(تجمع طالبـــــــات المستوى{5-6}--لنقل اخبار الدورة التاهيلية )

[ام حمدان]

	السلام عليكم ورحمة الله وبركاته عزيزاتي طالبات الانتساب طيب الله اوقاتكم بذكره سيكون هذا الموضوع خاص بنقل اخبار الدورة لمواد المستوى الخامس والسادس التي ستبدا بإذنا الله يوم السبت الموافق19/5 /1432 هـ والمنعقده في مقر الجامعه وارجو من الطالبات اللاتي سيحضرن الدورة عند كتابه اي خبر عن موادهم كتابة اسم الماده ورمزها في بدايه الرد بالالوان المحدده كالتالي : مواد المستوى الخامس اللغويات 321 - مقدمة في الادب 341 - مقدمة في الترجمة 350 -مناهج بحث331 مواد المستوى السادس ادب القصه (فكشن) 342 - المسرحية (دراما)343 -الصوتيات(فونيتكس)332 - الصرف (مورفولجي) 333 - النحو (سينتاكس)334 ملاحظات هامه : 1- سيحذف اي رد خارج عن الموضوع مباشرةً اما ردود الاستفسارت المكرره ستحذف بعد ان تتم الاجابه عليها وردود الشكر والدعاء سيتم حذفها بعد مرور يومين عليها 2- اي استفسارات خارجه عن الموضوع يرجى كتابتها هنا http://www.skaau.com/vb/showthread.php?t=373089 3- هذا رابط فهرس القسم وهو دليلكم الشامل لكل الروابط المهمه في القسم فقبل كتابه استفسار عن رابط معين الرجاء الاطلاع عليه وستجدون به الروابط التي تهمكم مثل روابط المواد المفيده وروابط اسئله الاختبارات السابقه وروابط التجمعات الخ جميعها موجوده هنا http://www.skaau.com/vb/showthread.php?t=373089 وفي الختام اسئل الله ان يجعل هذا الفصل حافل بالنجاح والانجازات للجميع

[ام حمدان]

lane331مناهج بحث

مس نجوى الغريبي شرحت شابتر 1 وباقي لنا شوي فيه ونخلصه المحاضره الجايه كل الكلام الي ذكرته عن الشابتر موجود في الكتاب ماجابت شي جديد ولغة الكتاب سهله اقروه وراح تفهموا الشبتر بيتكلم عن ايه

تقول بشكل عام انا ما ابغاكم تحفظوا الشرح الموجود في الكتاب تحت كل نقطه افهموا فقط الكلام وبتقدروا تختصروا المهم فيه باسلوبكم

يعني اقراو واحفظوا النقاط الهامه في كل شابتر والنقاط الي تحتها والشرح الدش الي تحت كل نقطه افهموه فقط واستنبطوا المهم منه
الكتاب دسم لانه بيسهب في الشرح لكن لمن نقراه بفهم راح نميز الشي المهم فقط في كل نقطه ونعرفه ونقدر نصيغه باسلوبنا لمن نجاوب في الاختبار
وحسينا من كلامها ان الاسئله بتكون مباشره وبتطلب امور واضحه وبديهيه وماحتتعمق كثير
ولسى مع المحاضرات الجايه راح يتضح لنا كل شي

اهم نقطه في المحاضره
انها تكلمت عن البروبوزال (مقترح البحث ) الي مفروض نعمله
قالت تبغانا نتكلم عن عمل ادبي قصه او روايه بس ماتكون قصيره حتى نقدر نلقى فيها افكار نتكلم عنها او مشاكل نناقشها
وماتبغى البحث يكون عن اللغويات او اي من فروعها قالت تبغاه عن عمل ادبي فقط
ومااعطتنا تفاصيل كثير قالت حتبدا معنا خطوه خطوه
وطلبت مننا نرسل لها ايملاتنا ضروري على هذا الايميل حتى ترسل لنا الخطوات خطوه خطوه وتفهموا في كل خطوه ايش تعملوا وبتكون فيه مهله محدده لارسال كل خطوه وتصححها وترجعها خلال المهله لو لقيت شي غلط يعني تعطيكم فرصه تاخذوا الدرجه الكامله وتتعلموا من اخطائكم
lane331research@gmail.com



تقول اكتبوا اسمكم في الرساله ورقمكم الجامعي
ولو عندكم اي استفسار عن البحث نفسه
او حابين تسئلوها عن القصه او الروايه الي بتعملوا بحثكم عنها والمفكره الي حابين تتكلموا عنها فيها فعادي اسئلوها وإن شاء الله بترد عليكم

ضروري الكل يرسلها حتى توصلكم الخطوات


بالتوفيق

[ѕυрзя пıdσ]

كفيتي و وفيتي يا ام حمدان الله يسعدك

يابنات مين كتب الكلام الي في عرض الدراما ؟؟؟

وقالت المس حتجيبو في الاختبار ولا لا

[white rose]

الصرف (مورفولجي) 333
المحاضره الاولى -مس منى البلوي
ودعواتكم يا حلوين

[رؤى م.]

