ابغى اقدم في كليه رابغ :(

[ثلوج وردية]

زي ماهو باين في العنوان اختي جابت المعدل الموزون ,.80.50وجامعه الملك عبد العزيز ماقبلتها انتظام كيف اقدم على كليه رابغ :) ارجوكم افيدوني في اسرع وفقت

[شهرزاد]

تروح رابغ وتقدم هناك ويعطوها موعد تجي على اساس النسبه

العام حصل كدا مع اختي بس ماراحت ودي السنه ان شاء الله حتسجل هناك بنفس الطريقه

اذا كنتي من جدة كيف حتسوي اذا انقبلت اختك هناك .؟
لانو العام رفضنا القبول لانو مشوار من جدة الى رابغ والسكن هناك مااعرف وضعه

[نبض الابتسامة]

ادخلي قسم القبول حيساعدوك اكثر

عموما خليها تستنى النسب ان شاء الله تنزل

ورابغ مقابلاتها في اخر اسبوع من شعبان فخليها تصبر وتدعي

[رزان 2012]

انا في جده ونسبتي الموزونه80,75 ورشحوني لكلية الاعمال والعلوم والاداب في رابغ وموعدي الاسبوع الجاي اذا حطوني في القسم الي انا ابغاه بروح رابغ واسكن هناك