لكل لي مقررين يقدموا علي المرحله السادسه للأبتعاث اتجهزتوا

[&تــــ وتي فـــــروتـي&]

بسم الله الرحمن الرحيم

اخواني وخواتي الي مقررين يقدموا ماجستير

بالمرحله السادسه ممكن نتكلم ونتناقش عن

الاوراق الي جهزتوها وكيف جهزتوها وعن اي

مشكله واجهتكم بالنسبه للمسندات لأنه مثل

ماتعرفوا بين التقديم والمطابقه في وقت لكن مو

كافي و من الأفضل تجهيز الاوراق بدري حتي لا يعرقل شيء مساعيكم يوم المطابقه كما حدث لناس كثير بالمرحله الخامسه وبسبب ورقه او جواز مرافق غير مجدد رفض طلبهم وتأجل تقديمهم لهذه المرحله مره اخري
لكي يكون الموضوع اوضح وبه مصداقيه بحط لكم الوثاق الي طلبت من المبتعثين في المرحله الخامسه الي قرأت عنها في احد المنتدياتلأنها بتكون قريبه او مثلها

اولا/ صوره واضحه من بطاقه الهويه الوطنيه او دفتر العاءله

فحاولو من بدري الي ماعنده هويه يطلع قبل مايتزحم ويروح الوقت والي عنده يصورها تصوير واضح ويخلي كم نسخه احتياط معاه

ثانيا / صوره واضحه من الجواز وصوره جواز المرافقين مع مدة سريان لمدة سنه

اما هذه فعرف وحده من زميلاتي رفضت اوراقها يوم المطابقه لانه جواز مرافقها كان منتهي وماانتبهوا
حاولو تشوفو جوازكم اذا يخلص قبل لسنه الافضل يتجدد من بدري وجواز المرافق اتأكدو منه وبرضو الصور احرصو تكون واضحه وكم نسخه للاحتياط

ثالثا/ صوره من لشهاده العلميه مصدقه وواضحه وتكون بأحدي الطريقتين اما نسخه بلعربي ونسخه مترجمه للأنجليزي أو نسخه فيه بالعربي ونصها بالانجليزي ( هذه مثل وثايق جامعتنا)

طبعا بالنسبه لي معايا وثيقه وماتحتاج ترجمه لكن غير مصدقه فمن المفترض اروح للجامعه بهاالفتره واصدق كم نسخه واضحه واجهزها
فحرصوا تروحوا قبل يبدأ التسجيل للطلاب لجدد وتبدأ الزحمه بس السؤال الي يطرح نفسه هل عماده القبول والتسجيل يشتغلوا بها الفتره ولا لا الي متأكد يعطينا خبر واذا رحت بعطيكم خبر

رابعا / صوره واضحه ومصدقه من السجل الأكاديمي باللغه الانجليزيه

هذا برضو السجل الخاص بجامعتنا لاحضت انه مترجم جاهز بس يحتاج يصدق من العماده والي عنده فكره يخبرنا

خامسا / ثلاث توصيات باللغه الانجليزيه واضحه ومصدقه لأعضاء هيءه تدريس درسوا الطالب

اما المشكله عندي بهذه معايا توصيات بس للأسف بالعربي واجازه اغلب الدكتورات يكونوا بها الوقت بس بحاول الاقي حل اول شي بروح للجامعه واشوف مين موجود من الدكتورت الي درسوني اذا مالقيت بحاول اتواصل معاهم علي ايميلاتهم

سادسا / في مستندين مهمين لكن بوقتهم بعد التقديم والي هما استماره الترشيح والثاني خطاب للجامعه الي حتدرس فيها وكلها تطبع وتعبأ عن طريق موقع الوزاره ولها شروط ماتعبأ بخط اليد ولها اشياء خاصه تعرفوها بوقتها

سابعا / صوره من قرار ولي امر الطالبه يعبأ عن طريق موقع الوزاره
وهذه برضو اتوقع بوقتها مو اللحين

بس في ملاحضات مهمه قرأت عنها والي هي :
1ـ عدم تدبيس الاوراق في بعض
2ـ التأكد من وضوح صور الأوراق
3ـ ترتيب الاوراق بيكون حسب الترتيب الي هما يطلبوه .

