[ محاسبة متوسطة ] شرح مفصل لحل مسأله شامله بشابتر 7

[دحـggم]

السلام عليكم ورحمة الله وبركاته

اخباركم ؟ كيف النفسيات ؟! =p

هذا حل للسؤال الثاني بشبتر 7 صـ352 ، هدفنا شرح طريقة الحل .. < اخترته هو لانه شامل لمسألة المخزون السلعي =)

بس قبل لا نبدأ بحله .. في جزئيه بسيطه جات بالاختبار على شكل اختياري ، وكثير غلطوا فيها

اللـي هي ذي :



البعض في الاختبار اكتفوا بجمع المشتريات ومصاريف النقل مع المخزون السلعي والناتج كان موجود بالاختيارات .. هو لأ .. دام المردودات والخصم موجودين بالمعطيات فَ لا بد من وضعها معهم ( طرحها )

معلينا .. نبدأ بسم الله =)



هذا السؤال موجود قدامنا ..
أول خطوه نسويها نجيب مخزون آخر المده < عشان نوجد ( المتوسط المرجح و الوارد اولاً صادر اولاً و الوارد أخيراً صادر اولاً [ حسب الجرد الدوري ] ) ..

موجود باللون الاخضر ..

-------



نوجد المتوسط المرجح :
اول خطوه : نطلع متوسط التكلفه = مجموع الإجمالي على مجموع عدد وحدات المشتريات
اللي هو 5312 ÷ 580 = 9.16

بعد كذا خلاص نوجد تكلمة المخزون وتكلفة المبيعات
تكلفة المخزون = مخزون آخر المده مضروب في متوسط التكلفه
اللي هو 120 × 9.16 = 1099.2 < هذي تكلفة المخزون

بعد كذا تكلفة المبيعات أو زي ماهو مسميها بالكتاب تكلفة البضاعه المباعه
= مجموع الاجمالي - تكلفة المخزون اللي طلعناها
= 5312 - 1099.2 = 4212.8 < هذي تكلفة المخزون

^ الخطوتين الأخيره هي المطلوبه بكل فقره من الفقرات

-------



طريقة ايجاد المتوسط المتحرك :
هذا الجدول موجود بكل طرق الجرد المستمر < في الاختبار يجي جاهز ، عليك بس تحط التواريخ و الارقام صح !
قبل لا نبدأ : ك : كميّه ( عدد وحدات ) .. س = سعر .. ق = قيمه ( ك × س )
طبعاً هنا تبدأ بالعمليات ( المشتريات والمبيعات ) حسب التواريخ ..
1 \ 1 ، حطينا مخزون اول المده بالرصيد
6 \ 1 ، حطينا المشتريات ، الكميه اللي هي الوحدات 360 .. وسعر الوحده 9 ريال .. والقيمه اللي هي مضروب العددين ببعض هي 3240 .. وحطيناها زي بالرصيد ( جمعنا الكميه مع بعض والقيمه مع بعض وقسمنا الـ ق على الـ ك وطلع لنا الـ س )
يعني : جمعنا الـ 40 و الـ 360 وكان الناتج 400 .. بعد كذا جمعنا الـ 320 و 3240 وكان الناتج 3560 .. وأخيراً قسمنا الـ 3560 على 400 وطلع لنا السعر اللي بالنص اللي هو 8.9
12 \ 1 ، مبيعات هنا الشغله عكس اللي فوق تماماً .. هنا هو معطيك الكميه فقط ! .. لا سعر مبيعات ولا قيمه .. س ناخذها من آخر عمليه كانت في الرصيد .. اللي هي 8.9 .. وعشان نطلع ق نضرب ك في س ( 140 × 8.9 ) وتطلع لنا قيمة ق
ولمّا نجي نسجهل بالرصيد تكون عكس المشتريات .. المشتريات نجمع مع الرصيد .. المبيعات نطرحها من الرصيد
طبعاً س اللي هي 8.9 ما تتغير .. الكلام في الطرفين ك و ق =)
وهكذا مع الباقي < احس اني طوّلت وجبت العيد

---------



ندخل بعد كذا بالوارد اولاً صادر أولاً :
أ ) حسب الجرد الدوري ..
انا حطيت السؤال هنا للشرح عليه بس .. ولّا تقدرون تحلون بدون اعادة كتابته ..
يهمنا هنا نعرف مخزون آخر الفتره < اللي طلّعناه بالاخضر في بداية السؤال

العدد عندنا كان 120 .. اذا لازم ناخذ من عدد الوحدات 120 وحده .. بالصادر اولاً وارد اولاً ناخذ من آخر تاريخ تم في الشراء ( المشتريات ) .. آخر تاريخ اللي هو 27 \1 كانت الوحدات عندي = 60 .. اقل من 120 واحنا نبغى 120
نروح للتاريخ اللي قبله على طول .. عند رقم 2 بالاخضر اخذنا 60 من الـ 120 على اساس يصير المجموع عندنا 120 < 60 عدد الوحدات بتاريخ 27 \1 و 60 من الـ 120 بتاريخ 19 \ 1 وضربنا كل عدد وحدات بتكلفته

بكذا جبنا تكلفة المخزون اللي هي ( 60 × 10 ) + ( 60 × 9.6 ) = 1176
و تكلفة المبيعات = مجموع الاجمالي - تكلفة المخزون ، أي = 5312 - 1176 = 4136

------------



نجي للكلام الكبير ، ب ) حسب الجرد المستمر :
* هنا تختلف الطريقه عن المتوسط المتحرك ( انتبهوا لا تلخبطون ) !!!

