للي درس تحضيري وانقبل طب بشري .. يدخل

[Bordoga]

السنة التحضيرية أحلى سنة

نسبتي واطية في الثانوية

ما استفدت من الثانوية إلا شوية كيمياء و رياضيات

وخشيت خطة ب

وها أنا الحمدلله طالب انتظام في كلية الطب

باختصار مافي شيء صعب.. وأنا عن نفسي أشوفها سهلة

[AmOoOoON]

معقوووووولة<<<< قسم

طيب كيف قدرت تدخل طب

انا الحمد لله نسبتي عاالية

بس السنة التحضيرية تخوف

تصدق اخذت ملخصات من المنتدى كيمياء وفيزياء وكذا كلوو انجلش شي مررررعب

طيب انا مستوايه مو مررة كويس في الانجلش بس شاطرة في المواد اللي في الثانوي احياء وكيمياء واحب الرياضيات

بس بسألك انا سمعت انوو الشرح بالعربي صح يعني الاستاذه تتكلم عربي وهيه تشرح؟؟؟؟؟؟؟؟

[Bordoga]

معقوووووولة<<<< قسم

طيب كيف قدرت تدخل طب

اممم


سؤال صعب

يمكن قصدك كيف أنا الفاشل قدرت أجيب النسبة اللي أهلتني اني أخش في الطب ..


كنت أروح المحاضرات وما أفهم ( غير الانقلش ) أو بالأصح ما أقدر أفهم ومدري المشكلة في مين..

أرجع البيت أفتح الملخص وأذاكر شويتين..

وبس.. ألين ما يجي أسبوع الاختبارات.. إلا وأنا مخلص وفاهم كل شي..

أجي أفتح المنتدى

ألاقي مسوين تجمعات للاختبارات.. وتلاقي اللي حايس واللي مو فاهم شابتر واللي مو فاهم شيء مرة..

عاد أنا أسوي دافور وقتها وأقوم أجاوب

طريقة حلوة صراحة أفادتني كثير .. الحلو اني اختبر معلوماتي

عاد غير الدعوات اللي حصلتها من ذا المنتدى

و جبت النسبة المطلوبة الحمدلله وانقبلت.

انا الحمد لله نسبتي عاالية

بس السنة التحضيرية تخوف

تصدق اخذت ملخصات من المنتدى كيمياء وفيزياء وكذا كلوو انجلش شي مررررعب

دائماً.. حطي في بالك..

لا شيء يبدو كما هو عليه..

لمن تلاقي الملخصات و الكتب تحسيها كتب علماء.. ح تخافي وتشوفيها صعبة

لكن صراحة .. أقل ما أقول عنها تافهة.. ومسلية..


طيب انا مستوايه مو مررة كويس في الانجلش بس شاطرة في المواد اللي في الثانوي احياء وكيمياء واحب الرياضيات

الله يوفقك..

اللغة ماهي حاجز أبداً في المذاكرة, وكلنا واجهنا المشكلة ذي.. و الحمدلله تعودنا ..

بس لازم تسيري كويسة في الانجلش.. مو كويسة مرررة.. يعني الأساسيات لازم تعرفيها..

مرة سهلة.. ومو لازم تخشي دورة وقرف..

خشي الموقع ذا وتعلمي بنفسك..

http://www.english4arab.net/

وشوفي على اليمين فيه الأقسام..

لا تثقلي على نفسك..

أمسكي الأسماء والأفعال والضمائر.. بس.. هيا المهمة والاساسية..



بس بسألك انا سمعت انوو الشرح بالعربي صح يعني الاستاذه تتكلم عربي وهيه تشرح؟؟؟؟؟؟؟؟


اممم.. إنتي وحظك.. بس غالباُ إيوة..

