جرآحة الفكين في مستشفى الملك فيصل التخصصي

[عين آبوي*]

السلام عليكم ورحمة الله وبركاته

اعضاء وعضوات للي سبق لهم وعملو هالعمليه جراحة الفك ابي تجاربكم فيها ومنو الجراح اللي سوا لكم العمليه وشلون كانت النتيجه وشنهي الاثار الجانبيه اللي صارت من بعد العمليه ؟
انا من الدوحه وقررت اسويها في مستشفى الملك فيصل التخصصي في الرياض عند دكتور احمد اليماني اعتقد جي اسمه وناس مدحو لي الدكتور بدر الجندان في الخبر وابي اعرف شنو المطلوب وعادي اسويها في الرياض ولا لا لاني من برا السعوديه ؟

ويعطيكم العافيه ماتقصرون ..~

[عين آبوي*]

وينكم ؟؟
محتاجه تجاربكم ضروري والله :( ...!

[Dr~NanoOok]

وعليكم السلام ورحمة الله

الدمتور احمد يماني من افضل جراحي الوجه والفكين عندنا
وهو يدرسنا في جامعة الملك عبدالعزيز ، كثيرين عملوا جراحات عنده وماشالله عليه

بالنسبة لاجراءات الجراحة ودخول المستشفى التخصصي
ماعندي فكرة عنه وخاصةً انه في الرياض

بالنسبة للتخصصي جدة، ففيه قسمين حكومي وخاص بفلوس
وبالنسبة لغير السعوديين ما اعرف كيف نظامهم فالافضل تسألهم

وقبل اي جراحة لازم تعمل استشارة نع الدكتور ويعملك معاينة وبعدها يقرر ايش تحتاج

وهذا موضوع مشابه بالمنتدى لتجارب واراء الاعضاء إن شاءالله يفيدك
http://www.skaau.com/vb/showthread.php?t=325399

[عين آبوي*]

تسلمين حبيبتي ع الرد ..

بس بعد ابي تجارب اكثر لان تعرفين العمليه مو سهله ..

[Dr~NanoOok]

من خلال دراستي لمادة جراحة الوجه والفكين
ممكن افيدك بالمعلومات اللي عندي

جراحة الوجه والفكين لها أنواع عديدة وتعتمد على السبب وكيفية علاجه
أغلب الحالات تحتاج مرحلة قبل عمل الجراحة وهي عمل تقويم للأسنان لاعداد الاسنان للوضعية المناسبة
ومن ثم عمل الجراحة لاكمال خطة العلاج

هناك جراحات تُقام في الفك الأعلى وفي نفس الرأس والجمجمة
وبعضها في الفك السفلي وكلها تعتمد على الحالة وايش تحتاج

من الاثار الجانبية اللي تحصل بعد الجراحة
انتفاخ طبيعي وتورم للوجه ومنطقة الجراحة تدون لمدة اسبوعين لثلاثة بعد الجراحة

ممكن يحصل تنميل في منطقة الوجه بسبب الجراحة
ومضاعفات اخرى تختلف بحسب الحالة وطريقة اجراء الجراحة

عشان كده الافضل تجعل الدكتور يفحصك ويقرر لك خطة العلاج كاملة
وعلى اساسها يحددلك ايش ممكن من الاثار الجانبية تواجهها

تجارب الاخرين ما حتفيدك كثير
لان كل حالة تختلف عن الاخرى وبحسب الدكتور اللي عملها

[roun,]

و عليكم السلام و رحمه الله .. \

عندكك وحدهه طازهه مالها الا 3 اسابيع مسسويهه العمليهه

نصيحهه سوي العمليه في مدينتك انتي .. عشان المواعيد و لا قدر الله لو صار لك شيء من التهاب او او او بعد العمليه ما تحوجي تسافري

اممممم اول شيء لازم تحطي تقويمم جراحي و ع حسب حالتك تجلسي سنه سنه ونص سنتين لين تكوني جاهزه للعمليية و بعد العملية تكوني مركبة تقويم من 6 شهور لسنه


عالعموم .. انا مسسويتهاا في مستشفى الملك فهد بجده عن دكتور رائد شطا ..

