اللي حضر الدوره من طالبات المستوى الرابع تفيدنا!!

[nado1331]

السلام عليكم..
كيفكم بناات؟

محتاجين مساعدتكم لان كثيير بنات ماقدرو يحضرون الدوره ومابقى شي ع الاختبارات

اولا..التحرير الكتابي في بنات قالوا نذاكر من الكتاب وبنات قالو من الاسئله والملخص اللي بموقع الاستاذه فاطمه وهي تغنى عن الكتاب.. الي حضرت الدوره ياليت تفيدنا بهالشي!!

ثانيا..التسويق على حسب علمي ان الاستاذه حطت بوربوينت وقالت خططو الكتاب منه..ياليت تنزلون لنا العرض حق الماده وهل نذاكر بس التخطيط ولا الكتاب كله!!

ثالثا..ادارة العمليات كيف طريقة مذاكرتها؟؟ وهل لها ملخص او اي شي يساعدنا فيها.. افيدونا وش قالت الاستاذه عن هالماده؟؟

رابعا.. المحاسبه الاداريه في ملخصات للاستاذه تغريد وفي للاستاذه ديالا نذاكر اي ملخص فيهم وهل نعتمد عليه ومانفتح الكتاب؟؟

ضروري اللي حضرت الدوره تفيدنا..
الله يجزى الف خييير الي ترد على الاسئله ويارب يعطيها على قد نيتها ويوفقها بالدارين..

[خـ ج ـل]

انا ماحضرت الدورة بس برد عليك

اولا..التحرير الكتابي في بنات قالوا نذاكر من الكتاب وبنات قالو من الاسئله والملخص اللي بموقع الاستاذه فاطمه وهي تغنى عن الكتاب.. الي حضرت الدوره ياليت تفيدنا بهالشي!!

لاتستغني عن الكتاب في اي حال من الأحوال ذاكري وبعد ماتخلصي ارجعي للتمارين والتلخيص اللي نزلته الأستاذة على موقعها

ثانيا..التسويق على حسب علمي ان الاستاذه حطت بوربوينت وقالت خططو الكتاب منه..ياليت تنزلون لنا العرض حق الماده وهل نذاكر بس التخطيط ولا الكتاب كله!!

التسويق تذاكري الكتاب المقرر عليك طبعا وتركزي على النقاط المذكورة بالبوربوينت يعني مو تركزي ع العرض وتتركي الكتاب انتبهي

ثالثا..ادارة العمليات كيف طريقة مذاكرتها؟؟ وهل لها ملخص او اي شي يساعدنا فيها.. افيدونا وش قالت الاستاذه عن هالماده؟؟

هوا فيه حذف من الاستاذة لبعض الأشياء وام سعودي وشموخي الله يعطيها الصحة والعافية وعدتنا بزبدة الدورة بس الظاهر انو عندها ظروف منعتها
والبنات اللي اعرفهم ولا وحده حضرت الدورة بس بنحاول نوصل لبنات حضروا

رابعا.. المحاسبه الاداريه في ملخصات للاستاذه تغريد وفي للاستاذه ديالا نذاكر اي ملخص فيهم وهل نعتمد عليه ومانفتح الكتاب؟؟

انا بالنسبة لي راح اعتمد ملخص تغريد وراح اشيك ع الكتاب من باب انو انا البنت الدافوره < الترم هذا متنحه والمود موش تمام خالص معرفشي واللهي ايه اللي قرالي

بإختصار ذاكري الكتب وأي شي بور او تلخيص او هيك شي ركزي عليه مو تعتمدي
وفالك يارب المعدل الحلو ..

