بنات..اللي اختبروا علوم سياسيه والكتاب عندها حق مشعان تفزع

[$بنت جده$]

السلام عليكم
اللي عندها كتاب مشعان اللي في المرفقات تتوصى فيني جزاكم الله خير

[$بنت جده$]

السلام عليكم

[boshra]

بنت جده شو تبغي بالضبط
انا اختبرت اليوم وحاملتها حاملتها لامحاله ذاكرت من كتاب مشعان والاسئله اغلبها مو منه الله يستر بس

[$بنت جده$]

ياعسل ابغى لو تتذكري الاسئله ايش هيه؟؟
بعدين الاسئله من فين جات؟؟
ثالث حاجه والله المفروض نشتكى عليهم اللي مفرداتهم شيء والاختبار شيء هم كيفهم يرسبوا فينا؟؟
الحمدلله انى ما اختبرت ولا دخلت اختبار

[ALMODAN911]

هذه ملخص للكتاب الجديد ولكن لا يغني عن الكتاب
وكذلك مرفق لكم أسئلة من الكتاب القديم شامل للعلوم السياسية
وبالله التوفيق ودعواتكم لي بالنجاح

[boshra]

الاسئله من الكتاب القديم ومن السلايدات حقت شرحها ف المحاضرات
يعني كتاب مشعان ماله داعي بقووووووووووه حسبي الله عليهم وربي شاكه اني بحمله
الاسئله كانت 45 فقره صح وخطأ و15 مصطلح و40 اختيارات
بس واللله مو مفتكره لاني خرجت متنرفزة ومقهوره ع التعب والمذاكره ف النهايه ولاشي متأكده منو
ف الاختيارات اتذكر كان في عن المنظمات الدوليه (اليونسكو واليونسيف والاوبك) بس ايش السؤال بالضبط اظن انو ايش الي منهم تهتم ف التعليم والثقافه..
وواحد تاني كان ايش الي من ضمن هذه المنظمات غير حكوميه..(جامعة الدول العربيه..وخيارات تانيه)
امممم مصطلحات افتكر جانا الرأي العام..
واممم اشهر كتاب لمكايفللي..
والنظام الذي ساد الدوله بعد الحرب العالميه الثانيه..
والنظريه السياسيه التي اسسها توماس هوبز وروسو ولوك ..

والله ماافتكر اشياء كتيره بس بجد انقهرت ع نفسي
يلا الله يوفقك يارب ويوفقني واعديها لو ب60
دعواتك

[أصـيـل]

^
الله يوفقك احتي بشرى احنا وياك والجميع يارب . .

من جدك إنتي الاختبار مو من كتاب مشعان السبيعي . . ! !

طيب مالو داعي نذاكر كتاب مشعان واحنا اختبارنا يوم الخميس . . لدرجة انو المفردات اللي في موقع الكليه غير . . ! !

إيش الحل طيب . . ؟ صرنا زي المتعلقه لامتزوجه ولا مطلقه . . ! !

[boshra]

والله انو لمن جات ورقة الاختبار حسيت اني كنت العب الايام الي قبلها ماكنت اذاكر
انا حفظت كتاب مشعان عن ظهر قلب والله ارقام الصفحات باقي احفظها
وقلت اني بجيب درجه عاليه بس لك الحمد يارب
الاسئله كانت من الكتاب القديم
والمحاضرات حقتها
وكمان كان فيه سؤال ف الاختيارات متى انشئت اظن هيئة الامم المتحده والخيارات تواريخ
التواريخ ف كتاب مشعان مرررررررررررره كتير حنحفظ ايش ولا ايش
معرف عنكم انتو الاولاد كيف يمكن من كتاب مشعان لان الاخ بندر نزل نموذج اسئله كان من نفس الكتاب
لكن الاستاذه حقتنا انا والله اني شاكه فيها من يومها تقول مافي اختلاف بين الكتابين وذاكرو اي شي مايهم اهم شي تذاكرو شكلها ولاقد فتحت الكتاب حق مشعان
صح افتكرت كان فيه سؤال عن ابن خلدون كان انو قسم قيام الدوله لكم مرحله اظن (كانت خيارات)
وكمان انو الجيل الاول من ابن خلدون كانو يتصفو بالشجاعه والخشونه اظن(صح وخطأ)
وانو يرى انو الدوله كيان متغير (صح وخطأ)

[boshra]

اذا افتكرت اسئله بكتبها لكم ان شاءالله

[FAHAD1980]

المشاركة الأصلية كتبت بواسطة boshra اذا افتكرت اسئله بكتبها لكم ان شاءالله

الله يجزاكي خير اختي وان شاء الله انك تعدين باالاخبتار

وياليت اذا تذكرتي اسئلة جديدة تكتبيها
لأن اختبارنا يوم الخميس