ماث 204 خبر سيء حسبي الله

[RaieQ]

الهذلي أسوأ مدرس درست عنده فحياتي .. كان مرة يغشش طالب في الامتحان وكان جنبي ناديته وقلت يادكتور نحل السؤال بأي قانون " كنت أبغاه يقرب لي " تدرون وش رد قال هذا سؤال غبي ورجع يغشش ذاك الطالب وهو طالع قاعد يقول للمراقبين هذا ولدنا قدام الطلاب كلهم والله ياني حقدت عليه ..

[E.M.A.B]

الحمدلله ناجح ب60 مع إن طموحي كان أكبر في بداية الترم

[Eng:S.T.M]

يعني نبطل ناخذها اذا نبا درجة عالية

[M.M.A]

سلام عليكم

شباب ترى المادة كانت مرررررررررة سهلة وماكنت ازاكرها الا قبل الاختبارات بس والحمدلله جبتa

لكن مع تغير الرياضيات الترم دا صار فيه نسبة رسووووب كبيررة جدا
انا مرة مستغرب 101 كانت اتفه مادة والناس كلهم +a مع الترم يادووب النجاااح فيها

والله ياشباب انا ماالومكم سويتوا الي عليكم لكن الغلط منهم هما لانو انا برضوا كان عندي رياضيات 203 الترم دا وكان مجموع درجاتي الحمدلله كويس قبل الاختبار النهائي لكن لمن شفت الدرجة انصدمت الصرااااااااااااحه ورحتلهم القسم ماحصلت لا دكتوري ولا رئيس القسم ولا السكرتير حتى


لكن انا والله وراهم لمن اخد حقي

[عبادي 0]

الله يعيننا عليهم

[heso]

المشاركة الأصلية كتبت بواسطة عوكل المبي هههههه دي المااده نزلتها عشااانها سهله لكن ما ادري كيف انقلب الحاال وحسيييت انو 202 اسهل منها واخذت فيها اكبر f دا وانا عند منسق الماده الهذلي شكلي الترم الجي بانزلها عند غيرو بس مو عاارف عند مين !!

الله يعينك و الله انا اتدبست قبل ترمين معاه زيك كده ,,

و اخدتها مع زيدان الحمدلله a

[مهنـ(engineer)ـدس]

ياشباب
math204 اكبر مشكلة فيها هوا الهذلي مهما غيرت الدكتور بالنهاية هوا اللي حيصحح ويرصد الدرجات
والاسئلة هوا اللي يحطها ياخي الدكتور ذا مزاجي لابعد درجة انا اخذتها في الصيف عندو واكثر الشعبة راسبين
واخذتها الترم ذا عند زيدان والحمد لله اخذت 60 ونجحت مع اني خارج من الاختبار واثق من حلي و لو رحت
للهذلي اراجع ورقة الاختبار لا اشوف F+
لكن صدقني لو زيدان اللي ماسك شعبتو كان اخذت درجة افضل
مااقول الا حسبي الله عليك ياهذلي

[البرق الاصفر]

يا جماعة الاقيكم تمدحون بزيدان بس المستغرب منه انه اللي اسمعه عنه خلاني لو افكر اخذ ماث ما اخذها عنده مرررررة

مشترط على طلابه انهم يحلون بحله وما يبغى حل مدرس خصوصي وغيير كذا في سؤال في الفاينل علمت صاحبي عليها لانه زيدان ما شرحها بل قال انها محذوفة على كلام الطلاب عنده اللي اعرفهم والحمد لله لما جات كانت بسيطة وقدر يحلها بس تخيلو سؤال تافه يضيع عليك درجته عشان الدكتور مضيع وقالك محذوفة؟؟؟

انا انصح كل اللي اخذو اف وربي يكون في عونهم وعون الجميع انهم يشوفو زنقور لانه الوحيد اللي في الترم دا ما سمعت عنه مشاكل
بالنسبة لي انا كان ودي اخذها عند زيدان وحاولت بجهد اني اخذها عنده بس زي ماقللكم في موضوع سابق في بداية الترم هادا انهم رموني عند الهذلي وسلمنا امرنا لله
وبعد اللي سمعته قلت ربنا رأف بيا وحطني عند الهذلي بدل زيدان والحمد لله نجحنا صحيح الدرجة مو زي البقية الي عندي ولكن ما اقول غير الحمد لله رب العالمين الذي لا يحمد على مكروه سواه وغير كذا الدرجة اللي اخذتها كانت اكثر من اللي متوقعها
فالحمد لله