلام عليكم ورحمة الله وبركاته شكرا لك اختى على مجهودك بس في كلمه مافهمتها ايش يعني سيشناته وبعدين اللى يسو الروتيشن بيكون مجموعه كبيره مع الدكتور ولا ايش اها معليش شي اخير الكتب والشتات احصلها وين معليش تقولي لي مكتبه معينه وايش تنصحيني اشتري الكتب من الحين ولا اشوف لما ابتدي الدراسه ارجو ان اكون ماتقلت عليكي و شكرا مره تانيه

وعليكم السلام ورحمة الله وبركاته

عفوا ولا شكر على واجب :)

في كل روتيشن حيكون عندك سيشن session

السيشن يكون كل مره مع دكتور او دكتوره ويكون محدود انتي وقروبك تقريبا 17 بنت حتكونوا مع بعض 3 سنين في كل الروتيشنات وتاخدوا السيشنات
تتقسموا بعد سنة 3
في السيشن تكونوا اخدين حالات وتقدموها وتناقشوها مع الدكتوروتتعلموافي السيشنات كيف تفحصوا المرضى
كل سيشن يختلف عن التاني على حسب طبيعة المادة والدكتور الي يعطيكم ...

في الروتيشن زي ما قلتلك تكون الدفعة مقسمة لجروبات بالكثير 17 بنت وتكملوا مع بعض الين سادس وفي المحاضرات بعد الظهر كل الدفعة مع بعض عادي ..

بالنسبة للكتب عندك مكتبة المريخ وفي جرير بس سعرها اغلى عن المريخ وفي مكتبة الكتاب الطبي والاحسن تشتريها لمن تبدأ الدراسة عشان تقريبا كل سنة بتنزل نسخة جديدة واستني بعد اول اسبوع لانه حيكون اسبوع تعريفي ولمن تروحي المكتبه شوفي كل الكتب المقترحه واختاري الي يريحك بس انا قلت على الي اغلب الناس تذاكر منه ...

بالنسبة للشيتات بعدين تاخدوها كل ما تاخدوا محاضرة يعطوكم هيا الدكاتره وكلها تلاقيها عند مكتبة الاندلس جنب الجامعة عند عم عبده فاهم كل شيء وعنده تلاقي كل بنوك الاسئلة لكل المواد واشتريها على بداية السنة تكون انضمت لها اسئلة السنة الي قبلها ...
وشوفي يمكن دفعتك يقرروا ينزلوا الشيتات في مكان تاني المهم تعرفي فينها والدكتور الي ما يعطيكم روحي خدي شيتاته من مكتبة الاندلس ...


اذا مافهمتي شي اسألي عادي وانا في الخدمة دائما وابدا :)

[لوكيؤس]

شكرا حياتي ماقصرتي والله و الله يوفقك

[Da_JokEr]

التركيز في السنة الرابعة يكون على اكتساب مهارة اخد التاريخ المرضي

وعمل الفحص عالوجه الاكمل

وكتاب tally او ماك لاود مممتاز جدا

اما الفارما pharma فأنصحك انك تذاكريه من كتاب ليبن كوت وبعدين كل ما تقري مرض حاولي تفهم سببه عشان نتعرفي كيف تعالجيه ببساطة

والزميلات ماقصروا معااكي واي شي نحن موجودين بالخدمة

نشووفك تااني