بالنسبة ليا.. في الأحياء وقعنا في مدرس هندي .. لا يتكلم عربي.. ولا يتكلم انجلش.. شي غريب هندلش ( انجلش بلكنة هندية )

والله الموفق

[sooma]

سلااام معليش انا من كلية الصيدلة بس جاية اطمنك

انو الشرح كللو بالعربي بس تكتبي بالانجليزي

والاساتذة مررررررررررة متعاونين ويشرحولك مرة و2 و3

ويترجمولك كل شي تبغيه

يعني ترا الموضوع مرررررة سهل بس أهم شي انك تفهمي وتعودي نفسك

كلنا اول اسبوعين حسنا وضعنا حتى الاساتذة معانا حايسين

بس من الاسبوع الثالث تأقلمنا وتعودنا على الوضع

واهم شي انك اذا فيه نقطة مانتي فاهمتها تروحي عند الاستاذة في الساعات المكتبية

وتشرحلك هيا .. أهم شي انك ترتبي نفسك اول باول

ومو شرط انك تذاكري اول بأول

انا كنت بس قبل الاختبارات باسبوع أستعد

والمعدل العالي ترا سهل انك تجيبيه

انتي بس حافظي على معدل 4.5 من 5

ودرجاتك حاولي انها في كل مادة ما تنقص عن 85 درجة

تكوني في بر الامان وتدخلي الطب وانتي مرتااااااااااااحة

واختباراتنا ميزتها كانت كلللللللللللللللها اختياري يعني الاجابة قدامك بس ركزي

مافيها كتابة ولا شي

واتمنى اني أكون افدتك

وفي النهاية طمني نفسك واستعدي لا تخوفي نفسك وتضيعي

حددي اولوياتك ورتبي نفسك وتوكلي على ربنا

وخليكي واثقة انه حتى لو ما انقبلتي طب انه خيره لكي من ربنا

انا كنت أقول زيك طب .. بس من يوم ما دخلت السنة التحضيرية قررت على الصيدلة

سبحان الله الواحد ما يعرف فين الخير مكتوب له

واتمنى لك التوفيق

[A7MD_X]

يا سلام عليك يا د/أماني

فتحتي الموضوع بدالي ..

بس انا عندي سؤال ثاني بسيط ..

الطب كم يبغاله معدل في التحضيريه ؟؟

وثااااانكس دوكتووورز

[A N G E L]

المشاركة الأصلية كتبت بواسطة amooooon الســــــــــــــــلام علـيكـــــــم ورحــــــمة الله وبركـــــــــاتهـ وعـليكم السلام ورحمة الله وبعد:: كيفكم ايش اخبااااااااااااااااركم إن شاء الله تماااااااااااااااام كلو تماااااااام ولله الحمد.. انتي بشرينا عنك ماعليه يمكن الموضوووع انعاااد تسعمية الف مليوون مرررة بس ســــامحووني انا جلست افرفر في المواضيع القديمة بس مالقيت احد سأل اللي ح سألوو مشي حالك منكم واليكم أولا حاابه اعرفكم على نفســـي انا أماني عمري 19 سنة اولى جامعه - تحضيري- خطة أ اهليين وسهلين اتشرفنا طموووووووووحي أدخل طب << اش كماااان يااربي ان شاء الله يتحقق طموحك وطموح باقي طلاب السنة ذي بس خلاص كذا يكفي لييش ياهو ندخل في