ياليت احد يفيدني مره محتاره بوضيفه ببنك مقابل مبلغ من المال يعتبر رشوه ولا لا

[عجيبة]

مرحبا ياليت احد يفيدني بهالموضوع مره محتاره باني اتوضف ببنك مقابل دفع مبلغ مادي لشخص لاكنه مو موضف بنفس البنك ومحتاجه هالوضيفه وخايفه انها تكون من باب الرشوه على ان الرجال قالي انا مو شغال بالبنك انا معقب لو احد عنده جواب يفيدني محتاره بقوه

[عزة نفسي_تكفيني]

حبيبتي ياريت تنتبهي

ترى الناس اللي بيطلبوا فلوس للتوظيف كثروا وللأسف نصاابين

كثيييييير بنات اتنصب عليهم يدفعوا فلوس ولا تجيهم وظيفه ولا شي

وكلهم نفس اللي قاله لكـ وظيفه ببنكـ

اكتبي بقوقل واقري بناات كثيير اتنصب عليهم

غير كذا ايوهـ تعتبر رشوهـ فيفضل تبعدي عنهاااا

واتوكلي على الله والله بيزقكـ بالوظيفه في القريب ان شاءالله

موفقه

[شاطئ الاحزان]

نصيحتي لك اتصلي على الاستعلامات 905 وخذي رقم دار الافتاء وكلميهم
ولاتنسي ان من ترك شيئ لله بدلة الله خيرا منة
والله يوفقك

[lafander]

حبيبتي ... انصحك تبتعدي عن الامور اللي فيها شبهات مثل هذة الوظيفة
وماعليك غير ركعتين في ظلام الليل وادعي من قلبك ربي حيفرجها عليك
بس انت توكلي على الله وهو رازقك

[نـُونْ]

الله يغنيك بوظيفة من واسع فضله
ابتعدي عنها

[غيمة شتاء]

انا مع كلام الاخوات اللي قبلي

والله يرزقك من فضلة..

[~dreamy~]

الله يوفقك
ويغنيك بحلاله عن حرامه

[عجيبة]

معليش يابنات كلامكم كله حلو والموضوع فيه شبهه كثير بس وش اسوي انحديت لاني ادفع فلوس لانه على كلامها كل او اغلب وضايف البنوك واسطات وقويه بعد واعتقد ماني ماخذه حق احد كم مره اقدم على بنك ولا فيه امل وحتى انا ماودي ادخل بامر زي كذا بس بماني ماقدر اخذ هالوضيفه الا بهالطريقه وعلى ان شهاداتي مره حلوه بس خايفه تكون عملية نصب فكيف اتاكد من هالشغله ياليت تساعدونس لاني سالت شيخ قالي انتي ماتاخذين حق احد ومنحده على دفع فلوس فالذنب عليه هو اللي اخذ فلوس بس خايفه لايكونو ينصبو عليه انصحوني ايش اعمل

[عماد الحسن]

جزاكم الله خيراً أختي .. رددي قول النبي صلى الله عليه وسلم

"اللهم اكفني بحلالك عن حرامك وأغنني بفضلك عن من سواك"
والله يغنيكم عن هذا الطريق وتلاقي الوظيفة بالطريق السليم.

[طالبة في جامعة ابوها]

الاستخارة ثم الاستخارة ثم الاستخارة

فلا يعلم الغيب سوى الله علام الغيوب

وكلي امرك ربك واستخيري وهو وحده بيريحك ويختار لك الخير