محتاجه ارائكم ياهل المختبر عن القسم "ضروري"

[الضي السجين]

السلام عليكم ورحمة الله

انا طالبه قسم طب المختبرات بجامعه ام القرى والحمدلله خلصت سنه اولى بمعدل طيب اقدر من خلاله احول قسم طب وجراحه لو ابغى بس انا احس اني ارتحت لقسمي لكن في حوليني ضغوط كثيره تجبرني للطب

فانا بسألكم كم سؤال واتمنى تجاوبوني بكل صراحه وبدون تاخير

1-قسم المختبرات كيف مستقبله المهني بعد 4 سنوات

يعني ممكن يكتفوا وساعتها اجلس بالبيت ولاحق التعب

2- وكيف طبيعة دوامه يعني كيف يكون بالضبط ؟؟

3- وانا حيكون المسمى الوظيفي ليا ان شاء االله اخصائية مختبر .. فإيش وظيفتي بالضبط وايش الفرق بين الاخصائي والفني

4-واخيرا انا افكر بعد ماخلص اكمل ماستر ودكتوره بقسم الاحياء الدقيقة واصير دكتورة جناتك .. بس سمعت الاحياء الدقيقة اكتفوا منه .. صح هالشي ولا لا ؟؟

5- وسمعت انه في جامعة بالرياض اقدر فيها اكمل 3 سنين على طب المختبرات ادرس فيها مواد الطب والجراحة واتخرج طبيبه عامه صح هالكلام ولا لا ؟؟

اتمنى السرعة بالرد .. وعلى كل الاسئلة لانه كل سؤال يهمني

وبصراااااااااااحه انتوا ندمتوا على دخولكم هالتخصص ولا لا وايش نصيحتكم ليا

[mzat kau]

بصراحه انا اختي دايما تقول انو المختبراتت تخصص مررررررة مطلوب ودا اللي اقدر افيدك فيه الله يوفقك ودايما انا اشوف اعلانات المستشفيات يطلبو حقين المختبرات

[Medicalgirl]

هلا ياختي العزيزه
1-اولا مستقبل المهني مرره جيده وان شاء الله تنبسطي فيها وماراح تجلسي باليت بس سوي اللي عليكي في سعيك وان شاء الله تلاقي
2-بالنسبه للدوام زي اي دوام من الصباح الساعه 8 الى العصر 3 او 4 حسب المستشفى ونظامها اما الدوام الليلي مااعف عنها كتير بس اظن حسب المختبر لان بعضها مافيها دوام ليلي
3-نعم حتكوني ان شاء الله اخصائيه مختبرات وذلك لان الفن معاه شهادة دبلوم اللي درس المختبرات كرؤوس اقلام لمدة سنتين اما البكاليريوس غير درسوا التخصص دا بتعمق اكثر بحيث يستطيع تشخيص لمريض مالديه ومالاعلاج المناسب له بالتقنيات الحديثه المتوفره في المستشفيات
4-طبعا لو حبيتي بعد كدا تكملي ماسترز ودكتوراه شي يرجع لك اا عجبك تخصص معين بس انك مثلا تدرسي احياء دقيقه وبعدين تصيري دكتورة جينات شويه صعبه لان المادتين متلفه تماما عن بعضها لهذا اختاري الشي اللي انتي شايفتها مناسبه ليكي
5-سمعت كمان في فرصه انو تكملي طب وتصيري طبيبه او جراحه عام بس الا الان ماسمعت اي اعلان او اي شي جديد لبدء التسجيل لاني انا كمان حابه اكمل طب ان شاء الله تعالى
وان شاء الله اكون افدتك

[mzat kau]

ياااي حماس مشكورة اخت ميدكل والله تحمس دي الكليه وان شا الله يقبلونا فيها
وبخصوص الطب هل ظهر دحين اعلان ولا لسه وكيف اكمل طب صراحه مهي راضيه تدخل مخي خخخ