يلا ياحلويين هذا كل الي عندي هاتو لي عندكم كيف جهزتو اوراقكم ولا لسا
في اي من المستندات المطلوبه عندكم فيه مشكله خلينا نشارك بعض ونتعاون لأني احس موضوع المستندات مهم تجهيزها من بدري

مع تمنياتي للجميع بالتوفيق وتحقيق احلامهم وطموحاتهم

ارجو التفاااااااااااااعل يا مبتعثي المرحله السادسه

[دمعة يتيم]

عندي كم استفسار لو سمحتم



انا على وشك تخرج من جامعة الملك عبد العزيز إنتساب


س/ هل يقبل الإنتساب في الإبتعاث لإكمال الدراسات العليا ؟

س / عند قبول الزوجه لدراسة الإنتساب هل يستطيع المرافق أو المحرم أو الزوج إكمال دراسته العليا ( ماجستير ) مع زوجته وهل يشترط لإكمال الدراسات العليا ( ماجستير ) أن يكون معدله جيد . واذا كان تقدير " مقبول" هل يستطيع المحرم إكمال الدراسة أو يكتفى بوجوده فقط ؟


الأسئلة هذي بحثت عن أجوبتها بكل المواقع ولم أجدها لو تساعدوني وتعطوني أجوبه

[قانونيه جامده اوى]

والله انا ماعندي بطاقه احوال خاصه فيا قولك لازم اطلع بطاقه احوال خاصه ولا تمشيي كرت العائله
واما بخصوص التوصيات هل يطلبوها دحين ولا على بدايه الترم يعني مايمدينا عالبال يجو الدكاتره بعد الاجازه ولا حيطلبوها في الاجازه التدقيق

[&تــــ وتي فـــــروتـي&]

المشاركة الأصلية كتبت بواسطة دمعة يتيم عندي كم استفسار لو سمحتم انا على وشك تخرج من جامعة الملك عبد العزيز إنتساب بالتوفيق يارب س/ هل يقبل الإنتساب في الإبتعاث لإكمال الدراسات العليا ؟ يقبل طبعا الانتساب في الابتعاث لو مايقبل كان تلاقي من شروط القبول الأساسيه ان يكون المتقدم كان يدرس انتضام س / عند قبول الزوجه لدراسة الإنتساب هل يستطيع المرافق أو المحرم أو الزوج إكمال دراسته العليا ( ماجستير ) مع زوجته وهل يشترط لإكمال الدراسات العليا ( ماجستير ) أن يكون معدله جيد . واذا كان تقدير " مقبول" هل يستطيع المحرم إكمال الدراسة أو يكتفى بوجوده فقط ؟ اتوقع قصدك اذا قبلت الزوجه في البعثه وراح معاها المرافق اكيد يقدر وبيكون اسهل يكمل دراسته مااتوقع بيدققوا علي التقدير اذا اصبحت هناك والله اعلم الأسئلة هذي بحثت عن أجوبتها بكل المواقع ولم أجدها لو تساعدوني وتعطوني أجوبه

بأذن الله الي عنده خبره بيفيدك وشكرا لتفاعلك

[&تــــ وتي فـــــروتـي&]

المشاركة الأصلية كتبت بواسطة قانونيه جامده اوى والله انا ماعندي بطاقه احوال خاصه فيا قولك لازم اطلع بطاقه احوال خاصه ولا تمشيي كرت العائله واما بخصوص التوصيات هل يطلبوها دحين ولا على بدايه الترم يعني مايمدينا عالبال يجو الدكاتره بعد الاجازه ولا حيطلبوها في الاجازه التدقيق

طيب اذا تقدري روحي بهاليومين سويها وتكون جاهزه بوقت المطابقه بس المرحله الخامسه كانوا يمشوا بكرت العايله الله اعلم هلسنه كيف شروطهم تعرفي كل مره يغيروا بالشروط فالأفضل تروحي تسوي وترتاحي
اما التوصيات والله قرأت في احد المنتديات انها ريطلبوها اضعف الأيمان تكون عربي وبعدين تجيبيلهم بالأنجلش بدايه الترم بس مااقدر أأكد هالشي جربي ورحي شوفي الدكتورات الي موجودين يدرسو صيفي يعطوكي انا بسوي كذا واشوف

[عَـــهـــد]

انا مشكلتي فدا الرابط
:(

http://www.skaau.com/vb/showthread.p...09#post2466109

[همسات حق]

