استفسار بخصوص دراسة قسم المحاسبه

[خووخاا]

السلام عليكم
انا مستوى خامس والحمدالله قبل يومين طلعت التخصصات وتم تخصصي في قسم المحاسبه
زي ما تعرفو نحنا خطه جديده ودراستنا كانت بالانجلش
سمعت من البعض انو قسم المحاسبه يكملو التخصص بالعربي
ومرره شايله هم انو كيف راح اتاقلم لانو المصطلحات حتختلف
ف ياريت تفيدوني صح الدراسه بالعربي ولا هذي بس لخطه قديمه وفي خطه جديده بالانجلش ؟!

وشكررا مقدما ^^

[دحـggم]

وعليكم السلام ورحمة الله وبركاته

اول شي مبروك عليكم و الله يكتب لكم الخير ان شاء الله ..

عانينا من هالشي في البداية ، كنا انجليزي و فجأه رجعنا و كل شي عربي قدامنا

مع الوقت بتتعودون ، بالذات الشغلات حتبدأ تتكرر قدامكم لانكم خلاص اغلب الشغل عندكم مواد محاسبة

< خطة جديدة

موفقين

[TOoOly44]

يعني عربي ولا انجليزي ؟
المواد بالخطة اللي في موقع الجامعة نازلة بـ الانجليزي

[بنت ناس وقلبي ألماس]

^^ مثل ما قال الأخ دحوم بعد ما تتخصصي محاسبة تدرسيها بالعربي (من المستوى السادس إلى التخرج)..

[أمير الهدوء]

سلوك تنظيمي , تحليل كمي , ادارة عمليات , ادارة استراتيجية
بالانجليزي

وباقي المواد كلها بالعربي
وفالك البيرق

[ِمحاسبة]

مع التحية والتقدير،،،

لو يدرسونك بالانجليزي افضل لك على المدى البعيد، صحيح انك ستعانين قليلاً في البداية لكن مع مرور الوقت يصبح الامر سهلاً جداً متى ما وضعتي هدف لك وحددتي طرق تحقيق ذلك الهدف سيكون النجاح حليفك بأذن الله.


وبالتوفيق لك وللجميع،،،

[اوراق ملونة]

وعليكم السلام ورحمة الله وبركاته

انا مستوى سادس وكنت نفسك لكن في سمستر واحد بس ماشاء الله اصبح الوضع عادي في البداية اتلخبط شويه لاكن بعدين ماشاء الله والحمد لله تتعودي على الوضع

الاهم انك استخرتي وربي يكتب لك الخير.. انا كانت لغتي الانجليزيه نوعا ما متوسطه مو عاليه عشان كدا احسن افضلي بالعربي والحمد لله على كل شي .. موفقه يا رب