سوينا الجدول زي ماهو موّضح بالصوره ،،
1 \ 1 ، حطينا مخزون اول الفتره زي ماهو
6 \ 1 ، المشتريات وما ادراكم ما المشتريات .. سجلناها في البدايه زي ماهي .. وفي الرصيد سوينا نفس الشي اول .. جمعنا الكميه و القيمه .. بس السعر ( س ) هذي المره تختلف طريقته
ناخذ اول شي ك × س حقت اللي قبله ( اللي هي المخزون ) + ك × س ( حقت المشتريات )
تصير ( 40 × 8 ) + ( 360 × 9 ) ...
12 \ 1 ، مبيعات < هذي اصعب من المشتريات .. ما عندنا الا الكميه المعطاه اللي هي 140 ، أخذنا ( 40 × 8 ) اللي في س بالرصيد .. ما كملت لسى .. لازم نساويها بالـ 140
فَ ناخذ 100 من الـ ( 360 × 9 ) .. على اساس يكون المجموع 140 < مساوي لـ ك بالمبيعات
بعد كذا نطلع ق بالمبيعات ( 40 × 8 ) + ( 100 × 9 ) = 1220
ننقلها للرصيد بعملية طرح زي ما قلنا .. 400 - 140 = 260 .. و( س ) راحت الـ ( 40 × 8 ) و راحت 100 من الـ ( 360 × 9 ) .. يعني يبقى بالنص 260 × 9 وناتجهم هو ( ق ) = 2340
أو ممكن من لبدايه دامك طلّعت 1220 تطرحها من ( ق ) بالرصيد اللي هي 3560 وحيطلع الناتج نفسه 2340 =)
وهكذا باقي الحل
^ أدري ضيّعتكم بس حاولوا تكتبونها بيدكم وبتفهمون ان شاء الله ^^'

------------



الوارد أخيراً صادر أولاً :
أ ) حسب الجرد الدوري : .. نفس الطريقه السابقه
بس بدل ما تاخذ الارقام من تحت .. خذها من فوق من البدايه =)

----------------



ب ) حسب الجرد المستمر :
برضوا نفس طريقة المستمر فوق بس في المبيعات لما تجي بتاخذ الارقام من ( س ) في الرصيد تاخذها من تحت اول بعدين فوق ..
12 \ 1 ، في مبيعات .. الكميه 140 .. اذاً ناخذ من الرقم اللي تحت اول اللي هو 360 × 9 .. واذا ما كفّا نقوم ناخذ من اللي فوق .. عكس الوارد اولاً صادر أولاً
أخذنا 140 من الـ 360 وحطيناها في ( س ) في المبيعات .. صارت ( 140 × 9 )
وهكذا =)

أحس اني جبت العيد بالكلام الكثير
هو لو انه مباشر الشرح كان اسهل من كذا بكثير
هذا والصلاة والسلام على رسول الله
ان أصبت فمن الله ، وان اخطأت فمني ومن الشيطان
المقابـل دعوه لي ولوالديني بظهر الغيب

[nsetk]

ماشاء الله

كفيت ووفيت
عديت عليه على السريع وماقصرت والله

الله يسهلك ويوفقك

جزاك خير ربي

[Dandona]

جزاك الله خير دحووم
الله يسعدك و يوفقك يارب
و يخليلك والدينك و يطول بعمرهم

[د.س]

بارك الله فيك اخوي دحوم

جزاك الله خير

[د.س]

الاختبار كيف حتكون الاسئلة

[Basmah.t.b]

مشكور دحووم الله يعطيك العافية يارب ، الله يخليلك والدينك وتكسب برهم يارب :)

[Adel Al-Amoudi]

صح عليك دحوم , يعطيك الصحة =)

[نـــجـــد]

الله يعطيك العافية ي دحوم ويوفقك وييسر لك كل أمورك ويجزاك عنا خير الجزاء ويحفظك لوالديك ويطول باأعمارهم ياااااااااارب .... أنا من أول أبغى أشكرك ولكن لم تتاح لي الفرصة بسبب إنشغالي الفترة الماضية .... في التحليل و الله العظيم ماا فهمت الـ dual price إلا منك و دعيت لك و الله في الإختبار .... شكراا لك من القلب ...

[samya]

يعجز اللسان عن الشكر صراحة.. بس لك دعوات بظهر الغيب انت ووالديك
جزاك الله خير

[دحـggم]

^ وياكم جميعاً يارب

هدفنا بالأول والأخير الفائده =)

موفقيـن