أشياء مرا قاهرتني فـ الفيصليا ><

[{halah..]

السلام عليكم ورحمة الله وبركاته

انا جدا مقهوره من كم شي في الفيصليه

- يعني مثلا بداية الترم دا ربنا هداهم وقررو يسوو تصليحات فـ الحضانه

يعني باللهي فينكم الاجازه كلها جالسين متكيين محد سوا شي

ولمن بدأت الدراسا قررتو تسووها وتقفلوها الين بعد الحج

يعني بالله فين البنات يحطو اطفالهم ، وماينضمنو الشغالات يشردو بيهم ولا يضربوهم

يعني مافي قدام البنات الا انهم يسحبو ترم لمن يفتحو حضانتهم الجميلا

دا شي

- الشي التاني يعني انا من يوم مادخلت الفيصليه وانا أسال ع اللوكرات

وقالو خلاص تمام السنه الجايه ؛ ولا حياة لمن تنادي

تالت شي

- ياهو ترا موية الحمامات عندنا بيضه مهي شفافه

دي بالله كيف اغسل بيها وانا مني عارفه ايش العله اللي فيها

او حتى كيف اتوضا الوضوء بالماء الطهور اللي بدون طعم وريحه ولا لون

كيف اغسل وجهي او ادخل نقطه فـ فمي ـ وانا عندي ايام اجلس في الجامعه من 9 الين 5

شوفو اهي دي الصور عشين لحد يقول لا مستحيل المويه ملونه وتبالغي

-----

يعني بصراحه مرا شي غريب واحيانا لونها يكون اقوى من كدا

- واخر شي الجداول والشعب

يعني انتي ياجامعتنا الفاضله

نزلتي شعب ونزلتي استاذات معينين لكل شعبه

انا انسانه مهتمه وقبل مايفتح الحذف والاضافه وانا ادور ف الشعب وايش ححط وفين مح يكون فيه تعارض واسال ع الاستاذات فـ البيبي وادور فـ المنتدى وادق على صحباتي

واسوي حفله طويله عريضه وجدولي مو داك الشي بريكات اطول شي في العالم

واول ماتتثبت الجداول تقومو تغيرو الاستاذات

منجد شي يقهر ماينفع كدا ابدا

وشكرا

السلام عليكم

[اسيرالبحر]

المشاركة الأصلية كتبت بواسطة {halah.. السلام عليكم ورحمة الله وبركاته انا جدا مقهوره من كم شي في الفيصليه - يعني مثلا بداية الترم دا ربنا هداهم وقررو يسوو تصليحات فـ الحضانه يعني باللهي فينكم الاجازه كلها جالسين متكيين محد سوا شي ولمن بدأت الدراسا قررتو تسووها وتقفلوها الين بعد الحج يعني بالله فين البنات يحطو اطفالهم ، وماينضمنو الشغالات يشردو بيهم ولا يضربوهم يعني مافي قدام البنات الا انهم يسحبو ترم لمن يفتحو حضانتهم الجميلا دا شي - الشي التاني يعني انا من يوم مادخلت الفيصليه وانا أسال ع اللوكرات وقالو خلاص تمام السنه الجايه ؛ ولا حياة لمن تنادي تالت شي - ياهو ترا موية الحمامات عندنا بيضه مهي شفافه دي بالله كيف اغسل بيها وانا مني عارفه ايش العله اللي فيها او حتى كيف اتوضا الوضوء بالماء الطهور اللي بدون طعم وريحه ولا لون كيف اغسل وجهي او ادخل نقطه فـ فمي ـ وانا عندي ايام اجلس في الجامعه من 9 الين 5 شوفو اهي دي الصور عشين لحد يقول لا مستحيل المويه ملونه وتبالغي ----- يعني بصراحه مرا شي غريب واحيانا لونها يكون اقوى من كدا - واخر شي الجداول والشعب يعني انتي ياجامعتنا الفاضله نزلتي شعب ونزلتي استاذات معينين لكل شعبه انا انسانه مهتمه وقبل مايفتح الحذف والاضافه وانا ادور ف الشعب وايش ححط وفين مح يكون فيه تعارض واسال ع الاستاذات فـ البيبي وادور فـ المنتدى وادق على صحباتي واسوي حفله طويله عريضه وجدولي مو داك الشي بريكات اطول شي في العالم واول ماتتثبت الجداول تقومو تغيرو الاستاذات منجد شي يقهر ماينفع كدا ابدا وشكرا السلام عليكم

طبعا هم لازم يهتموا في الحضانه عشان اطفالكم ولجل ما يطلع احد زيك يقول انتوا ما تهتمو وبعدين الاجازه يعني لها الدرجه انتي تبغي تستمتعي بالاجازة وغيرك لا لالالا مالك حق بالنسبة للشغالات طبعا بيقولن لك انتي لازم تتعاملي معاها كأنها أمك وتبوسي يدها وتحبي على راسسها لجل تعتني شويه بس بالاطفال اما بالنسبة للمويه فهذا كلور زايد على ما اعتقد طبعا قولي الحمد لله وان فيه مويه بدل ما يقطعوه ويقولوا اصلاحات وتضطري تجيبي معاك مويه أما الجدول .......... فهذا اتركه لمن له الحق بالرد

اتوقع هذي هي الردود الي راح تلقيها وان مالقيتي رد ستجدي الصمت المقيت

ولكن حسبي الله ونعم الوكيل

[ريموووووو]

ايشبها المويه كدا :(
ابا اضييف ع كلآمك مبآني علم نفس واجتماع
كل سنه حنفتح و حنفتح و لآشوفنا حاجه
و ماتوقع انو الميزانيه حقت الجامعه ماتسمح مستحيل
لككن كككسسل و محد فايق ومافي مسؤوليه
الله يفرجهاا بس ..