صلب الموضوووع تــفزلـي الصرااحة انا حاابه اسألكم عن السنة التحضيرية كيف كانت معااكم حلووة ولا كان كل وااحد حابس عمره في غرفته ومقطع الكتب تقطيع << زي ما كنت اسوي في ثالث ثانوي والله سؤال جيد شوفي خيتو والله السنة دي مرررررررررة جيدة بالنسبة للي ما شد حيلو في الثانوية انا عن نفسي<<(( في الجامعة طبعن )) والله ما كنت اذاكر يوميا يعني كل يومين افتح المحاضرات اللي كتبتها واقرا وعن الكتب مو داك الشي يعني بس كتاب الاحصاء و الفيزياء امكن كنت افتحهم والباقي يا ملخصات..بس ملخصات اعرف دكاترتها..او كتب بالعربي يكون نفس الدكتور حقنا موصي عليها..وقبل الاختبارات باسبوعين لازم اكون مخلص طبعن الدروس والفصول اللي عليها الاختبار وهيك يا خيتوو انتي تكوني فالتها..ومذاكره..وزي ما قال دكتور هوب يعني مو كل المحاضرات مهمة ترى..عن طريق الماده لو حسيتيها سهلة والدكتورة ماشي حالها تعرفي انو دي المحاضرة ينفع تسحبي عليها وتعوضي نفسك او العكس كيف كانت لغتكم قبل ماتدخلووا التحضيري وكيف صارت بعدوو؟؟ يعني صراحة ما كانو مركزين ذاك الشي في الانكلش يعني اللي قاعد على mbc2 و mbc4 قصم لا يكون كويس في الانكلش هههههههههه والله ما امزح لانو الانكلش يعني في الجامعة صح انو المحاضرات بالانكلش لكن المنهج ما افتكر انو فتحتو..او حتى استفدت شي كتييير لانو كاان كلو معااد واخذناه في الثانوية كنتوو مخططين من قبل انو تدخلوو طب يب يب يب افكووورز اصلن كنت مجهز عفشي لو ما انقبلت واترحل استراليا بس الحمد لله جلسنا جمب اهلنا هوون كيف قدرتوا تجيبو معدل عااالي طبعا بعد توفيق الله سبحاانه وتعالى لووول ما شفت السؤال الاجابة فوق اتمنى تنصحوووووووووووني عشان اصير معااكم السنة اللي بعدها انتو مو عااارفين قد ايش انا احلم ادخل طب و حتى اهلي كمااان ما ينادووني الا يادكتوورة اتمنى انو ما اخيب ظنهم ياااااااااااارب بس اتمنى تنصحووووني بليييييز لا تبخلووون علي والله يا خيتي..ركزي في المحاضرات..حاولي تعرفي اللي وراكي وقدامك..وسيبك من الاشااعات مررررررررررررررررة لا تسمعيلها..الحذف والاضافة في المواد لا تاخديها الا على لسان الدكتورة..حاولي تعرفي قبل الاختبار بكم اسبوع من فين حتذاكري واتاكدي من المصدر يعني تسالي دكتورة..او طلاب سابقين..يعني ان شاء الله اول ما تبدا الدراسة ونعرف كيف منهجكم مح نقصر معاكم ونقولكم من فين تذاكرو اغلب المواد..لانو انا عن نفسي الكتب مو ذاك الشي فتحتها وشكرا مقدمـــــــــا