[RǒǾjα Đεε]

احم احم انا حسوي فيها الدافوره واقولكم ايش طلعت من الدوره :)

عربي .. زاكري الكتاب كله والشبكة العنكبوتيه محذوفه والفصل الرابع الاخطاء الكتابية حتجي في الاختبار من امثلة الكتاب مو من برا .. والملخص صراحه شوفته لسه يبالو حل وبعدين نزاكر منه صراحه حراجع منه لو كان عندي وقت الكتاب شكله سهل يتزاكر كله احسن, ما سمعتها قالت من فين الصراحه ما حفتي ههههههه

المحاسبة .. ياربيي منها دي الماده -_- الكتاب مع نفسه انا حزاكر من ملخص تغريد ما ادري عن ديالا .. ولو زاكرتي من تغريد يبالك تصوري من الكتاب اسئلة نهاية كل فصل عشان هيا مو كاتبة السؤال بس كاتبة الصفحه
ةترى الاختبار حيكون فيلو 4 اسئلة مقالي (كتابه ) ايش هيا لسه ما قالوواااا :'( لو احد سمع يقولنا :( انا حجلس ورا استاذه تغريد الين ما اعرفها ان شاء الله وبس دا المحاسبة :)

التسوييق .. زاكروا كتاااب زاكروا كتاااب زاكروا كتااب .. البور اول شي غير عن المفردات لانه هيا سوته قبل لا ينزل الاشياء المحذوفه , و ما ادته للكل وكلمتنا مليوون مررره الكتاااااااااب لازم تزاكروه حتى لو اخدتو البور وحيكون الاختبار 100 سؤال :)


العملياااااااااااات .. احلى ماده مررره ممتعه ترا هههههههههههه والاستاذه مرره جيده الله يسعدها :)
يلا جيبوا الكتب وتعالوا خدوا التأشير ...
حمشي معاكم من البداية صفحه صفحه وترا طبعتي قديمه الجديدة ما ادري كيف :)
اول شي قالت المسائل كلهاااااا مو معانا اي شي حسابي كمي لأ ما عدا مخرجات على مدخلات دا اهم شي .. وقالت كماان كل الاساليب معاناا " نفهم الفكرة والغرض منها بس " الجزء الكمي محذوف
الفصل الاول مافي شي اشرته نطي التاني
ص50 القانووووووووووووووووون دا مررررررررره مهم اهم قانون في الكتااب خليكي فاكراه مزبووط
وفي غلط في المثال بفرض ان احدى ...
اجمالي الموارد (جنية) >>>> اجمالي الانتاج (جنيه )
والي تحتها اجمالي الانتاج تسير موارد

من ص 63 اليين ص 69 دا كلللله قوانين هيا نفسها مدخلات وخرجات القانون الاول بس اقرأيها عشان لو جاكي سؤال تعرفي كيف هوا نفس القانون بس مسويين فله

الفصل الثالث .. الاساليب الحل الكمي لأ الباقي معانا
ص 102 القوانين افهميها لأنو هيا الي حتوصلنا لقانون الي في ص103 وهوا معانا هههههههههههه
ك = كمية التعادل , س=سعر بيع الوحدة , م = التكلفة المتغيرة للوحدة ,ث = تكلفة ثابته
هادا اكتبيه على القانون ص 103

104 +105 معانا ومن عند كيف يمكن استخدام ... اليييين نهاية الفصل محذوف ما عداااا الاسالييب اوكي الاساليب معانا كلها .. الجداول كلها لأ طبعا
216 المثال محذوف
ص367 الين ص370 بلا بلا بلا كلام كتيير اقرأيه افهميه سريع وص 372 فعلى سبيل المثال .. قرأه .
ص382 النسب هادي 3 % و 2% ومدري ايش الاربعه دولا لا تحفظيهم :p كيف بس هههههههههههههههههه بس النسبه الي مو معانا الكلام ايوا ههههههه بس الرقم الي محذوف (3%) هههههه

وبس :) هوا دا كل شي وبالتوفييق يارب

[حسان السراقبي]

