للجميع:ماهو الطب الموازي وهل هو زي الطب العادي

[بقعة ضوء]

أنا حولت من جامعة الملك سعود إلى عبد العزيز وأنا أصلا طب بشري..
وجاني خبر إني ممكن أنقبل طب موازي..
أنانسبتي عاليه في الثانويه العامه والجامعة ماشاء اللله...
قولوا لي أقبل أو لا...
الله يخليكم..

[يلدرم]

الطب الموازي دا بفلوس وطبعا مافي دفعات مستجده فيه لانه تم ايقاف القبول فيه العام الماضي وهو نفس الطب العادي

هو برسوم لكن اعرف ان صدر قرار بتكفل الدولة بالرسوم لمن درسوا فيه

مين قلك انو ممكن تحولي له؟

[evil girl]

زي ما ذكر الاخ يلدرم

الطب الموازي نفس العادي بس انه يدفعوا فلوس ويدرسوا لوحدهم وجداولهم تختلف عننا بالتوقيت

ومن سنتين اتوقف اخر دفعة فيه يمكن سنة 3 حاليا

والسنة دي ضموهم للطب العادي وشالوا الرسوم عنهم

وزي ما انا شايفه انك سنة تانية يعني مافي اساسا دفعة للموازي

....

[المتفائلة]

صحيح لايوجد هناك طب موازي

لكن بما انه معدلك عالي
قدمي طلب تحويل الى جامعه الملك عبد العزيز

وان شاء الله تتحولي للطب البشري

[بقعة ضوء]

شكرا لردودكم....
الله يجزاكم ألف خير..
والله إني دعيت لكم واحد واحد..
الله يعطيكم ألف عافيه..

[Dr.Omar]

اخواني لكن أنا لدي الخبر مؤكد 100% ان جميع من تقدم للتحويل راح يأخذو المعدلات الاعلى طبعا ويحولوهم على الطب الموازي وقبل كل شي يوقع الطالب على تعهد أنه في حالة أن الدولة لم تدفع الرسوم يدفعها الطالب

وهذا الخبر من مصدر موثوق جدا جدا جدا

بس أرجو انكم توضحوا ايش الفرق بين الطب العادي والطب الموازي وفرق الجدول والتوقيت هل راح يكون فيه محاضرات في الليل (الله لايقوله)

تحياتي

[Bright Future]

السلام عليكم

أختي دام انك نسبتك عالية ليش ما قبلوك طب عادي ؟؟


وبالنسبة للموازي هو نفس العادي لكن الفرق انه بفلوس والموازي لهم جدول خاص ..

أخوي دكتور عمر لا ما أعتقد في بالليل .. أنا أشوف طالبات الموازي دوامهم معانا بالصباح لكن محاضراتهم مو مع محاضرات البشري العادي ..


وبالتوفيق

[بقعة ضوء]

طيب الحين الموازي ...
الدكاتره في التعامل يفرقون بين الطلاب اللي في الطب العادي وطلاب الموازي..
ومن ناحية الإمتحانات هل هي موحده بينهم..
أو كل ناس لهم إمتحان..
والشهاده النهائيه((البكالوريوس طب وجراحة))
يكتبون فيها أني كنت أدرس بنظام الموازي..
وهل بالتوظيف يفرق بين المتخرجين..
لأني خايفة أنه يكون فيه فرق بين طلاب الطب العادي والموازي في هذه الأشياء..
أعرف أني طولت عليكم بس مالي غير الله ثم انتم...
وهل فيه دراسه باليل لأنه زي ماتعرفون,من السنه الثانيه راح يكون فيه روحه للمستشفى..
يعني راح يكون الموضع متأزم..
وهل أقدر بعد ترم أو سنه أني أحول للنظام العادي إذا جبت معدل عالي؟؟؟؟

[بقعة ضوء]

على فكره أنا ماتهمني الفلوس..
بس اللي يهمني أنه أصير زيي زي الطالب العدي في الطب..
وقالوا لي أنه مافي فرصه لي أني أقدم على طلب إبتعاث حتى وأن جبت معدل عال..
وهل يفرق بعدين في التخصص والبورد السعودي إذا كنت طالب طب موازي..
وللجميع:ماهي سيئات وحسنات هذا النظام..
ولكم مني خالص الدعوات..

[evil girl]

طيب الحين الموازي ... الدكاتره في التعامل يفرقون بين الطلاب اللي في الطب العادي وطلاب الموازي..

اصلا مو شرط نفس الدكاترة الي يدرسونا بالنسبة لزمان بس على رابع حطونا كلنا مع بعض في قاعة وحده وجدول واحد ودحين اتلغى وانا متأكده ..

ومن ناحية الإمتحانات هل هي موحده بينهم.. أو كل ناس لهم إمتحان..

امتحان موحد

والشهاده النهائيه((البكالوريوس طب وجراحة)) يكتبون فيها أني كنت أدرس بنظام الموازي..

ما اتوقع

وهل بالتوظيف يفرق بين المتخرجين.. لأني خايفة أنه يكون فيه فرق بين طلاب الطب العادي والموازي في هذه الأشياء..

ما تفرق عادي ..

وهل فيه دراسه باليل لأنه زي ماتعرفون,من السنه الثانيه راح يكون فيه روحه للمستشفى..

مافي في الليل اخرهم 6 زمان وزي ما قلتلك بعد ما ضمونا السنة الي فاتت صرنا واحد بس اللهم انهم يدفعوا ودحين خلاص رفعوا عنهم الرسوم

وهل أقدر بعد ترم أو سنه أني أحول للنظام العادي إذا جبت معدل عالي؟؟؟؟

كل سنة كانوا يحولوا الي جايبين ممتاز ال3 الاوائل بس



والكلام ماراح يفيد عن الموازي

لانه اتلغى وكل الي فيه صاروا عادي

صدقيني انا متأكدة من كلامي

لو حولتي حتكوني عادي زيك زي الباقي طب عادي اصلا ما ينفع تحويل على موازي ...