السلام عليكم ورحمة الله
كيفكم بنات..الله يقويكم يارب

اليوم اخدت اول محاضرة ادب والين الان الحمد لله كلو تمام
ارتحت للاستاذه حسيت اسلوبها جديد و متطوره

بس قالت اشترو كتاب الادب الي بميتين و شويه.. انا ما عندي مشكله
بس قلت اسألكم اول ؟؟ لاني ما سمعت البنات يتكلمو الا عن الملزمه الي فيها النصوص
والشروحات من النت !!

فهل يا عزيزاتي يستاهل الشرح الي في الكتاب اني اشتريه ؟
وهل لو اشتريته برضو حنزل شروحات النت ؟؟

شكرا لكم =)

[غاية مرادي]

رؤى مايحتاج تشتري الكتاب نزلي اللي معانا من النت وبس
واذا حابه تشتريه كمرجع لك انت حره

[white rose]

المشاركة الأصلية كتبت بواسطة ѕυрзя пıdσ وايت روز حبيبي من فين جبتي عرض المورفولجي دا ؟؟ هيا اليوم بس شرحت على السبورة وقالت من شابتر 1 - 9 داخل معانا العاشر اضن حدفوة لنا

اهلين بندو
هذا مو عرض انا بسطت الدرس بالشكل ذا وادري انها كتبت على السبوره وهذا نفس الكلام بس رتبت المعلومات اللي فيه عشان يفهموا البنات اللي ما حضروا معانا كمان في اشياء قالتها على السريع وما كتبتها على السبوره برضوا انا كتبتها عشان نستفيد كلنا
وصح هيا قالت من 1-9 معانا والعاشر محذوف يعطيك العافيه انك فكرتيني يا عسوله

[ام حمدان]

المشاركة الأصلية كتبت بواسطة luxurious life يااام حمدان بس مطلوب مننا نسوي بروبوزال مقترح البحث ولا كمان نسوي بحث كامل ومشكورة

فقط مقترح بحث يعني تتخيلي من خلاله كانك تعملي بحث طويل من 30-32 صفحه
وهو بيكون كم ورقه انا شفت تبع ليتل ستار في قسم الملخصات حوالي 7 صفحات فقط
يعني مجرد خطوات بسيطه بس تحتاج مجهود وبحث ومصادر الخ بنفهمها بعدين إن شاء الله

المشاركة الأصلية كتبت بواسطة mycat بنات يمكن داخلة عرض>>>> دخلة على قوقل وكتبت اسم الدكتورة ايمان التونسي تبعت الدراما ولقيت لها مقطعين في اليوتيوب ورسالتها في الدكتوراة كانت عن ادب شكسبير والله كلامها ككبير . الله يستر مادري كيف راح تتعامل معانا ولا كيف راح يكون اسلوب شرحها ولا اختبارها ..محتارة اخلي المادة ولا ااجلها بالذات بعد ما قالت ان المسرحية التاتة معانا بس حلص كلامي ودمتم سالمين .

لا مو داخله عرض بس انا تعمدت اسكت عن محاضره الدراما عشان لانفجع البنات لغايه ما نشوف المحاضره الجايه ايش بتقرر
هي فعلا واضح عليها انها وحده بروفيشنال وتعاملنا على هذا الاساس والدليل انها قالت ابغاكم تتخرجوا من الكورس تصيروا تعرفوا تالفوا مسرحيات


والمصيبه مو بس انها دخلت المسرحيه الثالثه
المصيبه الكبرى انها طلبت مننا نذاكر عصور الادب الانجليزي وايش التطورات الي حصلت في كل عصر يعني تبغانا نبحث عنهم في النت ونذاكرها (بالله من فين نجيب وقت )
يعني مو بس العصور الي حصلت فيها مسرحياتنا المطلوبه لا كمان عصور ثانيه مالنا دخل فيها ومن الاساس ماهي مطلوبه مننا ابدا لانها مومكتوبه في مفردات القسم
وانصدمت لمن قلنا لها انه مو مطلوبه مننا
وانا خلاص ضعت في المحاضره وحسيت نفسي في حالة لا وعي وفكرت احذفها
لكن قلت بستخير اول وبشوف ردها المحاضره الجايه هي قالت بتشاور ادارة القسم وبترد لنا خبر ونهايه الاسبوع بقرر إن شاء الله
الله يعين

[cute*soso]

سبآآحكم عسل ي بنات

محاضرة الفونتكس 332
مس ليلى
اسم الكتاب A course in Phonetics

الاستاذة مدري كيف بسراحة احسها مو محضرة من بدري تحوس كل شوي تقرا من الكتاب بعدين ترتب كلامها

ما اطول عليكم الكلام اللي شرحته في الملف المرفق
وفيه كلام قرته من الكتاب عشان كيذا ما كتبته لانه موجود في الكتاب وهي شرح اجزاء الفم والحنجرة و..

[white rose]

lane331مناهج بحث
ملف مس نجوى اللي ارسلتو على الايميل