المشاركة الأصلية كتبت بواسطة خـ ج ـل انا ماحضرت الدورة بس برد عليك لاتستغني عن الكتاب في اي حال من الأحوال ذاكري وبعد ماتخلصي ارجعي للتمارين والتلخيص اللي نزلته الأستاذة على موقعها التسويق تذاكري الكتاب المقرر عليك طبعا وتركزي على النقاط المذكورة بالبوربوينت يعني مو تركزي ع العرض وتتركي الكتاب انتبهي هوا فيه حذف من الاستاذة لبعض الأشياء وام سعودي وشموخي الله يعطيها الصحة والعافية وعدتنا بزبدة الدورة بس الظاهر انو عندها ظروف منعتها والبنات اللي اعرفهم ولا وحده حضرت الدورة بس بنحاول نوصل لبنات حضروا انا بالنسبة لي راح اعتمد ملخص تغريد وراح اشيك ع الكتاب من باب انو انا البنت الدافوره < الترم هذا متنحه والمود موش تمام خالص معرفشي واللهي ايه اللي قرالي بإختصار ذاكري الكتب وأي شي بور او تلخيص او هيك شي ركزي عليه مو تعتمدي وفالك يارب المعدل الحلو ..

الله يعطيكي ألف ألف ألف عافية يا أختي على ردودك ومساعدتك للبنات
ويجعلها ربي في ميزان حسناتك دنيا وآخرة
وياريت لو تسمحيلي أضيف موضوع حطته وحدة من البنات فيه روابط للحاجات يالي تحتاجه
http://www.skaau.com/vb/showthread.php?t=367847
حتلاقي فيه كل يالي يفيدك كمان بإذن الله
عذرا على تدخلي
وبالتوفيق إن شاء الله

[خـ ج ـل]

المشاركة الأصلية كتبت بواسطة rǒǾjα Đεε احم احم انا حسوي فيها الدافوره واقولكم ايش طلعت من الدوره :)

فديت البك وربي ماقصرتي
اسأل الله يحقق لك كل أمانيك وأحلامك
وربي تستاهلي وسام الطالبة الدافورة

[خـ ج ـل]

المشاركة الأصلية كتبت بواسطة حسان يا عرب الله يعطيكي ألف ألف ألف عافية يا أختي على ردودك ومساعدتك للبنات ويجعلها ربي في ميزان حسناتك دنيا وآخرة وياريت لو تسمحيلي أضيف موضوع حطته وحدة من البنات فيه روابط للحاجات يالي تحتاجه http://www.skaau.com/vb/showthread.php?t=367847 حتلاقي فيه كل يالي يفيدك كمان بإذن الله عذرا على تدخلي وبالتوفيق إن شاء الله

ماتقصر انت ياحسان وتدخلك فيه منفعه للجميع ان شاء الله

فالك التوفيق

[nado1331]

الله يعطيييكم الف عااافيه والله انكم شلتو عني هم مثل الجبل..

خجل..روجا..حسان.. الله يوفقكم وتجيبون اعلى الدرجات..

روجا الله لايهينك صوريلي كتابك الطبعه القديمه عشان اشوف شكله

والله يسعدك اي شي جديد ياليت تكتبيه هنا..

[RǒǾjα Đεε]

خجل ..
أجمعيييين يارب يا حلوه تسلميلي ^_^
اوووه اما البنت الدافوره ههههههههههههه يجي :P

ندوو.. الله يعافيكي يارب =)
اجمعييين يارب ان شاء الله ..

هادي الصوره ..


ان شاء الله يا حلوه ولا يهممك ^_^

[حسان السراقبي]

الله يخليكم يارب
ونحنا بالخدمة بأي وقت إن شاء الله
وربي يكتب لنا التوفيق جمييييييييييييييييييييعا ^_^

[E v e]

الله يجزاكم خير

ترى فيه ناس وراكم ضايعة.. ما ادري وش صاير.. مازلت اعيش ايام عطلة

مو متحمسه لهالترم ابدد واناظر الكتب عن بعد!!

لعل كلامكم يخوفني شوي وابدا اذاكر

انا للحين ماحصلت كتاب المحاسبة وما ادري ارجع اطارد وراه او اخليه مثل حق العام الغير مستفاد منه!

بس قريت فيه اجزاء نظرية .. احد يعرف هي موجوده بملخص تغريد او لازم نشتريه ؟

ماقصرتوا الله يوفقكم وشكراً جزيلاً من الرياض لجدة