مهزلة إختبآر الإتصآل التنظيمي !

[للأمل خطوة]

السلآم عليكم
للأسف وصلت المهزله إلى درجة الإستخفآف بالطلآب
يآعآلم معقولة يجي لك سؤآل في إختبآر نهآئي كل الإجآبآت خطأ !!!
النموذج أ السؤآل 16 اللي هو تعريف الرأي القيآدي مكتوب التعريف صح
وفي الإجآبة 4 إختيآرآت كلهآ خطأ ؟
يعني أبفهم الحين هالسؤآل إجآبآته كلهآ خطأ ولآفيهآ صح كيف يتم التصحيح ؟
الشيء الثآني والله طلعت من الإختبآر مآ أدري الأسئلة 50 سؤآل أو 51 سؤآل !
المشرف مرآت يقول إحذف المكرر ومرآت يقول أحذف الرقم المكرر
واللي يلحس مخك فوق هذآ كله وأنت تحل الأسئلة تروح للصفحة الثآنية تحصل نفس السؤآل جآك في الورقة الأولى ؟؟
والله شكيت في نفسي إني مو طبيعي وتكرر هالشيء ثلآث مرآت
والمصيبه جآيب سؤآل فيه تآريخ وسؤآل في إحصآئية أمريكية بلغ عدد الموظفين :
1- 1000 2-100000 3-110000 4- 11000
يعني فوق مآ الإختبآر يفتح النفس جآيب توآريخ وأسئلة معقده ؟
طبعآ الجوآب الصح هو 100000 مئة ألف
والحمد لله حطيته من رآسي وجآء صح لمآ رآجعت الكتآب
وسؤآل عن أول شخص نآسي والله وش السؤآل ضيع اللي مآيضيع
المهم الإجآبة الصحيحة عليه كآنت إيتوآن
مآدة كنت متوقع رآح أجيب فيهآ فوق 90 حسب مآشفت إسلوبه في الإختبآر الفصل المآضي
والحين أتمنى بس أنجح فيهآ لو بـ 60 الشكوى لله
وحسبي الله ونعم الوكيل وكفى
,
إعترضت على السؤآل اللي ذكرته وجآب محضر المشرف وسجل الإعترآض بأن السؤآل 16 في نموذج أ الإجآبآت كلهآ خطأ
وطلع كلآمي صح لكن وش نقول

[غروك عذالي]

ان شاء الله تعدي على خير صراحه خوفتونا اختبارنا في جده بعد اسبوعين

[في الصميم]

ممكن الأسئلة الله يوفقك وينجحك بتقدير ممتاز

[ابو خلووود]

حبيب قلبي المادة هذي اختبرتها الترم الماضي عند هذا الدكتور وقال اللي معدلة منخفض بالمادة هذي بيرفعة لكن للاسف اللي معدلة منخفض بينخفض زيادة والله كنت متوقع 96 او 100 لكن الحمد لله جات ع ال 80 ورضيت بما قسمه الله لي فلا تحرق اعصابك ركز في موادك الباقية الله يوفقك

[n25n]

شباب أنتم شفتو الي صار اليوم
الاختبار بالللغه ألعربيه والاختيارات حاط a -b-c-d
وورقه الإجابة الاختيارات آ - ب -ج - د !!!!!
يعني وش نفهم بالله راح الوقت واحنا نسئل المراقبين وش تعني الرموز العربي بالانجلش
وثاني حاط 51 سوْال وتم حذف سوْال من المراقب
وثالثا يوجد اكثر من اربع اسئله مكرره
رابعا جايب اسئله والاجوبه كلها غلط بالله كيف نجاوب يعني !!
وسؤاليين خطاء إملائي

لو سمحتو الي عنده إيميل او رقم الدكتور احمد خليل ينزله وانا بارسله واكلمه

[Abdulrahman_q]

نفس المشاكل بالضبط حسبي الله ونعم الوكيل الله يعوضنا ويعوضكم

[alister]

حتى أنمار مطاوع تغير الاسلة كانت متعبة نفسيا الاقناع منزلها مادة حره كان أتمنى درجة حلوه لكن ما الله كتب الله يسر امركم جميع يا اخوان

[abdulrahman868]

حسبي الله ونعم الوكيل والله نفس المشكله والمصيبه تكرار الأسئله وطلعت الاسئله 51 سؤال والله يستر من ذا المادة
تكفوووووووون اللي يعرف رقم جوال دكتور المادة أبي اكلمه

[العاشق الولهان 03]

كلامك صحيح اخوي
وأضف على ذلك النموذج (ج) السؤال رقم 16 حاط تعريف القائد وللاسف الخيارات لايوجد فيها هالتعريف اي ان كل الاجابات اللي حالها غلط
وكذلك السؤال رقم (11) صراع الاّراء هو المرحلة الخامسة وبالأجوبه ما حط الإجابة ؟؟؟؟




اللي يبي إيميل الدكتور يدخل الاودس يروح للتسجيل ويطلع له المواد وإيميلات الدكتور

[مجودي الإعلامي]

كانت حفلة

كنت أظن بجيب درجة كويسة وارفع معدلي

لكن الآن اتوقع درجة النجاح برضه مو متأكدين منها

كانت الاسئلة بوادي واللي ذاكرنا بوادي آخر

اللي يطلع على اسئلة الدكتور السنين الماضية يحصل معظمه مختلف

عموما انا كان نموذجي ب

الملاحظات في الاختبار:
1) جيت بدري وحصلت الضياع في ترتيب الاماكن حيث تم تغيير موقعي إلى مكان آخر.

2) نجي للأسئلة: أخطاء إملائية.

3) عدد الاسئلة 51 سؤال مما يوقع حرج عند نقل الاجابات لورقة الاجابة.

4) سؤال بالنسبة لنموذجي متأكد انه كان خطأ.. لكن جاوبت لأقرب إجابة:
كان السؤال: خطوة صراع الآراء من تكوين الرأي هي الخطوة(.......) وذكرت الخيارات من الأولى إلى الرابعة والإجابة الصحيحة كانت الخطوة الخامسة

5) عدد الاسئلة المكررة 4 أسئلة أو أكثر

6) هل من المعقول والمطلوب من طالب الانتساب حفظ الكتاب عن ظهر غيب حتى يحصل على الامتياز

وش معنى اننا نعرف عدد المتوظفين بأمريكا .. أو مكتشف العلاقات العامة .. أوتاريخ نشأته



هنالك ما هو أهم من كل هذه الاسئلة

نحتاج إلى مواجهة الدكتور بهذه الملاحظات