توتي .. تسلميين ع موووضوعك ..//~

آنا توني متخرجة بس بااقي مااعطووني.. وثيقة التخرج ..//~

سؤآآلي..؟؟

كم الفترة مابين التسجيل والمطابقه للمستندات ؟؟

اررجووكم ردو علي .. لأني من جد مهموومه من ذا الساالفه )=

بإأآإنتظآأإآر الردودو ..//~

دمتم ف حفظ الرحمن ..//~

[&تــــ وتي فـــــروتـي&]

المشاركة الأصلية كتبت بواسطة همسات حق توتي .. تسلميين ع موووضوعك ..//~ آنا توني متخرجة بس بااقي مااعطووني.. وثيقة التخرج ..//~ سؤآآلي..؟؟ كم الفترة مابين التسجيل والمطابقه للمستندات ؟؟ اررجووكم ردو علي .. لأني من جد مهموومه من ذا الساالفه )= بإأآإنتظآأإآر الردودو ..//~ دمتم ف حفظ الرحمن ..//~

اهلا اختي مبروك التخرج وربي يكتب لك ويكتب لي البعثه

التسجيل يبدأ يوم 12 وينتهي تقريبا 25 اخر الشهر تكوني تقريبا اخذتي الوثيقه اذا تعرفي معدلك خلاص قدمي واذا اخذتيها قبل انتهاء الفتره عدلي لو احتجتي تعدلي او اذا خايفه تتأخر روحي خذي افاده وهيا بتكفيكي حتي بوقت المطابقه
اما وقت المطابقه فقرأت انه بيدأ يوم 4 الي يوم 14 رمضان في الرياض اولا وبعده جده وهذا الخبر الي اعلنته الوزاره

6 مدن رئيسية لاستلام وثائق المتقدمين للمرحلة السادسه من برنامج الابتعاث الخارجي


الجزيرة - الرياض

تيسيرا على الطلاب المبتعثين ضمن المرحلة السادسة من برنامج خادم الحرمين الشريفين الملك عبدالله بن عبدالعزيز للابتعاث الخارجي، قررت وزارة التعليم العالي تحديد ست مناطق رئيسية لاستقبال المبتعثين والمبتعثات واستلام صور الوثائق وتدقيق المعلومات للمتقدمين لمرحلة البكالوريوس، والزمالة الطبية، والماجستير، والدكتوراه، وذلك خلال الفترة
4-14-9-1431هـ.

وذكر وكيل الوزارة لشؤون للابتعاث الدكتور عبدالله بن عبدالعزيز الموسى أن المناطق الستة التي تم تحديدها سابقا تتمثل في مدينة «الرياض، جدة، المدينة المنورة، أبها، الخبر، والقصيم» على أن تكون مدينة الرياض أولى المناطق لبدء التدقيق، وذلك يوم السبت 4-9-1431هـ بفندق «مداريم كراون». وأضاف الدكتور الموسى أن لجان التدقيق ستبدأ في كل من مدينة جدة بفندق «المريديان»، ومنطقة القصيم بفندق «موفينبيك» يوم الأحد 5-9-1431هـ، بينما تنطلق لجان التدقيق في منطقة المدينة المنورة، ومدينة الخبر بفندق «المريديان» يوم الاثنين 6-9-1431هـ. وفيما يخص مدينة أبها أوضح وكيل الوزارة أنه سينطلق عمل اللجان يوم السبت 11-9-1431هـ بفندق «قصر أبها»، مبينا أنه على جميع المتقدمين من الطلاب والطالبات التأكد من دقة البيانات الخاصة بالشهادات والمعلومات المسجلة، بالإضافة إلى وسائل الاتصال المطلوبة في الاستمارة من رقم الهاتف الخلوي والإيميل، لسرعة وسهولة التواصل بين العاملين في البرنامج والمبتعث.
الرابط ::

http://www.al-jazirah.com.sa/20100718/ln7d.htm

[طماحة]

ينفع ارسل اوراقي على الايميل

[&تــــ وتي فـــــروتـي&]

المشاركة الأصلية كتبت بواسطة طماحة ينفع ارسل اوراقي على الايميل

تقصدي يوم المطابقه الي اعرفه انه ماينفع ترسليها على الايميل ممكن ترسليها مع احد من اقاربك اذا كنتي ماتقدري او غير موجوده