[طالبه محتارة]

لا لا موضوع المويه بصراحة ماينسكت عنه... لللييش لونها كذا وووين المسؤولين...؟؟؟!؟! لازم يلاقو حل وترا حتى لو زي ماقال اسير البحر انه كلور زايد تراه مو زين يكون هالكثر... لازم تشتكون ع موضوع الموية بصراحة شي يقهر... ما اقول الا الله يعينكم

[{halah..]

أسير البحر

لا معليش قدرو يكملو المباني الجديدا وكل شي

بس الحضانا مابدأو فيها الا دحين

طيب ولنفترض مرا اجيب شغالا واحطها فعيوني وكل شي

بس مهما كان ماضمنها وانتا رجال منتا حاسس بمعانات البنات

وسالت في الشؤون خير بدأو دحين وحتى الشؤون مستغربين يقولو والله كتير بنات جو معترضين

ومتضررين يعني جدا شي غلط

والمويا معععععليش صح الحمد لله على النعما بس برضو مح استفيد شي لمن يجيني مرض او شي

انا بضطر ادخل حمامات الجامعا بجلس مرا وقت طويل

وانا استمتع بالاجازا او لا مايحقلهم يقفلوها فدا الوقت ابدا وكتير متضررين

والله يعين بببببس

[{halah..]

المشاركة الأصلية كتبت بواسطة ريموووووو ايشبها المويه كدا :( ابا اضييف ع كلآمك مبآني علم نفس واجتماع كل سنه حنفتح و حنفتح و لآشوفنا حاجه و ماتوقع انو الميزانيه حقت الجامعه ماتسمح مستحيل لككن كككسسل و محد فايق ومافي مسؤوليه الله يفرجهاا بس ..

ياشيخا تعبونا نفسيا

واحنا نفس الشي حنفتحلكم قسم وراثا ولين دحين ماشوفنا شي

انا خلاص الترم الجاي حتخصص ودرجاتي ممتازا ومعدلي عالي

بس القسم مو موجود مافي غير في السليمانيا

يعني حتى الفيصليا فيها بنات دوافير ويبغو دا القسم

على قولتك الله يفرجها بس

[{halah..]

المشاركة الأصلية كتبت بواسطة طالبه محتارة لا لا موضوع المويه بصراحة ماينسكت عنه... لللييش لونها كذا وووين المسؤولين...؟؟؟!؟! لازم يلاقو حل وترا حتى لو زي ماقال اسير البحر انه كلور زايد تراه مو زين يكون هالكثر... لازم تشتكون ع موضوع الموية بصراحة شي يقهر... ما اقول الا الله يعينكم

يب مو كويسا تجيب امراض

حتى لو لو لو انها كلور

نشتكي لمين بالله ومين حيشتكي معايا حروح اهرج لوحدي محد يسمعلي

الشكوى لله

[ترانيم الحزن]

المشاركة الأصلية كتبت بواسطة اسيرالبحر طبعا هم لازم يهتموا في الحضانه عشان اطفالكم ولجل ما يطلع احد زيك يقول انتوا ما تهتمو وبعدين الاجازه يعني لها الدرجه انتي تبغي تستمتعي بالاجازة وغيرك لا لالالا مالك حق بالنسبة للشغالات طبعا بيقولن لك انتي لازم تتعاملي معاها كأنها أمك وتبوسي يدها وتحبي على راسسها لجل تعتني شويه بس بالاطفال اما بالنسبة للمويه فهذا كلور زايد على ما اعتقد طبعا قولي الحمد لله وان فيه مويه بدل ما يقطعوه ويقولوا اصلاحات وتضطري تجيبي معاك مويه أما الجدول .......... فهذا اتركه لمن له الحق بالرد اتوقع هذي هي الردود الي راح تلقيها وان مالقيتي رد ستجدي الصمت المقيت ولكن حسبي الله ونعم الوكيل

معليش اخي الفاضل .. احترم رايك بس مو معقوله حتى المويه!! المويه بهذي الحاله وجودها زي عدمها حتى لو كانت كلور زايد فهاذي مصيبه ..وبعدين الحضانه برايك ليش حاطينها في الجامعه ؟؟؟ موعلشان الطالبات الي عندهم بيبي ؟؟ مو معقول ينتظروا لحد مابدات الدراسه وعارف العمال والمقاولين يقدرون ياخذون اجازة في اي وقت من السنه اما الدراسه ماحد يقدر ياجلها وشغله اخيرة الشغالات فيهم الي فيه الخير وفيهم لا حتى لو حطيتها في عيونك ودلعتها اذا بغت تاذي احد راح تاذي .. رايي واتمنى تتقبلوه

[AL-avocat]

يأخوان اسير الاحزان ينقد الجامعة بطريقة ساخرة شوي :)

ياليت يشوفون حل لكفترية السلامة المليانة ذبان ... وكلها كم مقعد

اخيرا حسبي الله ونعم الوكيل

[ترانيم الحزن]

على فكرة ليش ماتشتكون لمعالي مدير الجامعه فيه منتدى فاتحينه لترسلو مشاكلكم وشكاويكم واقتراحاتكم له وهو يقراها