مسااااافرة خارج السعودية و متورطة مع تقديم الاعتذار !!! + جدول المواد فاضي !

[ري ري مغتربة]

بسم الله الرحمن الرحيم
السلام عليكم ورحمة الله وبركاته

انا طالبة منتسبة لجامعة الملك عبدالعزيز (انتظام).. السنة اللي راحت قدمت تأجيل لترمين .. بسبب سفري لأمريكا مع زوجي ..


و لما رجعت الاجازة الصيفية سجلت مواد ترم صيفي و درستها و نجحت الحمدلله .. و كلمت عمادة القبول و التسجيل بداية الترم الصيفي .. و قلتلهم (الترمين الجاية انا راح اسافر هل اقدر اقدم تأجيل او اعتذار للترمين الجاية) .. اجابوني (طبعا تقدري بس تعالي نهاية الترم ان شاءالله)

و لما جيتهم نهاية الترم .. قالولي (لا تشيلي هم تقدري تنفذي العملية عن طريق الانترنت) .. قلتلهم (أكيد الكلام دا لأني راح اكون مساااافرة .. مو تسفروني و بعدين اتورط هناك) .. ردوا عليا (أكييييد) ..

و الان انا طبعا هنا في امريكا .. دخلت موقع الاوديوس و لما جيت اقدم اعتذار للترم .. يقولي السستم ما اقدر .. لأني (مؤجل ترمين) <<-- طبعا يقصد الترمين اللي اجلتهم السنة اللي فاتت ..!!

فأنا دحين هنا في أمريكا متورطة .. ماني قادرة اقدم اعتذار .. و مو عارفة ايش اسوي بعمري .. و مني عارفة اتواصل مع مين .. على اي رقم ولا اي ايميل ..!! ( ارسلت ايميل على العنوان ارسلت ايميل بمشكلتي لكل من وجدت ايميلاتهم بموقع عمادة القبول و التسجيل و عمادة تقنية المعلومات و الى الان لم يتم الرد بأي شيء )

* و نقطة أخيرة مهمة .. جدولي فاااضي ماسجلت فيه ولا ماااادة .. حذفت كل المواد اللي المفروض اخذها الترم دا .. فيعني ما ادري ايش وضعي و ايش راح يعتبروني .. وانا جدولي فاضي ..!!!!؟؟؟؟

الله يجزاكم الجنة سااااعدوني لانه كل اللي باقيلي ترم او ترمين و اتخرج ان شاءالله .. بس ما اقدر اخذهم دحين لاني مسااااافرة .. =(

رجاء ساعدوني

[سكووت]

هل ذكرتي لهم انك مأجلة سنة (ترمين متواصلين قبل كدا) ؟؟ دي نقطة مهمة جدا

الإعتذار يكون إما ترمين متصلين -سنة- أو ثلاتة أترام منفصله ..اذا تعديتي دا الشي على حسب ما اعرف انو خلاص ما بيدك شي ..

ما اعرف ظروفكـ لكن كان المفروض تكملي دراستك بعدين تروحي امريكا لأنو دا مستقبل وشي مهم, حرام تتعبي نفسك كدا ..

[عيون خالدها]

جيبي اوراق تثبت مرافقتك لزوجك وقدميها وحيقبلونها ان شاء الله ..

[ري ري مغتربة]

المشاركة الأصلية كتبت بواسطة سكووت هل ذكرتي لهم انك مأجلة سنة (ترمين متواصلين قبل كدا) ؟؟ دي نقطة مهمة جدا الإعتذار يكون إما ترمين متصلين -سنة- أو ثلاتة أترام منفصله ..اذا تعديتي دا الشي على حسب ما اعرف انو خلاص ما بيدك شي .. ما اعرف ظروفكـ لكن كان المفروض تكملي دراستك بعدين تروحي امريكا لأنو دا مستقبل وشي مهم, حرام تتعبي نفسك كدا ..

ايوة طبعا قلتلهم اني مأجلة سنة قبل كدا .. لأنو عارفة نظام الاعتذار لازم ترمين ورا بعض او 3 اترام منفصلة .. فعشان كدا سألتهم عشان اتأكد .. و قالولي مو مشكلة ..!!

انا عارفة والله بس خلاص شي صار و مااقدر دحين اسوي شي .. احاول ارسلهم ايميلات بس مافي رد الين دحين..

[ري ري مغتربة]

الله ييسرلكم اموركم .. ساعدوني باجابة .. =(

[Noor Muneer]

ما تقدري تخلي احد موجود في جده يروح الجامعه يسال لك هناك ؟! خواتك صاحباتك اي احد !