بخصوص اختبار [ قسم التصميم الداخلي ] ..

[Allo Sait]

.




السلام عليكم و رحمة الله و بركاته

كتبت الموضوع دا عشان بصراحة تعبت وانا ادور على اجابة تفيدني
بخصوص موضوع اختبار قسم التصميم الداخلي



و جلست ادور عن مضمون الاختبار / و طبعاً << اللي يسأل مايتوهش
الموهيم , لقيت بنت خالة صحبتي متخرجة ماشالله من القسم قريب و متوظفه كمانا

و سألتها عن الاسئلة اللي تيجي ف الاختبار و كيف ازاكر للاختبار و سألتها عن طبيعة القسم
و طبيعة المواد فيه ... الحمممدلله جاوبتني على كل شي و وضحتلي الصورة



اول شي : قالت انو الاسئلة أغلبها رسم /

- ح يطلبو مننا نرسم منظور غرفة هما فارشينها قدامنا ..
<< ولازم نتعلم من النت مبادئ رسم المنظور عشان نعرف من فين نبدأ الرسم

- و ح يجيبو أشكال هندسية ثلاثية الابعاد و يحطو الكشاف من جهة معينة
و يطلبونا نرسمها مرتين ( مرره 2d و مررره 3d )
الـ 2d يعني نشوف الاشكال مسطحة - الـ 3d نشوفها مكعبه

- و ح يجيبو اسئلة عامة ( صح و خطأ - و اختياري ) ..



تاني شي : قالت لازم تقري عن الالوان و تأثيرها على نفسية الشخص ..



تالت شي : قالت انو القسم مررا كررف بس مررا ممتع



و كمانا موعد الاختبار نعرفو من موقع الجامعه قالتلي
<< بس أنا برضو ضايعه ف دي النقطة لانهم الين دحين مانزلو ولا شي ف الموقع



دا اللي وصلني و حبيت افيد باقي البنات ..




رجاءً بنات التخصص لو فهمت شي غلط و ضحولنا
و ياريت تكتبولنا تجاربكم و تفيدونا , إزا مافيها تعب عليكم
<< انا عن نفسي حايسة و خايففه مررا يفوتني الاختبار أو ما أنقبل

[rama1995]

شكرا ع المعلومات :)
بس عندي كم سوال ..
المواد الي تدرسوها تكون بالعربي و لا الانجليزي ؟
و صح الخطه الدراسيه هذي الي في الموقع http://homeecon.kau.edu.sa/Pages-ID.aspx
و متى كان الاختبار حق التصميم الداخلي .. في اول اسبوع ؟؟ لاني راح اكون مسافره و راجعه ثالث يوم في الدوام و ما ابغى يضيع عليا الاختبار !

[Allo Sait]

راما ي عسل والله انا زي زيك ..
لسا مادرست ف القسم / بس لما سألت وحده اعرفها
الصراحة مرا استفدت و حبيت أفيد الكل

الاختبار أتحدد / 25 شوال
بس لازم تسجلي قبلها

شوفي منزلين الاعلان ف الموقع حقهم
http://interior-design.kau.edu.sa/co...=AR&cid=231215

[Raneeem]

السلام عليكم ، لو سمحوا في احد يعرف فين مكان التسجيل للاختبار لأنوا منجد تعبت وانا أدور

[ريتاج666]

بنات في اختبار لتخصص دراسات طفولة ولا بس انتو ؟؟؟

[جوليتو]

فين مكان اختبار التخصص تصميم داخلي

[al_embra6ura]

حبايبي مكان التسجيل في الجامعة في الشوون التعليمية لكلية الاقتصاد المنزلي مبنى الزهراء 43 الدور الاول

الله يوفقكم