الادمي دا جدا اخلاق جدا متواضع جدا متفهمم جدااا حبيتوو

عموما من الاثار الجانبية قالها لك الدكتور فوق ^^^

تورممممم و تفقدي الاحساس امم ينززلل دم من الانف اشياء بسيطه يعني و شكل الانف يتغير لو فك علوي

انا مو خايفهه الا من الاحساس دا مو راضي يرجعع ..



+ نصيححهههه اشتري كاممم بس تصوري نفسك قبل العمليه و نتي في المستشفى و بعد العملية و كل اسبوع تصوري نفسك و تشوفي النتيجهه


اممممم
شكلي تغير و جداااااا جدااا رسمه الوجه الابتسامه و الانف و حتى الملامح احسها تغيرتت

جلست فتره لين تأقلمت ع شكلي جديد .. بس مبسوطه منها الحمد لله


ولو كنتي تخينه و تبغي تنحفي العملية حتنحفككككككك صدقيننني و تنبسطي ..

عشان كيداااااا كلي كلي كلي اي شيء تبغيهههه كليهه لانكك حتصومممي بعد العمليه بس سوائل يعني رجيممم صح


و يارب تنجحح عمليتكك .. و تفرحي فيهااا


..

[إحساس ناجح]

انا راح اسويها بعد خمسة شهور عند احمد يماني
ماشاء الله تبارك الرحمن رحت لدكتور سوري ولبناني ومصري وسعودي
ورحت مستشفى الملك فيصل التخصصي بجدة والسعودي الألماني
كلهم يقولون دكتور متمكن من جراحة الفكين وهو المعروف في الخليج على مستوى جراحة الفكين

وقابلته شخصيا وكان متواضع وذوق بالتعام معاي وطمني إن الجراحه بسيطة وراح يكون شكلي افضل بكثير بعد الجراحة
انا راح اسويها في مستشفى جامعة الملك عبدالعزيز عند أحمد يماني
واللحين على مراحلي الأخيرة من التقويم مع الدكتورة المشرفة ع حالتي وبعد راح اتحول على الدكتور أحمد يماني
لتحديد موعد العملية
تحياتي

[عين آبوي*]

مشكورين يعطيكم العافيه ع الردود
roun كم ساعه تميتي ف العمليات وانا الشهر الياي بكمل سنتين من التقويم
وانتي تقولين اسويها في مدنيتي صراحه لما سويت سيرج ف النت ماطلع لي ولا جراح ممتاز حق هالحاله في الدوحه بس اللي طلع لي بدر الجندان واحمد يماني وجراحين ف الكويت بس الاقرب لي السعوديه

[إحساس ناجح]

في دكتورة اسمها ميساء السباعي في مستشفى الملك فهد الكل يقول إنها مثل احمد يماني في جراحة الفكين.

إنتي سويها عند يماني وتوكلي على الله

وقدامك العافية

[roun,]

المشاركة الأصلية كتبت بواسطة عين آبوي* مشكورين يعطيكم العافيه ع الردود roun كم ساعه تميتي ف العمليات وانا الشهر الياي بكمل سنتين من التقويم وانتي تقولين اسويها في مدنيتي صراحه لما سويت سيرج ف النت ماطلع لي ولا جراح ممتاز حق هالحاله في الدوحه بس اللي طلع لي بدر الجندان واحمد يماني وجراحين ف الكويت بس الاقرب لي السعوديه

دام كيدا الافضل لك تروحيي لاحمد يماني و الله يسهلكك

جلست الله يسلمك من 8 لين 12 في العمليات و من 12 لين 2 ونص في العنايه
انا بس سويت فك واحد لو فكين اكيد حتطوليي :$

نسيت اقولك انو بعد العملية م راح تقدري تبلعي ريقك فاحسنن لك لمن تسوي العملية
تشتري مناشفف و مناديل المنشفه تحطيهااا برقبتك

امممم و طبعا م راح تقدري تتكلمي فاشتريي سبوره و قلم بعض الاحيان تحتاجي تتكلمي و توضحييي للدكتور لكن م تقدري تتكلمي
الا بلغه الاشاره :)))


انتي سويتي التقويم في السعودية؟
لأن اللي اعرفو لازم دكتور التقويم و دكتور الجراح يجلسو مع بعض و يدرسو حالتك و يتفقوو ع خطه وحده