العفو خيتوو
واحنا موجودين في اي وقت

[M!ss Mojy]

المشاركة الأصلية كتبت بواسطة amooooon الســــــــــــــــلام علـيكـــــــم ورحــــــمة الله وبركـــــــــاتهـ وعليكم السلام ورحمة الله وبركاته وبعد:: كيفكم ايش اخبااااااااااااااااركم إن شاء الله تماااااااااااااااام الحمدلله بخير وعال العال ماعليه يمكن الموضوووع انعاااد تسعمية الف مليوون مرررة بس ســــامحووني انا جلست افرفر في المواضيع القديمة بس مالقيت احد سأل اللي ح سألوو عادي يا دكتورة اماني احنا هنا تحت الخدمة في اي وقت أولا حاابه اعرفكم على نفســـي انا أماني عمري 19 سنة اولى جامعه - تحضيري- خطة أ طموووووووووحي أدخل طب << اش كماااان يااربي بس خلاص كذا يكفي ندخل في صلب الموضوووع شووفي ياعسل اهم شي انك اعترفتي انو الطب هو طموحك ... هو مجالك هو ميولك واذا جلستي بينك وبين نفسك حاولي تقنعي نفسك انك بإذن واحد احد راح تصيري طبيبة ناجحة << شوفي هذا التفكير الايجابي مرره يساعد الشخص على تحقيق مبتغاه الصرااحة انا حاابه اسألكم عن السنة التحضيرية كيف كانت معااكم حلووة ولا كان كل وااحد حابس عمره في غرفته ومقطع الكتب تقطيع << زي ما كنت اسوي في ثالث ثانوي السنه التحضيرية بالنسبة ليا كانت من احلى سنوات عمرري انا بالنسبة ليا حسيت انو في ثالث ثنوي تعبت اكثر من التحضيري مااعرف ليه يمكن عشان الثانوي كانت مرحلة تآسيس وكل المعلومات جديدة عليكي بعكس التحضيري يعني اغلب الدروس سبق واخذناها بالثانوي بس الحين تاخذيها بالانجليزي وكمان احس الدروس مبسطة اكثر من لمن كانت في الثانوي بس طبعا لا تستسهلي السنه التحضيرية مررره يعني يبغالها شدة حيل وتركيـــز لان اسئلة الاختبار مو زي الي تعودنا عليها في الثانوي يعني في الثانوي كنتي عارفه طريقة اسئلة الاختبار وكيف راح يجي بعكس التحضيري يجيبوا لك اسئلة ماتعرفي من وين يعني يبغالها واحد مركز واحد ذاكر بفهم مو حفظ ( باستثناء الاحياء ) كيف كانت لغتكم قبل ماتدخلووا التحضيري وكيف صارت بعدوو؟؟ شوفي انا كانت لغتي تقدري تقولي متوسطة او دون المتوسطة بس الحمدلله في التحضيري مرره شديت حيلي في الانجليزي وكنت اذاكره بذمة وضمير بعكس بعض البنات الي اخذوا مادة الانجليزي مادة مالها داعي ويذاكروها قبل الاختبار بيوم ويكتفوا بكم ساعة مذاكرة ويقفلوا الكتاب ( عشان كذا في طالبات مرره كانت درجاتهم متدنية في الانجليزي ) انتي كمان حاولي تطوري من انجليزيتك مو بس تكتفي بالاشياء الي تاخذيها في الكتب كنتوو مخططين من قبل انو تدخلوو طب يوووووه حتى كلمة مخططين قليله هع انا الطب كان يمثل لي كل حياتي وزادت رغبتي في هذا التخصص بعد التحضيري لدرجة اني اقعد مع نفسي واتخيل شكلي وانا دكتورة ... اتخيل مواقف تصير معايا في الطب عارفه حتى اني حلفت اني ماالبس اللاب كوت الا لمن انقبل في الطب والحمدلله انقبلت ولبسته كيف قدرتوا تجيبو معدل عااالي طبعا بعد توفيق الله سبحاانه وتعالى بختصرها بنقاط : 1- التوكل على الله وحسن الظن به 2- وجود هدف قووووووي وطموح عالي 3- الاجتهاد ثم الاجتهاد ثم الاجتهاد ( حاولي تطلعي كل طاقاتك في التحضيري عشان مايجي اليوم وتندمي فيه على انك ماشديتي حيلك ) اتمنى تنصحوووووووووووني عشان اصير معااكم السنة اللي بعدها انتو مو عااارفين قد ايش انا احلم ادخل طب و حتى اهلي كمااان ما ينادووني الا يادكتوورة اتمنى انو ما اخيب ظنهم ياااااااااااارب بس اتمنى تنصحووووني بليييييز لا تبخلووون علي ياقلبي هونيها وتهوووووون وصدقيني كلنا كنا زيك ونتمنى الطب اكثثر من اي شي في هذي الدنيا والحمدلله ربي وفقنا وحققنا طموحنا نصيحتي لك اخلصي النية لله وتوكلي عليه وسوي كل الي تقدري عليـــــــه واذا لا سمح الله ماجبتي درجات كويسة في مادة معينه لا تتحطمي وتحسي انو الدنيا كلها قفلت في وجهك وانو خلاص حلمك راح وطاااار لا خلي هذي الدرجة هي الدافع لك للاجتهاد اكثر واكثر وبكتب لك موقف صار معايا في اختبار الكيمياء بس مافيا اكتب انا كتبت الرد في منتدى ثاني بروح ادور عليه واحطه هنا وشكرا مقدمـــــــــا العفووووو يادكتورة وان شاء الله السنه جاية تكوني معانا

وان شاء الله اكون افدتك ولو بشي بسيييط

[M!ss Mojy]

المشاركة الأصلية كتبت بواسطة a7md_x يا سلام عليك يا د/أماني فتحتي الموضوع بدالي .. بس انا عندي سؤال ثاني بسيط .. الطب كم يبغاله معدل في التحضيريه ؟؟ وثااااانكس دوكتووورز

هذا السؤال مر عليا مليوون مره

شوف يادكتور

المعدل يعتمد على اساس معدلات الطلاب في دفعتك

يعني انت شد حيلك وحاول معدلك لا ينزل عن 4.5 وبإذن الله تنقبل في الطب

وفي شي كمان اسمو النسبة الخاصة لازم تكون شي معين عشان يدخلوك الطب

انا عن نفسي ملخبطة فيها خلي الدكتور ريان يشرح لك ماشاء الله عليه في كل موضوع يحط شرح النسبة الخاصة

