الدوره التأهيليه لطلاب إداره عامه ( تنظيم وتطوير إداري )

[أبيض قلب]

المشاركة الأصلية كتبت بواسطة جــســاس بالنسبة للاقتصاد الجزئي كتاب المختصر في التحليل هل يوجد في الرياض عند اي مكتبه لاني لم اجده عند المهندس

أخوي مدري والله لكن أعتقد فيه مكتبه ثانيه ابن سينا يمكن تلقاه عندهم بس والله ما ادري وين موقعهم

[سعود العبيد]

ابيض قلب



الله يبيض وجهك.



يالغالي.



ركز على الاقتصاد الجزئ.



ترااااه نكبه .



بعدين من هو الدكتور اللي شرحها اللله يرحم واللديك ..

[جامعي 2009]

يعطيك العافية وكثر الله امثالك ماقصرت

[القيصـــر]

اخوي ابيض قلب ياليت تفيدني اخوي عن مبادئ الادراه انا عندي الطبعه الثالثه نفس المؤلفين والاخوان يقولون الطبعه الثانيه وش رايك اذاكر فيه والا اغيره

[sosoalholwa]

الله يجزاك الخير يا أبيض قلب ..

ساعدتنا مساعدة تستاهل الدعاء لك ليلاً ونهاراً وأثناء السجود ..
والله كنت ضايعة ومحتارة وذلك لكوني خارج جدة
والتخصص مافيه ذاك العدد

بس عندي سؤال أنا في جدولي عربي والاخوان كما هو واضح ثقافة ،
هل أقدر احذف العربي واضيف الثقافة عشان يصير جدولي مثلكم ؟؟

جعل ربي يسهل أمورك وين ما رحت يا (أبيض قلب )

تحياااتي

[من الربع الخالي]

الله يكثر من امثالك ويجزاك كل خير ومجهوداتك وخدماتك لزملائك ملموسة من يوم عرفناك في المنتدى وهذا ان دل على شيئ دل على طيب معدنك وحبك للخير الله يوفقك ان شاء الله

[FAHAD1980]

المشاركة الأصلية كتبت بواسطة أبيض قلب أخواني الله يعطيكم العافيه ما أنا إلا واحد منك وفيكم تآمرون أمر أخوي fahad1980 المراجع ما هي معنا بس الكتاب المقرر مع خالص تمنياتي للجميع بالتوفيق

يعطيك العافية اخوي على إفادتك

[FAHAD1980]

ياشباب هل فيه مكتبة بالرياض تبيع


كتاب مباديء المحاسبة

وكتاب المدخل إلى دراسة الأنظمة السعودية

[أبيض قلب]

المشاركة الأصلية كتبت بواسطة سعود العبيد ابيض قلب الله يبيض وجهك. يالغالي. ركز على الاقتصاد الجزئ. ترااااه نكبه . بعدين من هو الدكتور اللي شرحها اللله يرحم واللديك ..

أبشر يا اخوي ولا يهمك راح انقل لكم كل شي بالتفصيل الممل ولا راح افوت ولا حرف يعني اعتبر نفسك حاضر معنا والله يعين الجميع
اما بالنسبه لاسم الدكتور هو المحلل الاقتصادي المعروف الدكتور أسعد جوهر
وبالتوفيق

[أبيض قلب]

المشاركة الأصلية كتبت بواسطة القيصـــر اخوي ابيض قلب ياليت تفيدني اخوي عن مبادئ الادراه انا عندي الطبعه الثالثه نفس المؤلفين والاخوان يقولون الطبعه الثانيه وش رايك اذاكر فيه والا اغيره

والله ما عندي علم يا اخوي لكن أبشر راح اسأل الدكتور بكره إن شاء الله وأفيدك
وبالتوفيق