[M!ss Mojy]

شوفي هذا الرد ليا ( واستحملوا فلسفتي لان حطيت الرد هذا في موضوع عن التفكير الايجابي )

في السنه الي فاتت يعني التحضيري كانت تعدي علينا ايام صعبة جدا

ايام تحسي نفسك خلاص محطمة .... ايام تحسي انو حلمك في التخصص ضاع هباء منثورا

وبحكيكم عن احد المواقف الي صارت لي في الترم الثاني وتحديدا في مادة الكيمياء

طبعا اختبار الكيمياء الدوري الاول كان جــــــــــــــــدا صعب والوقت كان مرره ضيق

يعني كان الاختبار توتر في توتر

وماقدرت احل زي العالم والناس مع انو كنت داخله الاختبار و انا فاهمة المنهج كلو ولله الحمد

المهم عدى الاختبار وطلعت الدرجات وكانت الدرجة بنسبة ليا غير مرضية

يمكن غيري يشوفها كويسه بس بالنسبه ليا وللبنات الي يبغوا تخصص الطب ماكانت الدرجه كويسه

المهم قلت انا لازم اشـــــــــــــــد حيلي واعوض الدرجه في الاختبار الدوري الثاني

وجا اليوم المنتظر يوم اختبار الدوري الثاني للكيمياء

وفي الصباح وانا اتجهز للجامعه وقفت كذا قدام المرايه

( طبعا اتآكدت انو مافي احد يشوفني عشان محد يشك اني تجننت ههههههههههه )

وجلست اتكلم بصوت عالي واقول :

( موجي انتي راح تدخلي الاختبار وتحلي كويس وتجيبي الفل مارك )

وجلست اقنع نفسي بهذا الشي وطول الطريق كمان جالسه اردد الجمله هذي

وفعلا دخلت الاختبار وانا متفااااائـــــــــــلة لدرجة ماتتوقعوها كاني داخله الاختبار وانا واثقه من الدرجة

بس يعني قبل الاختبار جاني شويا قلق وخوف وهذا شي طبيعي ههههههههههههه


ولله الحمد لمن نزلت الدرجات اخذت الفل مارك

يعني الي حابه اوصلكم هوا من الموقف هذا انو خلوا تفكيركم دائما ايجابي عشان تقدروا تحققوا الي تبغوه

وفي نفس الوقت تزيد ثقتكم بنفسكم لمن يكون تفكيركم ايجابي

وكما قال عليه افضل الصلاة والسلام ( تفائلوا بالخير تجدوه )

يعني كل الاشياء الي بتصير لك في واقعك هو انعكاس لما تفكر به

فتفكيركم زي المغناطيس اذا كان تفكير متفائل راح يجذب لكم المواقف السعيدة والانجازات والنجاح

اما اذا كان تفكيركم متشائم دائما فأبشروا بحياة تعيسة ملؤها الهم والغم

[rayyan1444]

المشاركة الأصلية كتبت بواسطة m!ss mojy وفي شي كمان اسمو النسبة الخاصة لازم تكون شي معين عشان يدخلوك الطب انا عن نفسي ملخبطة فيها خلي الدكتور ريان يشرح لك ماشاء الله عليه في كل موضوع يحط شرح النسبة الخاصة

ههههههههههههههههههههاي المفروض يحطوني في موسوعه جينس لاكثر واحد يشرح النسبة الخاصة


النسبة الخاصة والدرجة الموزونه




النسبة الخاصة مجموع درجاتك في المواد التالية ( فيزياء - كيمياء - احياء - انجليزي 1 - انجليزي 2 ) قسمة على 5

ولازم تكون النسبة الخاصة فوق 85 عشان تدخلي الطب (طبعا الكلام هذا على سنتنا يمكن يغيروها على سنتكم)



الدرجة الموزونه هذي مجموع درجاتك في كل مواد السنة التحضيرية قسمة على 9

والصبايا وقفوا على 90 والشباب وقفوا على 83.666

واي سعال شباب وبنات الطب في الخدمه